2 कुरिन्थियों 5:14 - बिलासपुरी नौआं नियम

¹⁴ काँह्भई मसीह रा प्यार अहांजो मजबूर करी देआं; काँह्भई अहें ये समझां ये भई मसीह सारयां लोकां रे खातर मरया इसी खातर अहें सारे मरीगे।

2 कुरिन्थियों 5:14 ပူးပေါင်းရင်းမြစ်များ

मत्ती 20:28

तियां जे भई माहणुये रा पुत्र, यनि हऊँ इस खातर नीं आया भई अपणी सेवा करवाऊँ, पर हऊँ इस खातर आया भई अप्पूँ सेवा करूँ कने बौहत सारे लोकां जो पापां ते छुड़ाणे खातर अपणा प्राण देऊँ।”

लूका 15:24

काँह्भई मिन्जो येढ़ा लगया भई मेरा ये मुण्डु मरीगरा था, पर ये जिऊंदा। ये गवाच्छी गरा था, पर हुण मिलीग्या। कने सै नन्द करने लगे।

लूका 15:32

अहां ये खुशिया रा दिन मनाणा। काँह्भई तेरे भाईये रा घरें वापस औणा जिऊंदा हुणे रे बराबर आ। सै गवाच्छी गरा था, कने हुण सै घरौ वापस आईग्या।’ ”

लूका 24:29

पर तिन्हे ये बोल्लीने विनती किति भई, “आज्ज अहां ले रुका, काँह्भई दिन घरी गरा था, कने रात हुईगरी थी!” इस खातर यीशु रैहणे जो तिन्हारे घरा जो गया।

यूहन्ना 1:29

दुज्जे दिन यूहन्ने यीशुये जो अपणी तरफ औन्दे देखीने गलाया, “देक्खा, ये परमेशरा रा मेमना सै जे संसारा रा पाप अपणे ऊपर लेई जां।

यूहन्ना 11:25

यीशुये तिसाने बोल्या, “हऊँ सै आ सै जे मूईरयां लोकां जो न्याय रे दिन जीवना च वापस लैई औवां; सै जे माह पर विश्वास कराँ, भले इ सै मरी जो, तिस जिऊंदा रैहणा,

यूहन्ना 5:25

“हऊँ तुहांजो सच्च बोलां भई सै बगत औणे औल़ा बल्कि आई चुक्कीरा, तिसच जे आत्मिक तरिके ने मूईरयां लोकां परमेशरा रे पुत्रा रा यनि मेरा बचन सुणना, कने सै जे सुणगे तिन्हां अनन्त जीवन पाणा।

प्रेरितां 18:5

तां जे सीलास कने तिमुथियुस मकिदुनिया प्रदेशा च आये, तां पौलुस वचन सुनाणे रे जोशा च यहूदियां जो गवाही देणे लगया भई यीशु इ मसीह आ।

रोमियो 2:2

कने हुण अहें जाणाँ ये भई परमेशर ठीक आ ताहली जे सै इस तरिके रे काम्म करने औल़यां जो सजा देआं।

रोमियो 5:15

पर परमेशरा रा मुख्त बरदान आदम रे अपराधा साई नींआ। ये सच्च आ भई बौहत लोक इक्की माहणुये यनि आदमा रे पापा रिया वजह ने मरे। पर परमेशरा रे अनुग्रह कने तिसरे मुख्त बरदान बौहत सारयां लोकां रे खातर महान ए सै जे इक्की माहणुये यनि यीशु मसीह रे अनुग्रह ते औआं।

रोमियो 6:13

कने अपणे शरीरा रे अंगाँ जो अधर्मा रे कम्मां खातर पापां रे हवाले नीं करा, वल्कि मुड़दयां चते जिऊंदा हुणे साई परमेशरा रे हवाले करा, कने अपणे शरीरा रे अंगाँ जो धार्मिकता रे कम्मां खातर परमेशरा जो सौंपा।

रोमियो 6:6

अहें ये जाणाँ ये भई अहांरी पुराणी जिन्दगी यीशुये सौगी क्रूसा पर चढ़ाई तरी ताकि पापा ने भरीरा अहांरा शरीर खत्म हुई जाओ, कने अहें अग्गे जो पापा रे गुलाम नीं बणीरे रौ।

1 कुरिन्थियों 16:22

हे अहांरे प्रभु औ!

1 कुरिन्थियों 2:14

पर तिस माहणुये ले जे पवित्र आत्मा नींआ सै परमेशरा रे आत्मा रियां गल्लां ग्रहण नीं करदा, काँह्भई सै तिसरियां नज़राँ च मूर्खता रियां गल्लां इयां, कने सै तिन्हांजो नीं जाणी सक्कां, काँह्भई तिन्हांरी परख आत्मिक रितिया ने हुआं इ।

2 कुरिन्थियों 3:7

ताहली जे मूसा री व्यवस्था अखराँ च पत्थरा पर खोदीने दित्ति गई थी, तां परमेशरा री महिमा दिखाई गई, भई इस्राएल रे लोक मूसा रे तिस तेजस्वी मुँआं जो देक्खी नीं सक्के, कने तिसरा सै तेज बाद बिच घटदा गया। जे व्यवस्था सै जे मौत ल्यौआं इ इतणी महिमा सौगी आई,

2 कुरिन्थियों 3:9

कने फेरी जे दोषी बनाणे औल़िया वाचा च इतणा तेज था, तां तिसा नौंईयां वाचा च बौहत जादा तेज आ सै जे अहांजो परमेशरा रे सामणे धर्मी बणाईं।

गलातियां 2:20

हऊँ मसीह सौगी क्रूसा पर चढ़ाया गईरा, हुण हऊँ जिऊंदा निआं, पर मसीह माह च जिऊंदा; कने इस शरीरा च हुण हऊँ सै जिन्दगी जे जी कराँ, सै सिर्फ तिस विश्वासा ने जीवित आ सै जे परमेशरा रे पुत्रा पर आ, तिने जे माहने प्यार कित्या कने खुद अप्पूँजो मेरे खातर अर्पण कित्या।

इफिसियां 6:24

परमेशरा रा अनुग्रह तिन्हां सब्बीं पर बणीरा रौ सै जे अहांरे प्रभु यीशु मसीह ने बेथौह प्यार कराँ ये।

कुलुस्सियां 2:13

ताहली जे तुहें अपणे पापां च मुड़दा थे कने तुहें अपणे पापी स्वाभावा रिया शक्तिया ते अजाद नीं थे, फेरी परमेशरे तुहांजो मसीह सौगी जिऊंदा कित्या, कने अहांरे सारे अपराधां जो माफ कित्या,

कुलुस्सियां 3:3

काँह्भई तुहांरा बुरा स्वाभाव त मरी चुक्कीरे कने तुहांरा जीवन मसीह सौगी परमेशरा च छिपिरा।

1 तिमुथियुस 2:6

तिने जे अपणिया जिन्दगिया जो सब्बीं माहणुआं रे छुटकारे रे खातर कीमता रे रुपा च बल़ि करित्या, कने तिसरिया मौती रे जरिये परमेशरे सही वगता पर ये सबूत दित्या भई सै चांह भई सारे लोक छुटकारा पाओ।

1 तिमुथियुस 5:6

पर सै जे विधवा भोग विलासा रे खातर जीआं इ, सै मूईरे माहणुये साई, हलाँकि सै जिऊंदा इ।

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

इब्रानियों 2:9

पर अहें यीशुये जो देक्खां ये, सै जे स्वर्गदूतां ते किछ इ वगता रे खातर घट कित्या गया था, ताकि परमेशरा रे अनुग्रह रे जरिये सै सब्बीं रे खातर मरी सक्को। कने काँह्भई तिने दुख सैया कने मरया, तां हुण अहें जाणाँ ये भई सै महिमामय आ कने आदर कित्या गईरा।

इब्रानियों 6:10

काँह्भई परमेशर अन्याई निआं भई तुहांरे काम्म, कने तिस प्यारा जो भुल्ली जाओ, सै जे तुहें तिसरे लोकां री मदद करने रे जरिये तिसरे खातर दस्या। कने परमेशर याद करगा भई तुहें हुण बी लोकां री मदद करया राँये।

1 पतरस 1:8

हलाँकि तुहें कदी यीशु मसीह जो नीं देख्या फेरी बी तुहें तिसने प्यार कराँ ये; कने हुण तुहें तिस्सो नीं देखदे, फेरी बी तुहें तिस पर विश्वास कराँ ये कने येढ़े आनन्दित कने मगन हुआं ये सै जे बखान करने ते बाहर कने महिमा ने भरीरा,

1 यूहन्ना 5:19

अहें जाणाँ ये भई अहें परमेशरा रे बच्चे, कने सारा संसार तिस शैतान्ना रे बशा चा।