2 कुरिन्थियों 4:12 - बिलासपुरी नौआं नियम

¹² इसा वजह ते अहें मौती रे खतरयां च जीआं ये, पर इसरा नतीजा तुहांरे खातर अनन्त जीवन आ।

2 कुरिन्थियों 4:12 ပူးပေါင်းရင်းမြစ်များ

प्रेरितां 20:24

पर हऊँ अपणे प्राणां जो बी किछ नीं समझदा भई तिस्सो प्यारा जाणुं, पर येढ़ा भई हऊँ अपणी दौड़ा जो कने तिसा सेवा जो पूरी करूँ, सै जे परमेशरा रे अनुग्रह ते खुशखबरिया री गवाही देणे खातर प्रभु यीशुये ते पाईरी।

1 कुरिन्थियों 4:10

इस संसारा रे लोक सोच्चां ये भई अहें मसीह रे खातर मूर्ख ये, पर तुहें सोच्चां ये भई तुहें मसीह च बुद्धिमान ये; बौहत लोक सोच्चां ये भई अहें निर्बल ये, पर तुहें सोच्चां ये भई तुहें बलवान ये, तुहौं लोक आदर दें, पर सै अहांरा निरादर कराँ ये।

2 कुरिन्थियों 12:15

सै जे किछ मेरले आ तिस्सो तुहांरे खातर बड़िया खुशिया ने खर्च करगा, कने तुहांरी मदद करने रे खातर अपणा जीवन बी देई देन्गा। जे हऊँ तुहांजो जादा प्यार रखां, तां भला तुहें मिन्जो घट प्यार कियां करी सक्कां ये।

2 कुरिन्थियों 13:9

ताहली जे अहें कमजोर ये कने तुहें बलबन्त ये, तां अहें खुश ये, कने अहें इसरे खातर इ प्राथना कराँ ये, ताकि तुहांरा स्वाभाव बदलदा जाओ।

2 कुरिन्थियों 4:11

काँह्भई यीशुये रिया वजह ने अहांजो जीते जी हमेशा मौती रे खतरयां च सौंपया जां, ताकि यीशुये रा जीवन बी अहांरे नाश हुणे औल़यां शरीराँ च साफ तौरा पर परगट हुई जाओ।

2 कुरिन्थियों 4:13

पवित्रशास्त्रा च ये लिखिरा, “मैं विश्वास कित्या था इस खातर मैं गलाया।” अहां च बी विश्वासा री सैई आत्मा इ कने अहें बी विश्वास कराँ ये इस खातर अहें बी बोलां ये।

फिलिप्पियां 2:17

जे मिन्जो तुहांरे विश्वास रुपी बलिदान्ना कने सेवा सौगी अपणा खून बी बहाणे पौ तां बी मिन्जो खुशी हूणी, कने तुहां सब्बीं सौगी मौज कराँ।

फिलिप्पियां 2:30

तिने मसीह रे कम्मां खातर मौती रा सामणा कित्या कने अपणिया जिन्दगिया जो खतरे च पाईत्या ताकि सै सहायता जे तुहें खुद मिन्जो नीं देई सक्के, तिस्सो इपफ्रदीतुस पूरा करी सक्को।

1 यूहन्ना 3:16

यीशु मसीह अहांरे खातर अपणिया जिन्दगिया रा त्याग करित्या; इसते अहें जाणाँ ये भई प्यार क्या; इस खातर अहांजो बी अपणे साथी विश्वासियां रे खातर अपणे प्राणां रा त्याग करना चाहिन्दा।