यीशुये अपणे चेलयां जो इस बारे च दस्या भई अहांजो हर बगत प्राथना करने री जरूरत इ कने निराशा च पैईने हिम्मत नीं हारनी चाहिन्दी, फेरी तिन्हांजो ये उदाहरण गलाया :
तां फेरी पौलुस कुण आ? कने अपुल्लोस कुण आ? अहें सिर्फ परमेशरा रे सेवक ये तिन्हांरे जरिये जे तुहें विश्वास कित्या, तियां जे हर इक्की प्रभये रे जरिये सौंपी रिया जिम्मेवारिया जो निभाया।
क्वारियाँ रे बारे च सै स्वाल जे तुहें पुच्छया था तिसरा जबाब हऊँ देणा चांह: प्रभुये रिया तरफा ते कोई हुक्म मिन्जो नीं मिलया, पर प्रभुये रिया दया ते बफादार हुणे रे नाते हऊँ अपणी राय देआं।
तिने इ अहांजो नई वाचा रा सेवक हुणे रे काविल बी बणाया, ये कोई लिखिरी मूसा री व्यवस्था निआं बल्कि आत्मा री वाचा इ, काँह्भई ये व्यवस्था मौत ल्यौईं, पर परमेशरा रा आत्मा जीवन देआं।
कने फेरी ये सारियां गल्लां तिस परमेशरा रिया तरफा ते हुआ इयां, तिने जे अहें मसीह रे जरिये अप्पूँ च मलाईल्या कने लोकां जो परमेशरा ने मेल-मलापा रा काम्म अहांजो सौंपीत्या।
हलाँकि हऊँ त पैहले मसीह री निंध्या करने औल़ा, विश्वासियां जो सताणे औल़ा, कने निर्दयी माहणु था; तां बी मसीह माह पर दया कित्ती, काँह्भई मैं अनजाणे च कने अविश्वावासा रिया वजह ने ये काम्म कित्ते थे।
इस खातर यीशुये रे उदाहरणा पर ध्यान देआ भई तिने जे पापियां रे जरिये दित्तिरे बौहत दुखां जो कने नफरता जो सहन करील्या, ताकि तुहें उदास हुईने हिम्मत नीं हारी दो।