2 कुरिन्थियों 3:3 - बिलासपुरी नौआं नियम

³ ये साफ आ भई तुहें मसीह रिया तरफा ते आईरे इक्की चिट्ठिया साई ये कने अहां रिया सेवकाईया रा नतीजा ये। ये स्याईया ने नीं कने पत्थरा रियां सिल्लां पर बी नीं बल्कि जिऊंदा परमेशरा रिया आत्मा ने माहणुआ रे दिलां पर लिखिरी।

2 कुरिन्थियों 3:3 ပူးပေါင်းရင်းမြစ်များ

मत्ती 16:16

शमौन पतरसे जबाब दित्या, “तू मसीह आ, साक्षात परमेशरा रा पुत्र।”

1 कुरिन्थियों 3:5

तां फेरी पौलुस कुण आ? कने अपुल्लोस कुण आ? अहें सिर्फ परमेशरा रे सेवक ये तिन्हांरे जरिये जे तुहें विश्वास कित्या, तियां जे हर इक्की प्रभये रे जरिये सौंपी रिया जिम्मेवारिया जो निभाया।

2 कुरिन्थियों 3:6

तिने इ अहांजो नई वाचा रा सेवक हुणे रे काविल बी बणाया, ये कोई लिखिरी मूसा री व्यवस्था निआं बल्कि आत्मा री वाचा इ, काँह्भई ये व्यवस्था मौत ल्यौईं, पर परमेशरा रा आत्मा जीवन देआं।

2 कुरिन्थियों 3:7

ताहली जे मूसा री व्यवस्था अखराँ च पत्थरा पर खोदीने दित्ति गई थी, तां परमेशरा री महिमा दिखाई गई, भई इस्राएल रे लोक मूसा रे तिस तेजस्वी मुँआं जो देक्खी नीं सक्के, कने तिसरा सै तेज बाद बिच घटदा गया। जे व्यवस्था सै जे मौत ल्यौआं इ इतणी महिमा सौगी आई,

2 कुरिन्थियों 6:16

परमेशरा रे मन्दरा रा मूर्तियां ने क्या नाता? काँह्भई अहें खुद तिस जीवित परमेशरा रे मन्दर ये; तियां जे परमेशरे पवित्रशास्त्रा च बोल्या, “माह तिन्हां लोकां च बसणा कने तिन्हां सौगी हमेशा रैहणा; कने हऊँ तिन्हांरा परमेशर हूणा कने सै मेरे लोक हुणे।”

1 थिस्सलुनीकियां 1:9

काँह्भई सै खुद अहांरे बारे च दस्सां ये भई तुहें अहांरा केढ़ा स्वागत कित्या था कने तुहें कियां मूर्तियां ते दूर हुईने परमेशरा खौ फिरे ताकि तुहें जीवित कने सच्चे परमेशरा री सेवा करो।

इब्रानियों 10:16

“प्रभु बोलां, मांह तिन्हांने औणे औल़े दिनां च सै वाचा जे बन्हणी सै येई भई, मांह अपणी व्यवस्था तिन्हांरे मना च पाणी, कने तिन्हां व्यवस्था अपणे दिलां च रखणी।”

इब्रानियों 8:10

फेरी प्रभु बोलां, भई ये वाचा मांह औणे औल़े दिनां च इस्राएली लोकां ने बन्हणी, भई मांह अपणी व्यवस्था तिन्हांरे मना च पाणी, कने तिन्हां व्यवस्था अपणे दिलां च रखणी, कने मांह तिन्हांरा परमेशर हूणा कने सै मेरे लोक हुणे।

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।

प्रकाशितवाक्य 2:1

तिने बी मिन्जो बोल्या, “इफिसुस नगरा रिया कलीसिया रे दूता जो ये सन्देश लिख: मैं सात्त तारे अपणे हत्था च लईरे, कने हऊँ सोन्ने रे सत्तां दीपदान्नां रे बिच चलां फिराँ, हऊँ ये बोलां भई :

प्रकाशितवाक्य 2:12

तिने बी मिन्जो बोल्या, “पिरगमुन नगरा रिया कलीसिया रे दूता जो ये सन्देश लिख: मेरले दोधारी कने तेज तलवार इ, हऊँ ये बोलां:

प्रकाशितवाक्य 2:18

तिने बी मिन्जो बोल्या, थुआतीरा नगरा रिया कलीसिया रे दूता जो ये सन्देश लिख: “हऊँ परमेशरा रा पुत्र आ कने मेरियां आक्खीं अग्गी रिया लपटा साई चमकी रियां, कने मेरे पैर चमकदे पितला साई ये, हऊँ ये बोलां:

प्रकाशितवाक्य 2:8

तिने बी मिन्जो बोल्या, “स्मुरना नगरा रिया कलीसिया रे दूता जो ये सन्देश लिख: हऊँ पैहला कने आखरी आ; हऊँ मरीग्या था कने हुण जिऊंदा हुईगरा, हऊँ ये बोलां:

प्रकाशितवाक्य 3:1

तिने बी मिन्जो बोल्या, “सरदीस नगरा रिया कलीसिया रे दूता जो ये सन्देश लिख: मेरले परमेशरा रियां सात्त आत्मां कने सात्त तारे, हऊँ तुहांजो ये बोलां भई हऊँ तेरयां कम्मां जो जाणाँ, भई तू जिऊंदेयां साई त दिखां, पर असल च तू मूईरा।

प्रकाशितवाक्य 3:14

तिने बी मिन्जो बोल्या, “लौदीकिया नगरा रिया कलीसिया रे दूता जो ये सन्देश लिख: हऊँ इ आमीन कने बफादार कने सच्चा गवाह, कने परमेशरा रिया सृष्टिया री मूल वजह इ, हऊँ ये बोलां:

प्रकाशितवाक्य 3:22

सै जे मेरी गल्ल समझणा चाँह सै ध्यान देईने सुणो भई परमेशरा रा आत्मा कलीसियां ने क्या बोलां।”

प्रकाशितवाक्य 3:7

तिने बी मिन्जो बोल्या, “फिलदिलफिया नगरा रिया कलीसिया रे दूता जो ये सन्देश लिख: हऊँ इ पवित्र कने सच्चा, कने मेरले दाऊद री चाबी, कने सै जे हऊँ खोल्लां तिस्सो कोई बन्द नीं करी सकदा, कने सै जे हऊँ बन्द कराँ तिस्सो कोई खोल्ही नीं सकदा, ये हऊँ बोलां: