2 कुरिन्थियों 3:1 - बिलासपुरी नौआं नियम

¹ क्या अहें फेरी अपणी बडयाई करना शुरु करीती? या क्या अहौं दुज्यां लोकां साई सपारसा रियां चिट्ठियां तुहांले ल्यौणियां या तुहांते लेणियां? इसरी जरूरत नीं!

2 कुरिन्थियों 3:1 ပူးပေါင်းရင်းမြစ်များ

प्रेरितां 18:27

कने ताहली जे तिने अखाया प्रदेशा जो जाणा चाया तां विश्वासियें तिसरी हिम्मत बधाई कने उत्थीरे चेलयां जो तिसरा स्वागत करने जो लिखीने भेज्या। कने ताहली जे सै ऊत्थी पुज्या तां तिन्हां लोकां रे खातर बौहत मद्‌दगार साबित हुया तिन्हें जे अनुग्रह ने विश्वास ग्रहण करील्या था।

रोमियो 16:1

हऊँ तुहांजो ये गलाणा चाँह भई अहांरी मसीह भैण फीबे बौहत अच्छी, सै जे किंख्रिया नगरा री कलीसिया च सेवा कराँ इ।

1 कुरिन्थियों 10:33

तियां जे हऊँ बी सब्बीं गल्लां च सब्बीं जो खुश रखां, कने अपणा नीं पर बौहतां रे फायदे खातर कोशिश कराँ ताकि सै छुटकारा पाई सक्को।

1 कुरिन्थियों 16:3

कने ताहली जे मांह औणा, तां तिन्हांजो जे तुहें चाहन्गे तिन्हौं हऊँ चिट्ठियां देईने भेजी देंगा, ताकि तुहांरा दान यरूशलेम पहुँचाई दो।

1 कुरिन्थियों 3:10

तिसा योग्यता रे मुतावक सै जे परमेशरे मिन्जो अनुग्रह ने दित्ति, तिसरा इस्तेमाल करदे हुये मैं इक कुशल करीगरा साई निऊँ बणाई, कने दुज्जा कोई तिसा निऊँआ पर मकान बणाईराँ। पर हरेक माहणुये जो इसा गल्ला रा ध्यान रखणा चाहिन्दा भई सै तिस्सो कियां बणाईराँ।

1 कुरिन्थियों 4:15

काँह्भई जे मसीह च तुहांरे सखाणे औल़े दस हजार बी हुंदे, तां बी तुहांरे बौहत पिता नींये; काँह्भई मसीह यीशु च खुशखबरिया रे जरिया हऊँ तुहांरा पिता हुया।

2 कुरिन्थियों 10:12

अहें तिन्हां किछ लोकां सौगी अपणी तुलना करने री हिम्मत नीं करदे, सै जे खुद अप्पूँजो बड़ा खास समझां ये; कने अप्पूँजो मापदण्ड समझीने अप्पूँ चियें परखां ये, कने इक दुज्जे ने अपणी तुलना कराँ ये, सै मूर्ख ये।

2 कुरिन्थियों 10:18

काँह्भई सै जे अपणी बडयाई कराँ, सै नीं पर तिसरी बडयाई जे प्रभु कराँ, सैई परमेशरा रे जरिये ग्रहण कित्या जां।

2 कुरिन्थियों 10:8

कने जे हऊँ अपणे तिस अधिकारा रे बारे च किछ होर घमण्ड करूँ, सै जे प्रभुये तुहांरे विश्वासा जो बिगाड़ने रे खातर नीं बल्कि तुहांजो विश्वासा च मजबूत करने खातर अहांजो दित्तिरा, तां इसरे खातर हऊँ शर्मिन्दा निआं।

2 कुरिन्थियों 12:11

हऊँ मूर्खां साई नाटक करी रां, पर येढ़ा करने रे खातर मिन्जो तुहें मजबूर कित्या; तुहां लोकां जो मेरी सपारस करनी चाहिन्दी थी, हलाँकि हऊँ किछ निआं, पर तुहांरे तिन्हां महान प्रेरितां, ते हऊँ किसी बी तरिके ने छोट्टा निआं।

2 कुरिन्थियों 12:19

हुण तुहें क्या सोच्ची रायें भई इक्की लम्मे बगता ते अहें तुहांरे सामणे अपणा बचाव करी रायें? पर अहें त परमेशरा रे सामणे मसीह रे चेले रे रुपा च बोल्ली राँये। मेरे प्यारे मित्रो, अहें सै जे किछ बोल्ली राँये, तुहौं विश्वासा च मजबूत करने खातर इ बोल्ली राँये।

2 कुरिन्थियों 2:17

परमेशरा रे वचना जो अपणे फायदे खातर, तिसच मिलावट करीने बेचणे औल़े मते सारे दुज्जे लोकां साई अहें नींये। पर अहें त परमेशरा रे सामणे परमेशरा रिया तरफा ते भेज्जीरे माहणुआं रे बराबर मसीह च हुईने सच्चाईया ने बोलां ये।

2 कुरिन्थियों 5:12

अहें तुहांरे सामणे भीं ते अपणी कोई बडयाई नीं करी रायें, बल्कि तुहांजो इक मौका देई कराँ ये भई तुहें अहां पर घमण्ड करी सक्को; ताकि तुहें तिन्हौं जबाब देई सक्को सै जे मना पर नीं पर दिखावटी गल्लां पर घमण्ड कराँ ये।