2 कुरिन्थियों 2:9 - बिलासपुरी नौआं नियम

⁹ काँह्भई मैं तुहांजो इसी खातर लिखया था भई तुहांजो परखी लऊँ भई तुहें मेरी सारियां गल्लां जो मनणे जो त्यार ये कि नीं।

2 कुरिन्थियों 2:9 ပူးပေါင်းရင်းမြစ်များ

2 कुरिन्थियों 10:6

ताहली जे तुहें पूरी तरह मसीह रे आज्ञाकारी हुई जांगे, तां हर तरह रा हुक्म नीं मनणे औल़े जो अहां सजा देणी।

2 कुरिन्थियों 2:3

सैई गल्ल त मैं तुहांजो लिखी थी, ताकि ताहली जे हऊँ तुहांले आऊं तां तिन्हाते जे मिन्जो खुशी मिलणी चाहिन्दी थी, तिन्हांते मिन्जो दुख नीं मिलो; काँह्भई तुहां सब्बीं च मेरा इसा गल्ला रा भरोसा भई मेरिया खुशिया ची तुहें सारे बी खुश हुणे।

2 कुरिन्थियों 2:4

काँह्भई तुहौं मैं दुखी मना ते कने पीड़ा सौगी आँसू बहाई-बहाई ने सै चिट्ठी लिखी थी; पर तुहांजो दुखी करने खातर नीं, बल्कि इस खातर भई तुहांरे प्रति सै जे मेरा प्यार आ, सै कितना महान आ, तुहें इसजो जाणी सक्को।

2 कुरिन्थियों 2:8

इस खातर मेरी तुहांजो ये विनती भई तुहें तिसरे प्रति अपणे प्यारा रा सबूत देआ।

2 कुरिन्थियों 8:2

ताहली जे बौहत संकटा ते तिन्हांरा इम्तेहान हुया था तां बी सै बौहत खुश हुये कने हलाँकि ये बौहत गरीब थे फेरी भीं तिन्हें उदारता ने दुज्जे विश्वासियां री मदद करने जो पैसा दित्या।

2 कुरिन्थियों 8:24

इस खातर तुहें तिन्हांजो अपणा प्यारा दस्सा, कने कलीसियां च सारयां विश्वासियां जो साबित करा भई तुहांरे बारे च अहांरा घमण्ड सच्चा।

फिलिप्पियां 2:12

इस खातर मेरे प्यारे मित्रो, ताहली जे हऊँ तुहांजो सौगी था ताहली तियां जे तुहें हुक्मां रा पालन कित्या, हुण ताहली जे भई हऊँ तुहां सौगी निआं तां तुहें होर जादा लगना ने तिन्हांरा पालन करा। परमेशरा रे प्रति पूरे आदर भावा ने अपणे छुटकारे जो पूरा करने रे खातर तुहें लोक काम्म करदे जावा।

फिलिप्पियां 2:22

तुहें तिसरे चरित्रा जो जाणाँ ये भई खुशखबरिया रे प्रचारा च मेरे सौगी तिने तियां इ सेवा कित्तिरी, तियां जे इक वेटा अपणे पिता सौगी कराँ।

2 थिस्सलुनीकियां 3:14

जे कोई अहां रिया इसा चिट्ठिया रियां गल्लां जो नीं मन्नो तां तिस पर नज़र रखा, कने तिसरी संगती नीं करा ताकि सै शर्मिन्दा हुई सक्को।

फिलेमोन 1:21

मैं तिज्जो ये चिट्ठी लिखिरी काँह्भई मिन्जो भरोसा भई हऊँ तिज्जो जो करने खातर विनती करी रां सै तू करना। असल च हऊँ जाणाँ भई तू मेरिया विनतिया ते जादा करना।