2 कुरिन्थियों 2:3 - बिलासपुरी नौआं नियम

³ सैई गल्ल त मैं तुहांजो लिखी थी, ताकि ताहली जे हऊँ तुहांले आऊं तां तिन्हाते जे मिन्जो खुशी मिलणी चाहिन्दी थी, तिन्हांते मिन्जो दुख नीं मिलो; काँह्भई तुहां सब्बीं च मेरा इसा गल्ला रा भरोसा भई मेरिया खुशिया ची तुहें सारे बी खुश हुणे।

2 कुरिन्थियों 2:3 ပူးပေါင်းရင်းမြစ်များ

1 कुरिन्थियों 4:21

तुहें क्या चांये? क्या हऊँ डन्डा लईने तुहांले आऊं, या प्यार कने नम्रता रिया आत्मा सौगी?

2 कुरिन्थियों 1:15

मिन्जो निश्चा था भई तुहें अहांजो थोड़ा बौहत समझी चुक्कीरे, इस खातर मैं पैहले तुहांले औणा चाँह था ताकि मेरे दो बार औणे रा आशीर्वाद तुहांजो मिली सक्को।

2 कुरिन्थियों 1:23

परमेशर मेरिया इसा सच्चाईया रा गवाह भई हऊँ दोवारा कुरिन्थुस नगरा च इस खातर नीं आया काँह्भई हऊँ तुहांजो पीड़ा नीं देणा चाँह था।

2 कुरिन्थियों 12:11

हऊँ मूर्खां साई नाटक करी रां, पर येढ़ा करने रे खातर मिन्जो तुहें मजबूर कित्या; तुहां लोकां जो मेरी सपारस करनी चाहिन्दी थी, हलाँकि हऊँ किछ निआं, पर तुहांरे तिन्हां महान प्रेरितां, ते हऊँ किसी बी तरिके ने छोट्टा निआं।

2 कुरिन्थियों 12:21

मिन्जो डर आ भई ताहली जे हऊँ फेरी तुहांजो मिलणे आऊं, तां तुहांरे सामणे मेरा परमेशर किति मेरी बेज्जति नीं करो, कने मिन्जो तिन्हां बौहत लोकां रे खातर बिलाप नीं करने पौ, तिन्हेंजे पैहले पाप कित्तिरा था, कने गन्दे काम्म, कने व्याभिचार, कने भोग-विलासा च डुब्बीरे मन नीं फिराया।

2 कुरिन्थियों 13:10

इस खातर तुहां ते दूर हुन्दे हुये बी हऊँ इन्हां गल्लां जो तुहांजो लिखिराँ ताकि ताहली जे हऊँ तुहांले आऊं, तां मिन्जो प्रभुरे जरिये दित्तिरे अधिकारा ने तुहांजो नुक्शान पहुँचाणे नीं बल्कि तुहांरी आत्मिक बढ़ौतरिया रे खातर तुहांजो सख्ती नीं बरतणी पौ।

2 कुरिन्थियों 2:9

काँह्भई मैं तुहांजो इसी खातर लिखया था भई तुहांजो परखी लऊँ भई तुहें मेरी सारियां गल्लां जो मनणे जो त्यार ये कि नीं।

2 कुरिन्थियों 7:12

इसी खातर ताहली जे मैं तुहांजो सै कड़क चिट्ठी लिखी थी तां तिस माहणुये रिया वजह ने नीं, तिने जे अन्याय कित्या था कने नांई तिसरिया वजह ने तिसरे प्रति जे अन्याय कित्या गया था। पर इस खातर लिखया था ताकि परमेशर तुहांजो दस्सो भई तुहें अहांरा कितना ख्याल रखां ये।

2 कुरिन्थियों 7:16

हऊँ खुश आ भई हऊँ तुहां पर पूरी तरह भरोसा करी सक्कां।

2 कुरिन्थियों 7:6

उदास लोकां जो तसल्ली देणे औल़े परमेशरे तीतुस जो येत्थी भेज्जीने अहांजो तसल्ली दित्ति।

2 कुरिन्थियों 7:8

काँह्भई मेरिया चिट्ठिया ते तुहांजो बड़ा दुख हुया हूणा पर फेरी भीं मिन्जो तिसरे लिखणे रा दुख निआं; चाये पैहले मिन्जो इसरा दुख बी हुया था, पर हुण हऊँ देखीरां भई मेरिया तिसा चिट्ठिया ते तुहांजो थोड़िया देरा तक इ दुख हुया था।

2 कुरिन्थियों 8:22

कने अहें तिन्हां सौगी इक होर विश्वासी भाईये जो बी भेज्जी राँये, तिसरी जे अहें बौहत बार कई गल्लां च जाँच कित्तिरी कने तिने कई बार अहांजो साबित कित्या भई सै मदद करने च बौहत उत्सुक आ। कने हुण तुहां पर तिस्सो बड़ा भरोसा, इसा वजह ने सै होर बी जादा जोशा चा।

गलातियां 5:10

हऊँ प्रभु पर तुहांरे बारे च भरोसा रक्खां भई तुहांरा होर कोई विचार नीं हूणा; पर तुहांजो विचलित करने औल़ा चाये कोई बी हो, परमेशरा तिस्सो सजा देणी।

2 थिस्सलुनीकियां 3:4

कने अहांजो प्रभुये च तुहां पर भरोसा भई जो किछ अहें तुहांजो करने जो बोल्या, तुहें तियां इ करया राँये, कने करदयां रैहणा।

फिलेमोन 1:21

मैं तिज्जो ये चिट्ठी लिखिरी काँह्भई मिन्जो भरोसा भई हऊँ तिज्जो जो करने खातर विनती करी रां सै तू करना। असल च हऊँ जाणाँ भई तू मेरिया विनतिया ते जादा करना।