2 कुरिन्थियों 13:10 - बिलासपुरी नौआं नियम

¹⁰ इस खातर तुहां ते दूर हुन्दे हुये बी हऊँ इन्हां गल्लां जो तुहांजो लिखिराँ ताकि ताहली जे हऊँ तुहांले आऊं, तां मिन्जो प्रभुरे जरिये दित्तिरे अधिकारा ने तुहांजो नुक्शान पहुँचाणे नीं बल्कि तुहांरी आत्मिक बढ़ौतरिया रे खातर तुहांजो सख्ती नीं बरतणी पौ।

2 कुरिन्थियों 13:10 ပူးပေါင်းရင်းမြစ်များ

1 कुरिन्थियों 4:21

तुहें क्या चांये? क्या हऊँ डन्डा लईने तुहांले आऊं, या प्यार कने नम्रता रिया आत्मा सौगी?

1 कुरिन्थियों 5:4

ताहली जे तुहें अहांरे प्रभु यीशुये रे नौआं ते इकट्ठा हुआं ये, तां हऊँ बी आत्मा च तुहां सौगी आ, कने अहांरे प्रभु यीशु मसीह रिया सामर्था नेआ,

2 कुरिन्थियों 10:2

किछ लोक ये बोलां ये भई अहें संसारा रे लोकां साई व्यवहार कराँ ये। इस खातर ताहली जे हऊँ तित्थी आऊँ, तां हऊँ उम्मीद कराँ भई हऊँ तिन्हांरे प्रति बीरता दस्सूं। हऊँ तुहांजो ये विनती कराँ भई ताहली जे हऊँ आऊँ, तां तुहांरे प्रति तेढ़ा व्यवहार नीं करने पौ।

2 कुरिन्थियों 10:4

काँह्भई तिन्हां हत्थियाराँ ने जे अहें लड़ाई लड़ां ये, सै संसारिक नींये, बल्कि तिन्हां च गढ़ां जो तहस-नहस करने रे खातर परमेशरा री शक्ति शामिल इ।

2 कुरिन्थियों 10:8

कने जे हऊँ अपणे तिस अधिकारा रे बारे च किछ होर घमण्ड करूँ, सै जे प्रभुये तुहांरे विश्वासा जो बिगाड़ने रे खातर नीं बल्कि तुहांजो विश्वासा च मजबूत करने खातर अहांजो दित्तिरा, तां इसरे खातर हऊँ शर्मिन्दा निआं।

2 कुरिन्थियों 13:2

ताहली जे दुज्जी बार हऊँ तुहांजो था, मैं तुहांजो सावधान कित्या था कने हुण तां जे हऊँ तुहां ते दूर आ, हऊँ तुहांजो भीं ते सावधान कराँ, भई जे हऊँ फेरी भीं तुहांले औंगा, तां तिन्हे जे पैहले पाप कित्तिरे कने सै जे पाप करी रायें तिन्हां पर मांह दया नीं करनी।

2 कुरिन्थियों 13:8

हकीकत च अहें सच्चाईया रे बिरोधा च किछ करी नीं सकदे, पर अहें त सै जे कराँ यें, सच्चाईया रे खातर इ कराँ ये।

2 कुरिन्थियों 2:3

सैई गल्ल त मैं तुहांजो लिखी थी, ताकि ताहली जे हऊँ तुहांले आऊं तां तिन्हाते जे मिन्जो खुशी मिलणी चाहिन्दी थी, तिन्हांते मिन्जो दुख नीं मिलो; काँह्भई तुहां सब्बीं च मेरा इसा गल्ला रा भरोसा भई मेरिया खुशिया ची तुहें सारे बी खुश हुणे।

2 कुरिन्थियों 6:6

पवित्रता ते, ज्ञाना ते, धीरजा ते, दयालुता ते, पवित्र आत्मा ते, सच्चे प्यारा ने,

तीतुस 1:13

ये गल्ल सच्च इ, इस खातर तिन्हांजो शख्त्याईया ने डान्ट ताकि सै यीशु मसीह री सच्चिया शिक्षा पर विश्वास करगे,