2 कुरिन्थियों 12:14 - बिलासपुरी नौआं नियम

¹⁴ देक्खा, तुहांले औणे जो हुण हऊँ तिज्जी बार त्यार आ, कने तुहौं खर्चे ते परेशान करने रा मेरा इरादा नींआ। हऊँ तुहांरी धन-दौलता लेणे री कोशिश नीं करी रां, पर तुहांरी मदद करने जो आया रां, काँह्भई बच्चयां जो अपणे माता-पिता रे खातर कोई बचत करने री जरूरत नीं हुन्दी बल्कि अपणे बच्चयां रे खातर माता-पिता जोई बचत करनी हुआं इ।

2 कुरिन्थियों 12:14 ပူးပေါင်းရင်းမြစ်များ

प्रेरितां 20:33

“मैं किसी जो चाँदी, सोने या कपड़े रा लालच नीं कित्या।

1 कुरिन्थियों 10:24

हर किसी जो दुज्यां रिया भलाई रे खातर सोचणा चाहिन्दा बल्कि अपणे खातर नीं।

1 कुरिन्थियों 10:33

तियां जे हऊँ बी सब्बीं गल्लां च सब्बीं जो खुश रखां, कने अपणा नीं पर बौहतां रे फायदे खातर कोशिश कराँ ताकि सै छुटकारा पाई सक्को।

1 कुरिन्थियों 11:34

जे कोई भूखा हो तां अपणे घरा च खाई लो, ताकि तुहांरा कट्ठा हूणा सजा री वजह नीं बणो। बाकी गल्लां जो हऊँ आईने ठीक करगा।

1 कुरिन्थियों 16:5

कने मांह मकिदुनिया प्रदेश हुईने तुहांले औणा, काँह्भई मिन्जो मकिदुनिया हुईने जाणा जरूरी आ।

1 कुरिन्थियों 4:19

पर प्रभुये चाहया तां माह तुहांले बौहत इ छोड़े औणा, तां फेरी नां सिर्फ तिन्हां घमण्डी लोकां रिया शिक्षा, पर तिन्हां रिया सामर्था जो बी जाणी लेन्गा।

1 कुरिन्थियों 9:12

जे दुज्यां जो तुहां पर ये अधिकार आ, तां क्या अहांरा अधिकार तिसते बधीने नीं हूणा? फेरी बी अहें इस अधिकारा रा इस्तेमाल नीं कित्या। इसरे उलट अहें सब किछ सैया भई अहांरे जरिये किति मसीह रिया खुशखबरिया रे प्रचारा च कोई रुकाबट नीं आओ।

1 कुरिन्थियों 9:18

तां मेरा ईनाम क्या? ये: भई हऊँ मसीह री खुशखबरिया रा प्रचार मुख्ता च करदा रऊँ, कने खुशखबरिया च सै जे मेरा अधिकार आ तिस्सो हऊँ इस्तेमाल नीं करूँ।

1 कुरिन्थियों 9:19

हलाँकि हऊँ अजाद आ फेरी बी मैं अप्पूँजो सब्बीं रा दास बणाईत्या ताकि बौहत लोकां जो मसीह च ल्याई सक्कूँ।

2 कुरिन्थियों 1:15

मिन्जो निश्चा था भई तुहें अहांजो थोड़ा बौहत समझी चुक्कीरे, इस खातर मैं पैहले तुहांले औणा चाँह था ताकि मेरे दो बार औणे रा आशीर्वाद तुहांजो मिली सक्को।

2 कुरिन्थियों 11:9

कने ताहली जे हऊँ तुहां सौगी था, तां बी पैसयां री जरूरत पौणे पर मैं किसी रे ऊपर कोई बोझ नीं पाया, काँह्भई मकिदुनिया प्रदेशा ते आईरे विश्वासी भाईयें मेरी पैसे री जरूरतां पूरी कित्तियां थी। मैं हर गल्ला पर खुद अप्पूँजो तुहां पर बोझ नीं बणने दित्या कने नांई कदीं बणने देणा।

2 कुरिन्थियों 12:13

मैं होर कलीसियां रे खातर क्या कित्या सै जे मैं तुहांरे खातर नीं कित्तिरा? सै येआ भई मैं तुहांजो पैसयां ने मदद करने खातर परेशान नीं कित्या। इस खातर, किरपा करीने इसा गल़तिया रे खातर मिन्जो माफ करयां।

गलातियां 4:19

मेरे प्यारे बच्चो, तियां जे इक औरत बच्चा जणने रे वगत पीड़ा जो अनुभव कराँ इ, तियां इ हऊँ भीं तुहांरे खातर इक बार पीड़ सैईराँ। मांह तिसा पीड़ा च तदुआं तक रैहणा तदुआं तक जे तुहें पूरे तरिके ने मसीह साई नीं बणी जान्दे।

फिलिप्पियां 4:1

इस खातर मेरे प्यारे साथी विश्वासियो, हऊँ तुहां ने बौहत जादा प्रेम कराँ कने तुहांजो मिलणे जो तरसया राँ; तुहें मेरी मौज कने मेरे कम्मां रा ईनाम ये, इस खातर प्यारे मित्रो लगातार प्रभुये पर मजबूतिया ने विश्वास करदे रौआ।

फिलिप्पियां 4:17

हऊँ ये नीं बोलां भई हऊँ उपहार लेणे रा इच्छुक आ, पर तुहांरिया सहायता रिया वजह ते हऊँ तुहांजो परमेशरा री आशीष पान्दे हुये देखणा चाँह।

1 थिस्सलुनीकियां 2:11

तुहें जाणदे इ हाये भई तियां जे इक पिता अपणे बच्चयां ने बर्ताव कराँ, तियां इ अहें तुहां चते हर इक्की जो उपदेश करदे, शान्ति देन्दे, कने समझान्दे थे,

1 थिस्सलुनीकियां 2:8

अहें तुहांरे बारे च तेढ़िया इ नम्रता जो महसूस कित्या, इस खातर परमेशरा ते मिली रिया खुशखबरिया जोई नीं, बल्कि अहें खुद अप्पूँजो बी तुहां सौगी बंड्डी लेणा चाँये, काँह्भई तुहें अहांरे प्यारे बणीगरे।