2 कुरिन्थियों 12:11 - बिलासपुरी नौआं नियम

¹¹ हऊँ मूर्खां साई नाटक करी रां, पर येढ़ा करने रे खातर मिन्जो तुहें मजबूर कित्या; तुहां लोकां जो मेरी सपारस करनी चाहिन्दी थी, हलाँकि हऊँ किछ निआं, पर तुहांरे तिन्हां महान प्रेरितां, ते हऊँ किसी बी तरिके ने छोट्टा निआं।

2 कुरिन्थियों 12:11 ပူးပေါင်းရင်းမြစ်များ

लूका 17:10

इस तरिके ने, ताहली जे तुहें मेरे हुक्मा रा पालन कराँ ये, तां तुहें येढ़ा बोल्यों, अहें इस लायक नींये भई परमेशर अहांरा धन्यवाद करो, अहें त सिर्फ परमेशरा रे दास ये कने सै जे तिने बोल्या अहें सैई कित्या।

1 कुरिन्थियों 13:2

कने जे हऊँ भविष्यवाणी करी सक्कूँ, कने सब्बीं भेतां कने सब प्रकारा रे ज्ञाना जो समझूं, कने मिन्जो येत्थी तका पूरा विश्वास हो भई हऊँ पहाड़ां जो हटाई सक्कां, पर प्यार नीं रखूं, तां हऊँ किछ निआं।

1 कुरिन्थियों 3:22

क्या पौलुस, क्या अपुल्लोस, क्या कैफा, क्या संसार, क्या जीवन, क्या मरण, क्या वर्तमान, क्या भविष्य, सारा किछ तुहांरा इ हाया,

2 कुरिन्थियों 1:6

जे अहें दुख सैं, तां ये तुहांरिया तसल्लिया कने छुटकारे खातर आ; कने जे अहें तसल्ली पांये, तां ये तुहांरिया तसल्लिया खातर आ; जिस रिया वजह ते तुहें धीरजा ने तिन्हां दुखां जो सैई लैं जिन्हौं जे अहें बी सैयां ये।

2 कुरिन्थियों 11:1

मेरी आशा इ भई तुहां मेरी छोट्टी जेई मूर्खता जो सैई लेणा, तियां जे हकीकत च तुहें इस वगत सैई बी रैयां ये।

2 कुरिन्थियों 11:5

हऊँ मन्नां भई हऊँ किसी गल्ला च बड्डे ते बड्डे प्रेरिता ते घट नींआ।

2 कुरिन्थियों 12:12

ताहली जे हऊँ तुहांजो सौगी था तां मैं ये साबित कित्या भई हऊँ इक प्रेरित आ। काँह्भई मैं धैर्य सौगी तुहांरे बिच कई चिन्हां कने अदभुत कम्मां कने सामर्था रे काम्म कित्ते।

2 कुरिन्थियों 12:6

काँह्भई जे हऊँ घमण्ड करना चाऊँ तां बी मांज मूर्ख नीं बणना, काँह्भई मांह सच्च बोलणा; पर हऊँ रुकी जां, ताकि येढ़ा नीं ओ भई तियां जे कोई मिन्जो देखां या माहते सुणां, मिन्जो तिसते बधीने समझो।

2 कुरिन्थियों 3:1

क्या अहें फेरी अपणी बडयाई करना शुरु करीती? या क्या अहौं दुज्यां लोकां साई सपारसा रियां चिट्ठियां तुहांले ल्यौणियां या तुहांते लेणियां? इसरी जरूरत नीं!

2 कुरिन्थियों 5:13

काँह्भई जे कोई अहांने बोलां भई अहें पागल ये तां परमेशरा खातर ये, कने जे दुज्जे लोक बोलां ये भई अहें सयाणे तां सै तुहांरे खातर ये।

गलातियां 6:3

जे कोई माहणु खास नीं हुन्दे हुये बी खुद अप्पूँजो खास समझां तां सै अप्पूँजो धोखा देआं।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।