2 कुरिन्थियों 12:1 - बिलासपुरी नौआं नियम

¹ हुण मिन्जो गर्व करने इ पौणा हलाँकि इसच मेरा कोई फायदा नींआ, पर मांह हुण दर्शणां कने प्रकाशनां रे बारे च गर्व करना सै जे प्रभुये मिन्जो दित्तिरे।

2 कुरिन्थियों 12:1 ပူးပေါင်းရင်းမြစ်များ

यूहन्ना 16:7

जो किछ हऊँ बोल्या राँ सै सच्च आ: मेरा जाणा तुहांरे भले रे खातर आ: जे हऊँ तुहांते दूर नीं जांगा, तां पवित्र आत्मा सै जे तुहांरा मददगार आ तुहांले नीं औणा; पर जे हऊँ जांगा, तां मांह तिस्सो तुहांलौ भेजी देणा।

यूहन्ना 18:14

कैफा सै माहणु था तिने जे यहूदी अगुवेयां जो सलाह दित्ति थी भई सब्बीं लोकां रे बजाय इक्की रा मरना ठीक आ।

प्रेरितां 18:9

प्रभुये इक्की राति दर्शण देईने पौलुसा जो गलाया, “मत डर, बोल्ली जा कने चुप मत रै;

प्रेरितां 23:11

तिसा राति प्रभु यीशु तिसले आया कने खड़े हुईने गलाया, “हे पौलुस, हिम्मत रख; काँह्भई तेढ़ी जे तैं यरूशलेम च मेरी गवाही दित्ति, तेढ़ी तिज्जो रोम शहरा च बी गवाही देणे पौणी।”

1 कुरिन्थियों 10:23

“मिन्जो सब किछ करने री अनुमति हाई,” पर सब किछ फायदे रा निआं; “मिन्जो सब किछ करने री अनुमति हाई,” पर सब किछ उपयोगी नींआ।

1 कुरिन्थियों 14:6

इस खातर साथी विश्वासियो, जे हऊँ तुहांले आईने होरीं भाषां च गल्लां करूँ, तां इसते हऊँ तुहांरा क्या भला करगा? पर जे हऊँ प्रकाशन, ज्ञान, भविष्यवाणी, शिक्षा रियां गल्लां तुहांजो बोलूं, तां तुहांरे खातर इसरा फायदा।

1 कुरिन्थियों 6:12

तुहां चते किछ लोक ये बोलां ये, “मिन्जो सब किछ करने री अनुमति हाई,” पर सब किछ फायदे रा निआं; “मिन्जो सब किछ करने री अनुमति हाई,” पर मांह किसी चीजा रा गुलाम नीं हूणा।

2 कुरिन्थियों 12:11

हऊँ मूर्खां साई नाटक करी रां, पर येढ़ा करने रे खातर मिन्जो तुहें मजबूर कित्या; तुहां लोकां जो मेरी सपारस करनी चाहिन्दी थी, हलाँकि हऊँ किछ निआं, पर तुहांरे तिन्हां महान प्रेरितां, ते हऊँ किसी बी तरिके ने छोट्टा निआं।

2 कुरिन्थियों 12:5

येढ़े माहणुये पर मांह घमण्ड करना, पर अपणी कमजोरियां जो छड्डिने, अपणे बारे च घमण्ड नीं करना।

2 कुरिन्थियों 12:7

पर तिन्हां अदभुत दर्शणां रे बारे च मिन्जो बौहत गर्व नीं हूणा चाहिन्दा, तिन्हौं जे परमेशरे मिन्जो दस्सीरा। इस खातर मेरे शरीरा च इक कन्डा चुभाया गया था भई शैतान्ना रा इक दूत मिन्जो बौहत पीड़ा देओ, ताकि हऊँ घमण्ड नीं करूँ।

2 कुरिन्थियों 12:9

पर प्रभुये मिन्जो बोल्या, “तेरे खातर मेरा अनुग्रह काफी आ; काँह्भई कमजोरिया ची मेरी सामर्थ जादा हुआं इ,” इस खातर हऊँ अपणिया कमजोरिया पर खुशिया ने गर्व कराँ, ताकि मसीह री सामर्थ मांह च वास करदी रौ।

2 कुरिन्थियों 8:10

कने इसा गल्ला च ये मेरी सलाह इ; तुहांजो ये शोभा देआं, तुहें पिछले साल न सिर्फ दान देणे रिया इच्छा च सब्बीं ते अग्गे थे बल्कि दान देणे च बी सब्बीं ते अग्गे रै।

गलातियां 1:12

काँह्भई मैं इसजो नां किसी माहणुये ते लेआ कने नां किसी ते सिक्खया, बल्कि खुद यीशु मसीहे इसजो माह पर परगट कित्या।

गलातियां 2:2

हऊँ परमेशरा रे दर्शणा रिया वजह ने ऊत्थी गया था। कने ताहली जे हऊँ तित्थी था, हऊँ कल्हिया जेईया कलीसिया रे अगुवेयां ने मिलया कने हऊँ अन्यजातियां रे बिच जिस खुशखबरिया रा जे प्रचार कराँ, तिसा इ खुशखबरिया रा मैं बखान कित्या। ताकि येढ़ा नीं हो भई सै काम्म जे मैं पिछले दिनां च कित्या था कने लगातार करदा रैहन्गा, सै बेकार नीं हुई जाओ।

इफिसियां 3:3

भई सै भेत जे परमेशरे दर्शणा रे जरिये माह पर परगट कित्या, तिस्सो हऊँ तुहांजो थोड़ियां गल्लां च लिखी चुक्कीरा।

1 थिस्सलुनीकियां 4:15

काँह्भई अहें प्रभु यीशुये रे वचना रे मुतावक तुहांजो येढ़ा बोलां ये भई अहें त जिऊंदा ये कने प्रभु यीशुये रे वापस औणे तक बची रयां रैहणा, तां पक्का सै तिन्हां विश्वासियां ते पैहले तिसने नीं मिलणे सै जे पहले मरी चुक्कीरे।

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।