2 कुरिन्थियों 11:31 - बिलासपुरी नौआं नियम

³¹ अहें सदा परमेशर कने अहांरे प्रभु यीशुये रे पिता री प्रशंसा कराँ ये! काँह्भई परमेशर जाणाँ भई हऊँ सच्च बोलीराँ।

2 कुरिन्थियों 11:31 ပူးပေါင်းရင်းမြစ်များ

यूहन्ना 10:30

हऊँ कने मेरा पिता इक ये।”

यूहन्ना 20:17

यीशुये तिसाजो गलाया, मेरयां पैराँ ने लिपटी ने मिन्जो मत रोक, काँह्भई हऊँ अजें तक पिता ले नीं गईरा, तू मेरे भाईयां लौ जा, कने तिन्हांजो दस हऊँ अपणे परम पिता कने तुहांरे परम पिता, अपणे परमेशर कने तुहांरे परमेशरा ले जाया रां।

रोमियो 1:25

काँह्भई तिन्हे परमेशरा रिया सच्चाईया जो छड्डिने झूट्ठा पर विश्वास कित्या कने परमेशरा री बणाईरी चिज़ां री अराधना कने सेवा कित्ती, पर सै दुनिया रे बनाणे औल़े जो भुल्ली गये, सै जे सदा प्रशंसा रे काबिल आ! आमीन।

रोमियो 1:9

परमेशर तिसरी सेवा जे हऊँ अपणे पूरे दिला ते तिसरे पुत्रा री खुशखबरिया रा प्रचार करने रे जरिये कराँ, सैई मेरा गवाह भई हऊँ कियां तुहांजो हमेशा अपणियां प्राथनां च याद करदा रैयां,

रोमियो 15:6

ताकि तुहें सारे इक मन कने इक्की अवाज़ा च परमेशर अहांरे प्रभु यीशु मसीह रे पिता री जय-जयकार करो।

रोमियो 9:1

हऊँ मसीह रा, कने मेरा दिल कने पवित्र आत्मा ये पक्का कराँ ये भई हऊँ सच्च बोलां कने हऊँ झूठ नीं बोलीराँ

रोमियो 9:5

अब्राहम, इसहाक कने याकूब तिन्हांरे पूर्वज ये, कने सै जे यीशु मसीह रे बी पूर्वज थे, सै जे परमेशर आ कने सै जे सब्बीं रे ऊपर राज कराँ, तिसरी हमेशा प्रशंसा ओ! आमीन।

2 कुरिन्थियों 1:23

परमेशर मेरिया इसा सच्चाईया रा गवाह भई हऊँ दोवारा कुरिन्थुस नगरा च इस खातर नीं आया काँह्भई हऊँ तुहांजो पीड़ा नीं देणा चाँह था।

2 कुरिन्थियों 1:3

परमेशरा रा धन्यवाद ओ सै जे अहांरे प्रभु यीशु मसीह रा पिता, सै दया रा पिता कने परमेशर सै जे अहांजो सदा तसल्ली देआं।

2 कुरिन्थियों 11:11

काँह, मैं तुहांते पैसा नीं लैया? क्या इस खातर भई हऊँ तुहांजो प्यार नीं करदा? परमेशर जाणाँ, भई हऊँ तुहांजो प्यार कराँ।

गलातियां 1:20

हऊँ परमेशरा रे सामणे सगन्द खाई ने बोलां भई जो किछ जे हऊँ लिखिराँ तिसच कोई गल्ल झूट्ठ नीं।

इफिसियां 1:3

अहांरे प्रभु यीशु मसीह रे पिता कने परमेशरा रा धन्यवाद, तिने जे अहांजो मसीह च स्वर्गा ते सब आत्मिक आशीषां दित्ति रियां।

इफिसियां 3:14

इस खातर हऊँ परमेशर अहांरे पिता रे अग्गे घुटने टेक्कां।

कुलुस्सियां 1:3

ताहली जे अहें तुहांरे खातर प्राथना कराँ ये, अहें अपणे प्रभु यीशु मसीह रे पिता, परमेशरा रा धन्यवाद कराँ ये,

1 थिस्सलुनीकियां 2:5

तुहें जाणाँ ये भई अहें नांत कदीं चापलुसिया री गल्लां करदे थे, कने नांई लालचा रे खातर कोई बहान्ना बणां थे, इसरा परमेशर गवाह।

1 तिमुथियुस 1:11

ये सही शिक्षा अहांरे अदभुत परमेशरा री महिमा रिया तिस खुशखबरिया रे मुतावक आ सै जे मिन्जो सौंपी गईरी।

1 तिमुथियुस 1:17

हुण अनन्तकाल रा राजा, सै जे हमेशा रे खातर जिवित आ, तिस्सो जे कोई नीं देक्खी सकदा, तिस इकमात्र कने सच्चे परमेशरा रा आदर कने महिमा जुगां-जुगां तक हुंदी रौ। आमीन।

1 तिमुथियुस 6:16

कने सिर्फ सैई हाया सै जे हमेशा जिऊंदा रैयां, कने सै बौहत तेज ज्योतिया च रैयां भई कोई तिसरे नेड़े जाई नीं सकदा, कने नां तिस्सो किसी माहणुये देख्या कने नां कदीं देखी सक्कां। तिसरा आदर कने सामर्थ हमेशा रे खातर रैहणा। आमीन।

1 पतरस 1:3

परमेशर कने अहांरे प्रभु यीशु मसीह रे पिता रा धन्यवाद हो, तिने जे यीशु मसीह रे मूईरेयां चते जिऊंदा हुणे रे जरिये अपणी बड़ी दया ते अहांजो नया जीवन दित्या। हुण अहें बडिया आस्सां ने जीयें,