2 कुरिन्थियों 11:28 - बिलासपुरी नौआं नियम

²⁸ इन्हां गल्लां जो छड्डिने, माह पर सारी कलीसियां री चिन्ता रा बोझ बी हर दिन बणीरा रैया।

2 कुरिन्थियों 11:28 ပူးပေါင်းရင်းမြစ်များ

प्रेरितां 15:36

किछ दिना बाद पौलुसे बरनबासा ने गलाया, “तिन्हां-तिन्हां नगराँ च जे अहें प्रभुये रा वचन सुणाई रा, आओ, फेरी भीं तिन्हां च चलिये कने अपणे विश्वासियां जो देखिये भई सै केढ़े।”

प्रेरितां 18:23

फेरी किछ दिन रईने सै अन्ताकिया ते चलिग्या कने इक्की तरफा ते गलातिया रे कने फ्रूगिया परदेशा रे सब चेलयां जो मजबूत करदा रैया।

प्रेरितां 20:2

तिस सारे नगरा चियें घुम्मी फिरीने सब विश्वासियां जो हौंसला दित्या कने सै यूनान प्रदेशा जो आईग्या।

प्रेरितां 9:31

इयां सारे यहूदिया, गलील, कने सामरिया प्रदेशा री कलीसिया जो चैन मिलीग्या कने तिन्हांरी तरक्की हुईगी; कने सै प्रभु यीशुये रे डरा कने पवित्र आत्मा रे शान्तिया च चलदी कने बधदी गई।

रोमियो 1:14

ये मतलब नींआ भई पढ़े लिखे कने यूनानी भाषा जाणने औल़े लोक ओ या असभ्य लोक ओ, या समझदार या नासमझ ओ, मांह सारयां जो खुशखबरी सुनाणी।

रोमियो 11:13

ये हुण हऊँ तुहांजो बोल्ली कराँ, सै जे यहूदी नींये, काँह्भई हऊँ खास कर अन्यजातियां रे खातर प्रेरित आ, तां मिन्जो अपणिया सेवकाईया पर गर्व आ,

रोमियो 15:16

ताकि हऊँ होरीं जातियां रे खातर यीशु मसीह रा सेवक हुईने इक याजका रा काम्म कराँ, तियां जे हऊँ खुशखबरिया रा प्रचार करीने सेवा कराँ। इस तरिके ने हऊँ अन्यजाति लोकां जो परमेशरा जो खुश करने औल़ी इक भेन्टा साई तिसले ल्याई सक्कूँ, काँह्भई पवित्र आत्मे तिन्हांजो पवित्र कित्तिरा।

रोमियो 16:4

तिन्हें मेरा प्राण बचाणे खातर अपणी जिन्दगी बी दावा पर लगाईती थी; कने सिर्फ हऊँ इ नीं, पर अन्यजातियां री सारी कलीसियां बी तिन्हांरा धन्यवाद कराँ इयां।

1 कुरिन्थियों 7:17

फेरी बी हर इक माहणु तिसा दशा च जे सद्दया गईरा तिसच बणीरा रौ कने तिस्सो प्रभुये ते जो बरदान मिलीरा तिसरे मुतावक जीवन जीओ। हऊँ सारी कलीसियां रे खातर ये नियम तैह कराँ।

कुलुस्सियां 2:1

हऊँ चाँह भई तुहें ये जाणी लो भई हऊँ तुहांरे खातर कने तिन्हां सारयां विश्वासियां रे खातर सै जे लौदीकिया नगरा चे कने तिन्हां सब्बीं विश्वासियां खातर सै जे आमतौर पर मांहने कदीं नीं मिले, हऊँ तुहांरी मदद करने रे खातर जो किछ करी सक्कां सै सब किछ करी रां,