2 कुरिन्थियों 11:26 - बिलासपुरी नौआं नियम

²⁶ मेरी कई यात्राँ रे दौरान मैं खतरनाक नदियां, खूँखार डाकुआं, खुद अपणयां लोकां, अन्यजातियां, नगराँ, गाँवां, समुद्राँ कने झूट्ठे विश्वासी भाईयां रे जख्मां रा सामना कित्या।

2 कुरिन्थियों 11:26 ပူးပေါင်းရင်းမြစ်များ

प्रेरितां 13:45

पर यहूदी अगुवे भीड़ा जो देखीने डाह ने भरीगे, कने निंध्या करदे पौलुसा रियां गल्लां रे बरोधा च बोलणे लगे।

प्रेरितां 13:50

पर यहूदी अगुवेयां भगत कने कुलीन जनानां जो कने नगरा रे ताकतवर लोकां जो भड़काया, कने पौलुसा कने बरनबासा रे बरोधा च उपद्रव कराई ने तिन्हांजो अपणिया सीमा ते कड्डित्या।

प्रेरितां 14:19

पर किछ यहूदियें अन्ताकिया कने इकुनियुम नगरा ते आईने लोकां जो अप्पूँ खा करील्या, कने पौलुसा पर पत्थर मारे, कने तिस्सो मरीरा समझीने नगरा ते बाहर घसीटी ने लईगे।

प्रेरितां 14:5

ताहली जे अन्यजाति कने यहूदी लोक तिन्हांरी बेज्जति कने तिन्हां पर पत्थर मारने खातर अपणे सरदाराँ समेत तिन्हांरे पिच्छे दौड़े,

प्रेरितां 15:40

पर पौलुसे सीलासा जो चुणी लया, कने विश्वासियां ते परमेशरा रे अनुग्रह च सौंपया जाईने अन्ताकिया नगरा ते चली गया;

प्रेरितां 17:13

पर तां जे थिस्सलुनीके नगरा रे यहूदी जाणीगे भई पौलुस बिरिया नगरा च बी परमेशरा रा वचन सुणाये राँ, तां तित्थी आईने बी लोकां जो भड़काणे कने हलचल मचाणे लगे।

प्रेरितां 17:5

पर यहूदियें डाह ने भरी ने बजारू लोकां चते किछ बुरयां माहणुआं जो अप्पूँ सौगी लया, कने भीड़ कट्ठी करीने नगरा च दंगा करने लगे, कने यासोन रे घरा पर हमला करीने तिन्हांजो लोकां रे सामणे लौणा चाया।

प्रेरितां 18:12

तां जे गल्लियो अखाया प्रदेशा रा राजपाल था, तां यहूदी लोक येक्का करीने पौलुसा परा लड़ने आईगे। कने तिस्सो न्याय आसणा रे सामणे ल्याईने बोलणे लगे;

प्रेरितां 19:1

ताहली जे अपुल्लोस कुरिन्थुस नगरा च था, तां पौलुस तिसा जगह जो छड्डिने फ्रूगिया कने गलातिया प्रदेशां च घुम्मी-फिरीने बाद बिच इफिसुस च आया। तित्थी सै किछ चेलयां ने मिलया तिन्हें बोल्या अहें विश्वासी ये

प्रेरितां 19:23

तिस बगत यीशु मसीह पर विश्वास करने औल़यां लोकां रे बारे च बड़ा हुल्लड़ हुआ।

प्रेरितां 20:19

यनिके बड्डिया दीनता ने, कने आँसू बहाई-बहाई ने, कने तिन्हां परीक्षां च सै जे यहूदियां रिया साजिशा रिया वजह ते मेरे परा पईयां, फेरी बी हऊँ प्रभुये री सेवा करदा इ रैया;

प्रेरितां 20:3

तां जे तिन्न महीने रैईने सै तित्थी ते जहाजा पर सीरिया प्रदेशा खा जाणे जो त्यार था, तां यहूदी अगुवेयां तिसजो मारने री योजना बणाई, इस खातर तिन्हें ये फैसला कित्या भई मकिदुनिया हुईने वापस हुई जाओ।

प्रेरितां 23:10

ताहली जे बौहत झगड़ा हुआ तां पलटना रे सरदारे इस डरा ते भई सै पौलुसा रे टुकड़े-टुकड़े नीं करी दो, पलटना जो हुक्म दित्या भई पौलसा जो तिन्हां चते जबरदस्ती नकाली लओ, कने कोठड़ियां च लई जाओ।

प्रेरितां 25:3

कने तिसने विनती करीने ये चाहया भई सै पौलुसा जो यरूशलेम च सद्दो, काँह्भई सै तिस्सो मारने खातर घात लाईने रस्ते ची लुक्खीरे थे।

प्रेरितां 27:42

तां सैनिकां रा ये बचार हुआ भई कैदियां जो मारी दो, येढ़ा नीं हो भई कोई तैरी ने नट्ठी जाओ।

रोमियो 15:19

कने चिन्हां चमत्काराँ रे जरिये, नोखे कम्मां रे सामर्था रे जरिये कने पवित्र आत्मा रिया सामर्था ने कित्तिरा। येत्थी तक भई यरूशलेम ते लेईने इल्लुरिकुम प्रदेशा तक मैं मसीह री खुशखबरिया रा प्रचार सारियां जगहां च कित्तिरा।

रोमियो 8:35

किछ बी अहांजो मसीह रे प्यारा ते लग नीं करी सकदा। नां कलेश, या संकट, या अत्याचार, या नकाल़, या नंगापन, या जोखिम, या तलवार।

1 कुरिन्थियों 15:30

कने अहें बी कजो हर वगत खतरे च पैईरे रैं?

1 कुरिन्थियों 15:32

जे हऊँ सिर्फ माहणुये रिया आशा रिया वजह ने इफिसुस च अपणे बरोधियां ने जंगली जानबराँ साई लड़या, तां मिन्जो क्या फायदा हुया? जे मुड़दे जिऊंदा नीं कित्ते जांगे, तियां जे लोक कई बार बोलां ये “तां औआ, खाईये-पीये, काँह्भई काल्ल त मरी जाणा।”

2 कुरिन्थियों 11:32

ताहली जे हऊँ दमिश्क नगरा च था, तां अरितास राजे रे राजपाले मिन्जो पकड़ने खातर दमिश्क नगरा रे दवाराँ पर पैहरा लगाईरा था।

गलातियां 2:4

पर ये तिन्हां झूठयां भाईयां रिया वजह ने समस्या हुई, सै जे अहांरे बिच चोराँ साई आईने घुसीगरे थे, भई तिसा अजादिया रा सै जे यीशु मसीह च अहांजो मिलीरी, तिसारा भेत पाईने अहांजो फेरी भीं यहूदी व्यवस्था रा दास बणाई सक्को।