2 कुरिन्थियों 11:23 - बिलासपुरी नौआं नियम

²³ क्या सैई मसीह रे सेवक ये? हऊँ पागला साई बोलां, हऊँ त तिन्हांते बी बड्डा मसीह रा दास आ! मैं तिन्हांते बौहत कठण मेहणत कित्तिरी; हऊँ कई बार जेल्ला गया; मिन्जो अनगिणत बार कुट्टया गया, कने लगातार मिन्जो मौती रा सामना करना पैया।

2 कुरिन्थियों 11:23 ပူးပေါင်းရင်းမြစ်များ

प्रेरितां 14:19

पर किछ यहूदियें अन्ताकिया कने इकुनियुम नगरा ते आईने लोकां जो अप्पूँ खा करील्या, कने पौलुसा पर पत्थर मारे, कने तिस्सो मरीरा समझीने नगरा ते बाहर घसीटी ने लईगे।

प्रेरितां 20:23

सिर्फ ये जाणाँ भई पवित्र आत्मा हर नगरा-नगरा च गवाही देईने मेरने गलाया राँ भई बन्धन कने क्लेश तेरे खातर त्यार ये।

प्रेरितां 21:11

तिने अहांले नेड़े आईने पौलुसा रा परना लया, कने अपणे हत्था पैराँ च बन्हीने गलाया, “पवित्र आत्मा ये बोलां भई तिस माहणुये रा जे ये परना, तिस्सो यरूशलेम च यहूदियां इयां इ बन्हणा कने अन्यजातियां रे हत्था च देणा।”

प्रेरितां 25:14

तिन्हांरे बौहत दिन तित्थी रैहणे ते बाद फेस्तुस पौलुसा रे बारे च राजे जो दस्या: “इक माहणु आ, तिस्सो जे फेलिक्स कैदी रखी गरा।

प्रेरितां 27:1

ताहली जे फिस्तुस राजपाला रे जरिये ये तैह कित्या गया भई अहां जहाजा च इतालिया प्रदेशा रे रोम नगरा च जाईये, तां तिन्हें पौलुस कने किछ होरीं कैदियां जो बी यूलियुस नौआं रे बादशाह औगस्तुस रिया पलटना रे इक्की सुबेदारा रिया निगरानिया च सौंपीत्या।

प्रेरितां 28:16

ताहली जे अहें रोमा नगरा च पुज्जे तां पौलुसा जो इक्की सपाईये सौगी सै जे तिसरी रखवाली कराँ था, कल्हे रैहणे रा हुक्म मिल़या।

प्रेरितां 28:30

सै पूरे दुईं साल्लां तका किराये रे घरा च रैया,

प्रेरितां 9:16

कने माह तिस्सो दसणा भई मेरे बारे च लोकां जो गलाणे खातर तिस्सो केढ़े-केढ़े दुख सैहणे पौणे।”

रोमियो 8:36

तियां जे पवित्रशास्त्रा च लिखिरा, “परमेशरा रे खातर हर रोज लोक अहांजो मारने री धमकी दें; कने अहां लोकां जो सै बढणे औल़ी भेड्डां साई समझां ये।”

1 कुरिन्थियों 15:10

पर हऊँ जो किछ बी आ, परमेशरा रे अनुग्रह तेआ। कने तिसरा अनुग्रह सै जे माह पर हुआ, सै बेकार नीं हुया पर मैं तिन्हां सब्बीं प्रेरितां ते बधीने मेहणत बी कित्तिरी; तां बी ये मेरिया तरफा ते नीं हुआ; पर परमेशरा रे अनुग्रह ते सै जे मांह पर था।

1 कुरिन्थियों 3:5

तां फेरी पौलुस कुण आ? कने अपुल्लोस कुण आ? अहें सिर्फ परमेशरा रे सेवक ये तिन्हांरे जरिये जे तुहें विश्वास कित्या, तियां जे हर इक्की प्रभये रे जरिये सौंपी रिया जिम्मेवारिया जो निभाया।

1 कुरिन्थियों 4:1

तां माहणु अहौं मसीह रे सेवक कने परमेशरा रे भेतां रे भण्डारी समझो।

1 कुरिन्थियों 4:11

अहें अज्जा तकौ भूखे, त्याये, कने फटे पुराणे कपड़े पैहनां ये, कने मार खांये, कने बेघर रैं;

1 कुरिन्थियों 4:9

मिन्जो येढ़ा लगां भई परमेशरे अहां प्रेरितां जो जलूसा च मौती री सजा पाईरे माहणुये साई सब्बीते आखिरी जगह च रखीरा। अहें सारे संसार, स्वर्गदूतां कने माहणुआं रे सामणे इक तमाशा बणीगरे।

2 कुरिन्थियों 10:7

तुहें सिर्फ सै जे सामणे आ तिसरे इ बाहरले रुपा जो देखां ये। जे किसी रा अपणे बारे च ये भरोसा भई सै मसीह रा, तां सै ये बी जाणी लो, भई तियां जे सै मसीह रा तियां इ अहें बी मसीह रे।

2 कुरिन्थियों 11:5

हऊँ मन्नां भई हऊँ किसी गल्ला च बड्डे ते बड्डे प्रेरिता ते घट नींआ।

2 कुरिन्थियों 3:6

तिने इ अहांजो नई वाचा रा सेवक हुणे रे काविल बी बणाया, ये कोई लिखिरी मूसा री व्यवस्था निआं बल्कि आत्मा री वाचा इ, काँह्भई ये व्यवस्था मौत ल्यौईं, पर परमेशरा रा आत्मा जीवन देआं।

2 कुरिन्थियों 4:11

काँह्भई यीशुये रिया वजह ने अहांजो जीते जी हमेशा मौती रे खतरयां च सौंपया जां, ताकि यीशुये रा जीवन बी अहांरे नाश हुणे औल़यां शरीराँ च साफ तौरा पर परगट हुई जाओ।

2 कुरिन्थियों 6:9

किछ लोक अहांजो अंजाण समझां ये, जबकि अहौं सारे जाणाँ ये; अहें मूईरे समझे जायें, पर फेरी भीं अहें जिऊंदा ये; अहांजो सजा त दित्ति जाँई, पर अहें प्राणा ते मारे नीं जान्दे।

गलातियां 6:17

चिट्ठिया जो खत्म करदे हुये हऊँ तुहांजो विनती कराँ भई हुण मिन्जो कोई होर दुख मता देन्दे, काँह्भई सै दाग जे मेरे शरीरा पर ये सै ये दस्सां ये भई हऊँ यीशुये रा दास आ।

इफिसियां 3:1

इस खातर हऊँ पौलुस तुहांरे खातर प्राथना कराँ, कने तुहां अन्यजातियां रे खातर मसीह यीशुये री सेवा करने रिया वजह ते कैदी बणया।

इफिसियां 4:1

इस खातर हऊँ सै जे प्रभुये री सेवा रे खातर कैदी आ, तुहां लोकां ने विनती कराँ भई तुहौं परमेशरे तियां जे जीणे खातर सद्दीरा तिस तरिके ने जीआ।

इफिसियां 6:20

तिसरे खातर जे हऊँ जंजीराँ ने जकड़ोईरे राजदूता साई सेवा करया राँ। प्राथना करा भई तियां जे हिम्मता ने मिन्जो बोलणा चाहिन्दा, तियां इ निडर हुईने बोल्ली सक्कूं।

फिलिप्पियां 1:13

येत्थी तक भई बादशाह कैसरा रे राजमैहला री सारी पलटन कने बाकी सारे लोकां च ये परगट हुईग्या काँह्भई हऊँ मसीह रा सेवक हुणे रिया वजह नेई बन्दी बणाया गया;

फिलिप्पियां 2:17

जे मिन्जो तुहांरे विश्वास रुपी बलिदान्ना कने सेवा सौगी अपणा खून बी बहाणे पौ तां बी मिन्जो खुशी हूणी, कने तुहां सब्बीं सौगी मौज कराँ।

कुलुस्सियां 1:24

मिन्जो इसा गल्ला री खुशी भई हुण हऊँ तुहांरे खातर दुख सैई सकूँ, कने तियां जे मसीह दुख सैया, तियां इ हऊँ बी खुशिया ने तिन्हां सारयां दुखां जो कलीसिया रे फायदे रे खातर अपणे शरीरा च सैयां सै जे जरूरी ये, ताकि कलीसिया री मदद करी सकूँ सै जे मसीह रे शरीरा साई आ।

कुलुस्सियां 1:29

इसरे खातर हऊँ मसीह री शक्तिया रे मुतावक सै जे माह च सामर्था ने काम्म कराँ इ, तन-मन लाईने मेहणत करी कराँ।

1 थिस्सलुनीकियां 3:2

कने अहें तिमुथियुस जो, सै जे मसीह रिया खुशखबरिया च अहांरा भाई आ कने परमेशरा रा सेवक आ, इस खातर तिस्सो तुहांले भेज्या भई सै तुहांजो मजबूत करने कने विश्वासा रे बारे च समझाई सक्को।

1 तिमुथियुस 4:6

जे तू विश्वासियां जो लगातार इन्हां गल्लां री याद दिलान्दा रैहंगा, कने विश्वास कने तिस खरे उपदेशा रियां गल्लां ते, तिन्हांजो जे तू मनदा आईरा तेरा पालन पोषण कराँ, तां तू मसीह यीशुये रा इक खरा सेवक हूणा।

2 तिमुथियुस 1:16

उनेसिफुरुस रे परिवारा पर प्रभु दया करो, काँह्भई तिने बौहत बार मिन्जो सुख दित्तिरा, कने सै मेरे जेल्ला च रैहणे ते शर्माया निआं।

2 तिमुथियुस 1:8

इस खातर अहांरे प्रभुये रे बारे च दुज्यां लोकां जो दसणे च शर्मिन्दा नीं हुयां कने नांई इसा गल्ला खातर शर्मिन्दा हुयां भई हऊँ तिसरे खातर कैदी आ, बल्कि परमेशर तिज्जो सै जे सामर्थ देआं तिसरा इस्तेमाल करदे हुये खुशखबरिया खातर मेरे सौगी दुख सै।

2 तिमुथियुस 2:9

तिसरे खातर जे हऊँ अपराधिये साई दुख सैया राँ, येत्थी तक भई हऊँ जंजीरा च जकड़ी रा। पर कोई बी माहणु लोकां जो परमेशरा रे वचना रा प्रचार करने ते रोकी नीं सकदा।

2 तिमुथियुस 3:11

कने मेरे सताव, मेरे दुखा रे बगता तैं मेरा साथ दित्तिरा। तू त जाणाँ भई अन्ताकिया, इकुनियुम कने लुस्त्रा नगराँ च मिन्जो किस तरिके री यातना दित्ति थी तिन्हौं जे मैं सहील्या, पर प्रभुये मिन्जो तिन्हां सब्बीं ते बचाईल्या।

इब्रानियों 10:34

काँह्भई तुहें कैदियां सौगी दुख सैया, कने ताहली जे अधिकारियें तुहांरी सम्पत्ति जफ्त कित्ती थी तिस्सो बी तुहें खुशिया ने सैईल्या। काँह्भई तुहें जाणाँ थे भई तुहें सै सम्पत्ति पाईरी तिस राजे परमेशरे वायदा कित्तिरा, सै जे उत्तम इ कने हमेशा रे खातर इ।