2 कुरिन्थियों 11:20 - बिलासपुरी नौआं नियम

²⁰ काँह्भई जे कोई तुहांजो दास बणाये, तुहांरा शोषण करो, तुहांजो किसी जाल़ा च फसाये, अप्पूँजो तुहां ते बड्डा बणाये या तुहांरे मुँआं पर चपैड़ मारो, तां तुहें तिसजो सैहण करी लें।

2 कुरिन्थियों 11:20 ပူးပေါင်းရင်းမြစ်များ

मरकुस 12:40

सै विधवां जो धोखा देईने तिन्हांरे घराँ कने धन-दौलता जो ठगी लैं, फेरी सै लोकां जो ये दस्सां ये भई बड्डिया देरा तक प्राथना करीने सै बधिया करी रांये। येढ़यां लोकां जो भयानक सजा मिलणी।”

लूका 6:29

सै जे तेरिया इक्की खाखा पर चपैड़ मारीने बेज्जति करो तिस खौ दुज्जी बी फेरी दे; कने सै जे तेरा कुर्ता खोई लो, तिस्सो कुर्ता लेणे ते बी नीं रोक।

1 कुरिन्थियों 4:11

अहें अज्जा तकौ भूखे, त्याये, कने फटे पुराणे कपड़े पैहनां ये, कने मार खांये, कने बेघर रैं;

2 कुरिन्थियों 1:24

इसरा मतलब ये नींआ भई अहें तुहांरे विश्वासा पर अपणा हक जताये, काँह्भई तुहें अपणे विश्वासा पर अटल ये, लेकिन अहें त तुहांरिया इ मौज्जा खातर तुहां सौगी काम्म कराँ ये।

2 कुरिन्थियों 10:5

कने इस खातर अहें लोकां रियां गल्लां रा कने तिस हरेक बिरोधा रा, सै जे परमेशरा रे ज्ञाना रे बिरोधा च खढ़िरा खण्डन कराँ ये; कने हर इक भावना जो कैद करीने मसीह रा आज्ञाकारी बणाई दें।

2 कुरिन्थियों 11:3

पर हऊँ डराँ भई तियां जे शैताने सर्पा रे रुपा च अपणिया चतुराईया ने हव्वा जो बैहकाया था, तियां इ किति तुहांरे मना जो मसीह रे प्रति तुहांरिया ईमानदारिया कने पवित्रता जो दूर नीं करी दो।

2 कुरिन्थियों 12:16

तुहें सैहमत ये भई हऊँ तुहांरे खातर कोई बोझ नीं था, पर होर लोक सोच्चां ये भई मैं चलाक आ कने तुहांजो धोखा दित्तिरा, सै जे झूठ आ।

गलातियां 2:4

पर ये तिन्हां झूठयां भाईयां रिया वजह ने समस्या हुई, सै जे अहांरे बिच चोराँ साई आईने घुसीगरे थे, भई तिसा अजादिया रा सै जे यीशु मसीह च अहांजो मिलीरी, तिसारा भेत पाईने अहांजो फेरी भीं यहूदी व्यवस्था रा दास बणाई सक्को।

गलातियां 4:25

कने हाजिरा मानो अरब रा सिनै पहाड़ा आ, सै अज्जके यरूशलेम री तरफ ईशारा कराँ इ काँह्भई सै अपणे बच्चयां सौगी दासता रा जीवन भुगती राईं।

गलातियां 4:3

तियां इ अहें बी, ताहली जे बच्चयां साई थे, तां दास्सां साई संसारा रे बेकार नियमां रा पालन कराँ थे।

गलातियां 4:9

पर हुण परमेशरा सौगी तुहांरा रिश्ता, कने मिन्जो बोलणा चाहिन्दा भई परमेशरे तुहां सौगी रिश्ता बनाणे च पैहल कित्ती, तां तुहें तिन्हां कमजोर कने नकम्मी परम्परा खा जो कजो वापस जाया राँये? क्या तुहें भीं ते तिन्हांरे दास बणने री इच्छा कराँ ये?

गलातियां 5:1

मसीहे अजादिया रे खातर अहांजो मूसा रिया व्यवस्था ते अजाद कित्या; इस खातर तुहें ये निश्चा करी लवा भई तुहें अजाद ये, कने फेरी भीं अप्पूँजो व्यवस्था रा दास बनाणे री इजाज़त नीं देआ।

गलातियां 5:10

हऊँ प्रभु पर तुहांरे बारे च भरोसा रक्खां भई तुहांरा होर कोई विचार नीं हूणा; पर तुहांजो विचलित करने औल़ा चाये कोई बी हो, परमेशरा तिस्सो सजा देणी।

गलातियां 6:12

जितने लोक यहूदियां जो खुश करना चांये, सै तुहांजो खतना कराणे रे खातर मजबूर कराँ ये, पर सै येढ़ा सिर्फ इस खातर कराँ ये ताकि तिन्हांजो मसीह रे क्रूसा रिया वजह ने सताव नीं झेलणे पौ।

फिलिप्पियां 3:19

अन्त च परमेशरा तिन्हांरा नाश करना, सै लोक सिर्फ अपणी शारीरिक इच्छां जो पूरा करने रे खातर जीआं ये, कने सै अपणी बेशर्म गल्लां पर घमण्ड कराँ ये कने संसारा रिया चीजां पर मन लाई रखां ये।

1 थिस्सलुनीकियां 2:5

तुहें जाणाँ ये भई अहें नांत कदीं चापलुसिया री गल्लां करदे थे, कने नांई लालचा रे खातर कोई बहान्ना बणां थे, इसरा परमेशर गवाह।