2 कुरिन्थियों 11:10 - बिलासपुरी नौआं नियम

¹⁰ जे मसीह री सच्चाई माह ची, इस खातर अखाया प्रदेशा रे सारयां इलाकयां च मिन्जो गर्वा ने बोलणे ते कोई नीं रोकी सकदा।

2 कुरिन्थियों 11:10 ပူးပေါင်းရင်းမြစ်များ

प्रेरितां 18:12

तां जे गल्लियो अखाया प्रदेशा रा राजपाल था, तां यहूदी लोक येक्का करीने पौलुसा परा लड़ने आईगे। कने तिस्सो न्याय आसणा रे सामणे ल्याईने बोलणे लगे;

प्रेरितां 18:27

कने ताहली जे तिने अखाया प्रदेशा जो जाणा चाया तां विश्वासियें तिसरी हिम्मत बधाई कने उत्थीरे चेलयां जो तिसरा स्वागत करने जो लिखीने भेज्या। कने ताहली जे सै ऊत्थी पुज्या तां तिन्हां लोकां रे खातर बौहत मद्‌दगार साबित हुया तिन्हें जे अनुग्रह ने विश्वास ग्रहण करील्या था।

रोमियो 1:9

परमेशर तिसरी सेवा जे हऊँ अपणे पूरे दिला ते तिसरे पुत्रा री खुशखबरिया रा प्रचार करने रे जरिये कराँ, सैई मेरा गवाह भई हऊँ कियां तुहांजो हमेशा अपणियां प्राथनां च याद करदा रैयां,

रोमियो 16:5

तिसा कलीसिया जो बी मेरा नमस्कार सै जे तिन्हारे घरें कट्ठा हुआं इ। मेरे प्यारे मित्र इपनितुस जो मेरा नमस्कार सै जे आसिया प्रदेशा च मसीह जो अपनाणे औल़ा पैहला था।

रोमियो 9:1

हऊँ मसीह रा, कने मेरा दिल कने पवित्र आत्मा ये पक्का कराँ ये भई हऊँ सच्च बोलां कने हऊँ झूठ नीं बोलीराँ

1 कुरिन्थियों 16:15

साथी विश्वासियो तुहें स्तिफनुस रे घराने जो जाणाँ ये, भई सै अखाया प्रदेशा रे पैहले विश्वासी ये, कने पवित्र लोकां री सेवा रे खातर त्‍यार रैं।

2 कुरिन्थियों 1:1

हऊँ पौलुस, परमेशरा रिया इच्छा ते मसीह यीशुये रा प्रेरित आ कने अहांरे साथी विश्वासी तिमुथियुस रिया तरफा ते। ये चिट्ठी हऊँ कुरिन्थुस नगरा च परमेशरा री कलीसिया कने अखाया प्रदेशा च रैहणे औल़े सारे पवित्र लोकां जो लिखिराँ।

2 कुरिन्थियों 1:23

परमेशर मेरिया इसा सच्चाईया रा गवाह भई हऊँ दोवारा कुरिन्थुस नगरा च इस खातर नीं आया काँह्भई हऊँ तुहांजो पीड़ा नीं देणा चाँह था।

2 कुरिन्थियों 10:15

अहें सै काम्म जे दुज्यां कित्तिरा तिसरे बारे च घमण्ड नीं करदे, तियां जे भई अहें खुद सै काम्म कित्तिरे। पर अहांरी आशा येई भई तियां-तियां जे तुहांरा विश्वास बधदा जाणा, तियां इ तुहांरे बिच अहांरे अपणे कम्मां री सीमा बौहत बधणी,

2 कुरिन्थियों 11:12

पर सै जे हऊँ करी रां तिसजो त माह करदे इ रैहणा, ताकि सै लोक सैई काम्म करने रे बारे च घमण्ड करने च सक्षम नीं हुणे सै जे अहे करी राँये।

2 कुरिन्थियों 11:31

अहें सदा परमेशर कने अहांरे प्रभु यीशुये रे पिता री प्रशंसा कराँ ये! काँह्भई परमेशर जाणाँ भई हऊँ सच्च बोलीराँ।

2 कुरिन्थियों 12:19

हुण तुहें क्या सोच्ची रायें भई इक्की लम्मे बगता ते अहें तुहांरे सामणे अपणा बचाव करी रायें? पर अहें त परमेशरा रे सामणे मसीह रे चेले रे रुपा च बोल्ली राँये। मेरे प्यारे मित्रो, अहें सै जे किछ बोल्ली राँये, तुहौं विश्वासा च मजबूत करने खातर इ बोल्ली राँये।

2 कुरिन्थियों 9:2

काँह्भई हऊँ मदद रे खातर तुहांरिया इच्छा जो जाणाँ, जिस रिया वजह ने हऊँ तुहांरे बारे च मकिदुनिया प्रदेशा रे रैहणे औल़े विश्वासियां रे सामणे ये बोलदे हुये गर्व करी रां, भई तुहें अखाया प्रदेशा रे लोक त पिछले साल्ला तेई मदद करने जो त्यार थे कने तुहांरिया इसा इच्छा ते तिन्हां चते मतयां जो मदद करने रे खातर प्रेरणा मिली।

गलातियां 1:20

हऊँ परमेशरा रे सामणे सगन्द खाई ने बोलां भई जो किछ जे हऊँ लिखिराँ तिसच कोई गल्ल झूट्ठ नीं।

गलातियां 2:20

हऊँ मसीह सौगी क्रूसा पर चढ़ाया गईरा, हुण हऊँ जिऊंदा निआं, पर मसीह माह च जिऊंदा; कने इस शरीरा च हुण हऊँ सै जिन्दगी जे जी कराँ, सै सिर्फ तिस विश्वासा ने जीवित आ सै जे परमेशरा रे पुत्रा पर आ, तिने जे माहने प्यार कित्या कने खुद अप्पूँजो मेरे खातर अर्पण कित्या।

1 थिस्सलुनीकियां 2:10

तुहें खुद इ गवाह ये, कने परमेशर बी गवाह भई तुहां सारयां विश्वासियां ने अहांरा स्वाभाव कितना सच्चा, धर्मी कने निर्दोष था।

1 थिस्सलुनीकियां 2:5

तुहें जाणाँ ये भई अहें नांत कदीं चापलुसिया री गल्लां करदे थे, कने नांई लालचा रे खातर कोई बहान्ना बणां थे, इसरा परमेशर गवाह।

1 तिमुथियुस 2:7

हऊँ सच्च बोलां, झूट्ठ नीं बोलदा, भई हऊँ इसा इ वजह ने प्रचारक, प्रेरित कने अन्यजातियां खातर विश्वास कने सच्चाईया रा उपदेशक चुणया गईरा।