2 कुरिन्थियों 10:2 - बिलासपुरी नौआं नियम

² किछ लोक ये बोलां ये भई अहें संसारा रे लोकां साई व्यवहार कराँ ये। इस खातर ताहली जे हऊँ तित्थी आऊँ, तां हऊँ उम्मीद कराँ भई हऊँ तिन्हांरे प्रति बीरता दस्सूं। हऊँ तुहांजो ये विनती कराँ भई ताहली जे हऊँ आऊँ, तां तुहांरे प्रति तेढ़ा व्यवहार नीं करने पौ।

2 कुरिन्थियों 10:2 ပူးပေါင်းရင်းမြစ်များ

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

रोमियो 8:4

परमेशरे ये इस खातर कित्या ताकि अहांरे पापी स्वभावा रे मुतावक नीं, पर पवित्र आत्मा रे मुतावक चलीने व्यवस्था सै हुक्म जे अहांजो देईं तिसरा अहें पालन करी सक्को।

रोमियो 8:5

सै लोक जे पापी स्वभावा रे मुतावक चलां ये सै पापा रे बारे च सोच्चां ये, पर सै लोक जे पवित्र आत्मा रे मुतावक जीवन जींये सै आत्मिक गल्लां रे बारे ची सोच्चां ये।

2 कुरिन्थियों 1:17

ताहली जे मैं ये योजना बणाई थी, तां क्या मैं ये लापरवाईया ने बणाई थी? या हऊँ सै योजना जे बणां, तां क्या तिन्हौं संसारिक तरिके ने बणां भई इक्की घड़िया च हाँ, हाँ बी कराँ कने नां, नां बी करदा रऊँ?

2 कुरिन्थियों 11:21

मिन्जो खुद शर्मिन्दा हुईने बोलणा पैईराँ भई अहें इस तरिके रा व्यवहार करने च बौहत जादा कमजोर ये। जे सै घमण्ड करी सक्कां ये, तां हऊँ बी घमण्ड करी सक्कां, पर ये करना मूर्खता इ।

2 कुरिन्थियों 13:10

इस खातर तुहां ते दूर हुन्दे हुये बी हऊँ इन्हां गल्लां जो तुहांजो लिखिराँ ताकि ताहली जे हऊँ तुहांले आऊं, तां मिन्जो प्रभुरे जरिये दित्तिरे अधिकारा ने तुहांजो नुक्शान पहुँचाणे नीं बल्कि तुहांरी आत्मिक बढ़ौतरिया रे खातर तुहांजो सख्ती नीं बरतणी पौ।

2 कुरिन्थियों 13:2

ताहली जे दुज्जी बार हऊँ तुहांजो था, मैं तुहांजो सावधान कित्या था कने हुण तां जे हऊँ तुहां ते दूर आ, हऊँ तुहांजो भीं ते सावधान कराँ, भई जे हऊँ फेरी भीं तुहांले औंगा, तां तिन्हे जे पैहले पाप कित्तिरे कने सै जे पाप करी रायें तिन्हां पर मांह दया नीं करनी।