2 कुरिन्थियों 10:1 - बिलासपुरी नौआं नियम

¹ हऊँ पौलुस मसीह री नम्रता कने कोमलता च तुहांजो विनती करी रां, हलाँकि मैं महसूस कित्या भई तुहें सोच्चां ये हऊँ तुहांरे सामणे डरपोक आ कने ताहली जे तुहांते दूर आ हऊँ निडर आ।

2 कुरिन्थियों 10:1 ပူးပေါင်းရင်းမြစ်များ

मत्ती 11:29

मेरे अधीन हुई जवा तियां जे बैल जुंगड़े रे थल्ले रैयां कने मेरियां शिक्षां ते सीख लौआ, काँह्भई हऊँ आम माहणु आ कने मना रा नम्र आ: तुहांजो बी अपणे मना च सुख-चैन मिलणा।

मत्ती 21:5

“यरूशलेम रे लोकां ने बोल्ला, ‘देख! तेरा राजा तेरले आई कराँ; सै नम्र आ, कने गधे पर स्वार आ; हाँ गधिया रे बच्चे पर सै जे इक मजदूरा रे पशुये रा बच्चा।’ ”

प्रेरितां 8:32

पवित्रशास्त्रा रा सै पाठ जे सै पढ़या रां था, सै ये था : “सै भेड्डां साई कटोणे जो पुजाया गया, कने तियां जे भेड्डा रा बच्चा अपणी ऊन कड्डणे औल़यां रे सामणे चुप-चाप रैयां, तियां इ तिने बी अपणा मुँह नीं खोल्या, ताहली जे लोक तिस्सो पीड़ा दें थे।

रोमियो 10:20

फेरी यशायाह भविष्यवक्ता परमेशरा रे खातर बड़िया हिम्मता ने बोलां, “सै जे मिन्जो नीं खोज्जां थे, तिन्हें मिन्जो पाईल्या: कने सै जे मिन्जो पुछदे बी नीं थे, तिन्हां पर हऊँ प्रगट हुईग्या।”

रोमियो 12:1

इस खातर मेरे साथी विश्वासियो, परमेशरा री महान दया रिया वजह ने हऊँ तुहांजो विनती कराँ, भई अप्पूँजो पवित्र, इक जिऊंदा बलिदान्ना रे रुपा च परमेशरा जो खुश करदे हुये अर्पण करा। परमेशरा री अराधना करने रा येई सही तरीका।

रोमियो 15:15

पर तुहांजो भीं ते याद कराणे खातर मैं किछ विषयां पर बड़े हौंसले ने लिखया। ये तिस अनुग्रह ने हुया सै जे परमेशरे मिन्जो दित्तिरा,

1 कुरिन्थियों 2:3

ताहली जे हऊँ तुहांरिया सौगी था तिस वगत मेरा शरीर कमजोर था, कने हऊँ डरा रिया वजह ने कम्बीग्या।

1 कुरिन्थियों 4:10

इस संसारा रे लोक सोच्चां ये भई अहें मसीह रे खातर मूर्ख ये, पर तुहें सोच्चां ये भई तुहें मसीह च बुद्धिमान ये; बौहत लोक सोच्चां ये भई अहें निर्बल ये, पर तुहें सोच्चां ये भई तुहें बलवान ये, तुहौं लोक आदर दें, पर सै अहांरा निरादर कराँ ये।

1 कुरिन्थियों 4:21

तुहें क्या चांये? क्या हऊँ डन्डा लईने तुहांले आऊं, या प्यार कने नम्रता रिया आत्मा सौगी?

2 कुरिन्थियों 10:10

काँह्भई किछ लोक बोलां ये, “पौलुस रियां चिट्ठियां त गम्भीर कने प्रभावशाली आ; पर सै दिखणे च कमजोर आ कने तिसरी गल्ल बेकार इ।”

2 कुरिन्थियों 10:2

किछ लोक ये बोलां ये भई अहें संसारा रे लोकां साई व्यवहार कराँ ये। इस खातर ताहली जे हऊँ तित्थी आऊँ, तां हऊँ उम्मीद कराँ भई हऊँ तिन्हांरे प्रति बीरता दस्सूं। हऊँ तुहांजो ये विनती कराँ भई ताहली जे हऊँ आऊँ, तां तुहांरे प्रति तेढ़ा व्यवहार नीं करने पौ।

2 कुरिन्थियों 10:7

तुहें सिर्फ सै जे सामणे आ तिसरे इ बाहरले रुपा जो देखां ये। जे किसी रा अपणे बारे च ये भरोसा भई सै मसीह रा, तां सै ये बी जाणी लो, भई तियां जे सै मसीह रा तियां इ अहें बी मसीह रे।

2 कुरिन्थियों 11:21

मिन्जो खुद शर्मिन्दा हुईने बोलणा पैईराँ भई अहें इस तरिके रा व्यवहार करने च बौहत जादा कमजोर ये। जे सै घमण्ड करी सक्कां ये, तां हऊँ बी घमण्ड करी सक्कां, पर ये करना मूर्खता इ।

2 कुरिन्थियों 11:30

जे घमण्ड करना जरूरी आ, तां मांह अपणियां कमजोरिया री गल्लां पर घमण्ड करना।

2 कुरिन्थियों 12:5

येढ़े माहणुये पर मांह घमण्ड करना, पर अपणी कमजोरियां जो छड्डिने, अपणे बारे च घमण्ड नीं करना।

2 कुरिन्थियों 3:12

इस खातर अहें अपणिया इसा आशा रिया वजह ने भरोसे ने बोलां ये।

2 कुरिन्थियों 5:20

इस खातर अहें मसीह रे राजदूत ये; मानो परमेशर अहांरे जरिये तुहांजो बिनती करी रां। मसीह रिया तरफा ते अहें तुहांजो निवेदन कराँ ये भई परमेशरा ने मेल-मलाप करी लो।

2 कुरिन्थियों 6:1

परमेशरा सौगी काम्म करने रे नाते अहें तुहां लोकां ने बिनती कराँ ये भई परमेशरा रा सै अनुग्रह जे तुहांजो मिलीरा, तिस्सो बेकार नीं जाणे देआ।

2 कुरिन्थियों 7:4

मिन्जो लगां भई हऊँ तुहांजो साफ तरिके ने बोल्ली सक्कां, कने हऊँ तुहांरे बारे च बौहत खुश आ। अहां रियां सारियां परेशानियां रे बावजूद बी तुहें मिन्जो बड़ी तसल्ली दित्ति कने हऊँ हुण बी बौहत खुश आ।

गलातियां 4:13

तुहौं त याद हूणा भई हऊँ अपणे शरीरा री कमजोरिया रिया वजह ने पैहली बार तुहांले आया कने खुशखबरी सुणाई।

गलातियां 5:2

सुणा! हऊँ, पौलुस खुद तुहांजो बोल्ली कराँ भई जे परमेशरा रे सामणे धर्मी हुणे रे खातर तुहें अपणा खतना करवांगे, तां तुहांरे खातर मसीह रा कोई मतलब नीं हूणा।

इफिसियां 3:1

इस खातर हऊँ पौलुस तुहांरे खातर प्राथना कराँ, कने तुहां अन्यजातियां रे खातर मसीह यीशुये री सेवा करने रिया वजह ते कैदी बणया।

इफिसियां 4:1

इस खातर हऊँ सै जे प्रभुये री सेवा रे खातर कैदी आ, तुहां लोकां ने विनती कराँ भई तुहौं परमेशरे तियां जे जीणे खातर सद्दीरा तिस तरिके ने जीआ।

फिलिप्पियां 4:5

तुहांरी सहनशीलता सारे लोक जाणी सक्को, प्रभु जल्दी औणे औल़ा।

कुलुस्सियां 1:23

ये तांई हुई सक्कां तां जे तुहें अपणे विश्वासा च मजबूतिया ने टिक्कीरे रैहन्गे, कने खुशखबरिया रे जरिये दित्ति रिया तिसा आशा रा त्याग नीं करी दो, तिसौ जे तुहें सुणया। ये खुशखबरी इसा धरतिया पर रैहणे औल़े सारयां लोकां जो प्रचार कित्या गईरा, कने हऊँ पौलुस तिसरा इ सेवक बणीरा।

2 थिस्सलुनीकियां 3:17

हऊँ, पौलुस, अपणे हत्था ते ये नमस्कार लिखां। हरेक चिट्ठिया च हऊँ इस तरिके ने लिखां, ताकि सारे लोक जाणी सक्को भई ये चिट्ठी मेरिया तरफा तेई।

फिलेमोन 1:19

हऊँ पौलुस अपणे हत्था ते लिखां भई मांह सै कर्जा चुकाई देणा; कने इसरे बोलणे री किछ जरूरत नीं भई मेरा कर्ज सै जे तेरे परा सै तूई हाया, काँह्भई मैं तिज्जो मसीह पर विश्वास करने खातर तेरी मदद कित्तिरी।

1 पतरस 2:11

मेरे प्यारे मित्रो, हऊँ तुहांजो विनती कराँ भई तुहें अप्पूँजो परदेशी कने मुसाफर समझीने तिन्हां शरीरा री बुरियां इच्छां ते दूर रौआ सै जे हमेशा तुहांरिया आत्मा रे बरोधा च लड़ाई कराँ इयां।

प्रकाशितवाक्य 1:9

हऊँ यूहन्ना, तुहांरा साथी विश्वासी आ कने यीशु मसीह रे दुख, कने राज, कने धीरजा च तुहांरे सौगी आ। हऊँ पतमुस नौआं रे टापुये च परमेशरा रे वचना कने यीशुये री गवाही देणे रिया वजह ते कैदी था।