2 कुरिन्थियों 1:17 - बिलासपुरी नौआं नियम

¹⁷ ताहली जे मैं ये योजना बणाई थी, तां क्या मैं ये लापरवाईया ने बणाई थी? या हऊँ सै योजना जे बणां, तां क्या तिन्हौं संसारिक तरिके ने बणां भई इक्की घड़िया च हाँ, हाँ बी कराँ कने नां, नां बी करदा रऊँ?

2 कुरिन्थियों 1:17 ပူးပေါင်းရင်းမြစ်များ

मत्ती 1:19

पर तिसारा मंगेतर यूसुफ इक भला माहणु था कने इसा गल्ला जो लोकां रे बिच परगट करीने तिसारी बदनामी नीं करना चाहन्दा था, इस खातर तिने चुपचाप तिसाने मंगणी तोड़ने रा निश्चा कित्या (काँह्भई सै ब्याह ते पैहले इ भारहत्थी पाई गई सै जे व्यवस्था रे खलाफ था)।

मत्ती 5:37

पर तुहांरी गल्ल हाँ री हाँ, या नां री नां ओ; काँह्भई जो किछ इसते जादा हुआं सै शैतान यनि बुराईया ने हुआं।”

यूहन्ना 8:15

तुहें लोक माहणुआं रे नियमा रे मुतावक न्याय कराँ ये; हऊँ किसी रा न्याय नीं करदा।

2 कुरिन्थियों 1:12

अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।

2 कुरिन्थियों 11:18

काँह्भई बौहत सारे लोक अपणी कामयाबिया पर धमण्ड कराँ ये, इस खातर मांह बी अपणिया कामयाबिया पर घमण्ड करना।

गलातियां 1:16

कने ताहली जे परमेशरा री इच्छा हुई भई सै माह पर अपणे पुत्रा जो परगट करो ताकि हऊँ अन्यजातियां रे बिच तिसरिया खुशखबरिया रा प्रचार करूँ। तिस बगत इकदम मैं माहणुआं ते कोई राय नीं लैई।

गलातियां 2:2

हऊँ परमेशरा रे दर्शणा रिया वजह ने ऊत्थी गया था। कने ताहली जे हऊँ तित्थी था, हऊँ कल्हिया जेईया कलीसिया रे अगुवेयां ने मिलया कने हऊँ अन्यजातियां रे बिच जिस खुशखबरिया रा जे प्रचार कराँ, तिसा इ खुशखबरिया रा मैं बखान कित्या। ताकि येढ़ा नीं हो भई सै काम्म जे मैं पिछले दिनां च कित्या था कने लगातार करदा रैहन्गा, सै बेकार नीं हुई जाओ।

1 थिस्सलुनीकियां 2:18

इस खातर अहें यनि मैं पौलुसे इक बार नीं बल्कि बौहत बार तुहांले औणा चाहया, पर शैताने अहांजो रोकी रखया।

याकूब 5:12

पर मेरे साथी विश्वासियो, सब्बीं ते बड्डी गल्ल येई भई सगन्द नीं खायों, न स्वर्गा री, न धरतिया री, न किसी होरी चीज़ा री; पर साफ-साफ हाँ, बोल्ला या नां, ताकि तुहांते गुनाह नीं हो कने परमेशरा रिया सजा ते बची सक्को।