2 कुरिन्थियों 1:14 - बिलासपुरी नौआं नियम

¹⁴ तुहां अन्त च अहौं पूरी तरह समझी लेणा हलाँकि हल्तियें तुहें अहांजो बौहत इ कम समझी पाये। ताकि तुहें अहांरे खातर तियां इ गर्व करी सक्कां ये तियां जे अहां तुहांरे खातर तिस दिन गर्व करना ताहली जे अहांरे प्रभु यीशु फेरी भीं औंगे।

2 कुरिन्थियों 1:14 ပူးပေါင်းရင်းမြစ်များ

रोमियो 11:25

अन्यजातियां रे मेरे साथी विश्वासियो, हऊँ चाँह भई तुहें इस भेता जो समझो ताकि तुहें अपणे बारे च घमण्ड नीं करो। इस्राएल रे किछ लोक येढ़े इ कठोर बणाई दित्तिरे, कने येढ़े इ कठोर बणीने रैहणे तदुआं तक जे भई कई अन्यजातियां रे लोक मसीह च नीं आई जाणे।

1 कुरिन्थियों 1:8

तिस तुहांजो आखिर तक मजबूत रखणा ताकि तुहें अहांरे प्रभु यीशु मसीह रे दिन निर्दोष हुन्गे।

1 कुरिन्थियों 11:18

काँह्भई पैहले त हऊँ ये सुणां, भई तंजे तुहें कलीसिया च अराधना करने खातर कट्ठे हुआं ये, तां तुहां च फूट इ, कने हऊँ इस पर थोड़ा-थोड़ा विश्वास बी कराँ।

1 कुरिन्थियों 15:31

अरे साथी विश्वासियो, तियां जे ये सच्च आ भई हऊँ तुहांरे बारे च घमण्ड कराँ काँह्भई तुहें अहांरे प्रभु मसीह यीशुये चे, तियां इ ये बी सच्च आ भई हऊँ हर रोज मौती रा सामना कराँ।

2 कुरिन्थियों 2:5

जे तुहां चते किन्हिये निराश कित्या, तां मिन्जो इ नीं बल्कि थोड़ा बौहत तुहां सब्बीं जो बी निराश कित्या। (इसते जादा किछ होर नीं बोलणा चाहन्दा)।

2 कुरिन्थियों 5:12

अहें तुहांरे सामणे भीं ते अपणी कोई बडयाई नीं करी रायें, बल्कि तुहांजो इक मौका देई कराँ ये भई तुहें अहां पर घमण्ड करी सक्को; ताकि तुहें तिन्हौं जबाब देई सक्को सै जे मना पर नीं पर दिखावटी गल्लां पर घमण्ड कराँ ये।

2 कुरिन्थियों 9:2

काँह्भई हऊँ मदद रे खातर तुहांरिया इच्छा जो जाणाँ, जिस रिया वजह ने हऊँ तुहांरे बारे च मकिदुनिया प्रदेशा रे रैहणे औल़े विश्वासियां रे सामणे ये बोलदे हुये गर्व करी रां, भई तुहें अखाया प्रदेशा रे लोक त पिछले साल्ला तेई मदद करने जो त्यार थे कने तुहांरिया इसा इच्छा ते तिन्हां चते मतयां जो मदद करने रे खातर प्रेरणा मिली।

फिलिप्पियां 1:10

ताकि तुहें उत्तम ते उत्तम गल्लां जो प्रिय जाणो, कने तुहें मसीह रे औणे रे दिना तक पवित्र, कने निर्दोष बणीने रौआ।

फिलिप्पियां 1:26

ताकि ताहली जे हऊँ तुहां सौगी भीं ते रैहन्गा तां तुहें मेरिया वजह ने मसीह यीशुये रे बारे च होर बी जादा गर्व महसूस करगे।

फिलिप्पियां 1:6

मिन्जो इसा गल्ला रा पूरा भरोसा भई परमेशरे तुहां लोकां च इक येढ़ा बधिया काम्म शुरु कित्या, सैई तिस्सो यीशु मसीह रे वापस औणे रे दिना तक पूरा करदे रैंहगे।

फिलिप्पियां 2:16

भई ताहली जे मसीह वापस औणा तां मेरा घमण्ड करने री वजह ये हूणा भई मेरी मेहणत कने मेरा प्रयास बेकार नीं हुया।

फिलिप्पियां 4:1

इस खातर मेरे प्यारे साथी विश्वासियो, हऊँ तुहां ने बौहत जादा प्रेम कराँ कने तुहांजो मिलणे जो तरसया राँ; तुहें मेरी मौज कने मेरे कम्मां रा ईनाम ये, इस खातर प्यारे मित्रो लगातार प्रभुये पर मजबूतिया ने विश्वास करदे रौआ।

1 थिस्सलुनीकियां 3:13

ताकि सै तुहांरयां मनां जो मजबूत करो भई ताहली जे अहांरे प्रभु यीशु मसीह फेरी अपणे पवित्र लोकां सौगी आओ तां तुहें अहांरे परमेशर कने पिता रे सामणे पवित्र कने निर्दोष हुणे।

1 थिस्सलुनीकियां 5:23

हऊँ परमेशरा ने प्राथना कराँ सै जे शान्ति देआं भई सै तुहांजो पूरे तरिके ने पवित्र करो; कने तुहांरी आत्मा, प्राण कने देह अहांरे प्रभु यीशु मसीह रे वापस औणे तक पूरे तौर पर निर्दोष कने सुरक्षित रौआ।