2 कुरिन्थियों 1:12 - बिलासपुरी नौआं नियम

¹² अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।

2 कुरिन्थियों 1:12 ပူးပေါင်းရင်းမြစ်များ

प्रेरितां 23:1

पौलुसे महासभा खौ नज़राँ गडाई ने देख्या, कने बोल्या “हे भाईयो, मैं अज्जा तका परमेशरा खातर सच्चे मना ने जीवन बिताई रा।”

प्रेरितां 24:16

इसते हऊँ अप्पूँ बी कोशिश कराँ भई परमेशरा खौ, कने माहणुआं खौ हऊँ सदा निर्दोष रौ।

रोमियो 9:1

हऊँ मसीह रा, कने मेरा दिल कने पवित्र आत्मा ये पक्का कराँ ये भई हऊँ सच्च बोलां कने हऊँ झूठ नीं बोलीराँ

1 कुरिन्थियों 1:17

काँह्भई मसीहे मिन्जो बपतिस्मा देणे जो नीं, पर खुशखबरी सुनाणे जो भेजीरा, कने ये बी माहणुआं रे शब्दां रे ज्ञाना रे मुतावक नीं, येढ़ा नीं हो भई मसीह रा क्रूस बेकार ठैहरो।

1 कुरिन्थियों 12:8

काँह्भई इक्की जो आत्मा ते बुद्धिया रियां गल्लां मिलां इयां, कने किसी दुज्जे जो तिसा इ आत्मा रे मुतावक ज्ञाना रियां गल्लां।

1 कुरिन्थियों 15:10

पर हऊँ जो किछ बी आ, परमेशरा रे अनुग्रह तेआ। कने तिसरा अनुग्रह सै जे माह पर हुआ, सै बेकार नीं हुया पर मैं तिन्हां सब्बीं प्रेरितां ते बधीने मेहणत बी कित्तिरी; तां बी ये मेरिया तरफा ते नीं हुआ; पर परमेशरा रे अनुग्रह ते सै जे मांह पर था।

1 कुरिन्थियों 2:13

येई अहें माहणुये रे ज्ञाना ते सखाई रियां गल्लां च नीं, पर पवित्र आत्मा रियां सखाई रियां गल्लां च, आत्मिक गल्लां जो अहें आत्मिक शब्दां च सुणवांये।

1 कुरिन्थियों 4:4

काँह्भई मेरा अन्तरात्मा मिन्जो किसी गल्ला च इल्जाम नीं लगान्दा, पर इसते हऊँ निर्दोष नीं ठैहरदा, काँह्भई प्रभु इ हाया सै जे मेरा न्याय कराँ।

1 कुरिन्थियों 5:8

इस खातर औआ अहें फसह रे त्योहारा रा नन्द मनाईये, नांत पुराणे खमीरा ते कने नां बुराई कने दुष्टता रे खमीरा ते, पर सीधाई कने सच्चाईयां रिया अखमीरी रोटिया ते।

2 कुरिन्थियों 1:17

ताहली जे मैं ये योजना बणाई थी, तां क्या मैं ये लापरवाईया ने बणाई थी? या हऊँ सै योजना जे बणां, तां क्या तिन्हौं संसारिक तरिके ने बणां भई इक्की घड़िया च हाँ, हाँ बी कराँ कने नां, नां बी करदा रऊँ?

2 कुरिन्थियों 11:3

पर हऊँ डराँ भई तियां जे शैताने सर्पा रे रुपा च अपणिया चतुराईया ने हव्वा जो बैहकाया था, तियां इ किति तुहांरे मना जो मसीह रे प्रति तुहांरिया ईमानदारिया कने पवित्रता जो दूर नीं करी दो।

2 कुरिन्थियों 2:17

परमेशरा रे वचना जो अपणे फायदे खातर, तिसच मिलावट करीने बेचणे औल़े मते सारे दुज्जे लोकां साई अहें नींये। पर अहें त परमेशरा रे सामणे परमेशरा रिया तरफा ते भेज्जीरे माहणुआं रे बराबर मसीह च हुईने सच्चाईया ने बोलां ये।

2 कुरिन्थियों 4:2

पर अहें त शर्मनाक काम्म करने छड्डी तरे, अहें छल-कपट नीं करदे कने नांई परमेशरा रे बचनां च मिलावट कराँ ये। परमेशर अहांरा गवाह भई अहें सच्चाई बोलां ये, कने सै जे कोई ईमानदार आ तिन्हांजो ये पता।

2 कुरिन्थियों 8:8

हऊँ तुहांजो हुक्म नीं देईराँ बल्कि होर कलीसियां रे जोशा ने तुहांरे प्यारा रिया सच्चाईया जो परखणे खातर बोल्ली कराँ।

गलातियां 6:4

पर अपणे कम्मां री जाँच-पड़ताल़ हरेक माहणुये जो खुद करना चाहिन्दा, येढ़ा करने ते तिस्सो खुद अप्पूँ पर किसी दूये ने फर्क कित्ते बगैर, गर्व करने रा अवसर मिलणा।

इफिसियां 6:14

इस खातर सच्चाईया रिया पेट्टिया ने अपणी कमर कस्सीने, कने धार्मिकता री झिलम पैहनीने,

फिलिप्पियां 1:10

ताकि तुहें उत्तम ते उत्तम गल्लां जो प्रिय जाणो, कने तुहें मसीह रे औणे रे दिना तक पवित्र, कने निर्दोष बणीने रौआ।

1 थिस्सलुनीकियां 2:10

तुहें खुद इ गवाह ये, कने परमेशर बी गवाह भई तुहां सारयां विश्वासियां ने अहांरा स्वाभाव कितना सच्चा, धर्मी कने निर्दोष था।

1 तिमुथियुस 1:5

तिज्जो ये हुक्म देणे रा मेरा मकसद येआ भई तू इक्की दूये जो साफ दिला ते कने शुद्ध अन्तरात्मा ने कने बिणा कपटा औल़े विश्वासा ते प्रेम करगा।

तीतुस 2:7

तिज्जो हर गल्ला च खरयां कम्मां रे जरिए उदाहरण पेश करना चाहिन्दा, तिसरा जे दूज्जे लोक हमेशा पालन करी सक्को। ताहली जे तू विश्वासियां जो परमेशरा रे बारे च सखां, तां तिज्जो खरे ईरादे ने सखाणा चाहिन्दा कने इस तरीके ने भई लोक तेरा आदर करो।

इब्रानियों 13:18

अहांरे खातर प्राथना करदे रौआ, काँह्भई अहांजो भरोसा भई अहांरी अन्तरात्मा शुद्ध इ, कने अहें अपणिया जिन्दगिया री हरेक गल्लां च परमेशरा जो आदर देणा चाँये।

याकूब 4:6

बुरियां इच्छां रा डटी ने मुकाबला करने रे खातर सै जादा ते जादा अनुग्रह देआं; तियां जे भई पवित्र शस्त्र बोलां, “परमेशर घमण्डियां रा बरोध कराँ, पर नम्र लोकां पर किरपा कराँ।”

1 पतरस 3:16

कने अपणी अन्तरात्मा साफ रखा, ताकि यीशु मसीह च तुहांरे खरे चाल-चलना री निंध्या करने औल़े लोक तुहांरी बेज्जति करदे हुये शर्म महसूस करो।

1 पतरस 3:21

ये पाणी बपतिस्मे रा प्रतीक आ सै जे हुण तुहांजो बचां। तिस पाणिये ते जे तुहें बपतिस्मा लेईरा सै पाणी शरीरा रा मैल नीं दूर करदा, पर ये इक निशाण आ भई तुहें साफ अन्तरात्मा ने परमेशरा ते माफी मंगीरी। यीशु मसीह रे मूईरयां चते जिऊंदा हुणे रिया वजह ने तुहांजो माफी मिली सक्कां इ,