2 कुरिन्थियों 1:11 - बिलासपुरी नौआं नियम

¹¹ तियां जे तुहें अपणिया प्राथना रे जरिये अहांरी मदद कराँ ये। ताकि बौहत सारे लोकां री प्रार्थनां रे जरिये अहांजो परमेशरा रा सै अनुग्रह जे मिलया, इसरे खातर बौहत सारे लोक अहां रिया तरफा ते परमेशरा रा धन्यवाद करो।

2 कुरिन्थियों 1:11 ပူးပေါင်းရင်းမြစ်များ

प्रेरितां 12:5

पतरस कईयां दिनां ते जेल खाणे च बन्द था; पर कलीसिया तिस खातर पूरा दिल लाईने परमेशरा ने प्राथना करया राँ थी।

2 कुरिन्थियों 4:15

ये सारा किछ तुहांरे खातर इ कित्या गईरा, ताकि परमेशर कितना अनुग्रहकारी आ जादा ते जादा लोक जाणगे, कने बौहत सारे लोक परमेशरा री प्रशंसा कने आदर करगे।

2 कुरिन्थियों 9:14

हुण सै तुहांरे खातर परमेशरा ने प्राथना करी राँये कने तुहांजो देखणा चाँये, काँह्भई परमेशरे तिन्हौं आशीषित करने रे खातर तुहांजो बौहत इस्तेमाल कित्या।

फिलिप्पियां 1:19

काँह्भई हऊँ जाणाँ भई तुहांरियां प्राथनां रे जरिये कने तिसा पवित्र आत्मा रिया सहायता ते तिसजो जे यीशु मसीह भेज्या मेरा छुटकारा हूणा।

कुलुस्सियां 4:3

कने इस सौगी अहांरे खातर बी प्राथना करा भई परमेशर अहांरे खातर वचन सुणने रा येढ़ा अवसर देई दो, भई अहें मसीह रे तिस भेदा रा बखान करी सक्को तिसरिया वजह ने जे हऊँ कैदा चा,

1 थिस्सलुनीकियां 5:25

साथी विश्ववासियो, अहां खातर प्राथना करो।

2 थिस्सलुनीकियां 3:1

आखिर च, अरे साथी विश्वासियो, अहां खातर प्राथना करा भई प्रभुये रा वचन येढ़ा जल्दी फैल्लो कने महिमा पाओ तियां जे तुहां सौगी हुया था।

फिलेमोन 1:22

होर इक गल्ल येई: मेरे रैहणे खातर अपणे घरें जगह त्यार कर, काँह्भई मिन्जो आशा इ भई परमेशरा तुहांरियां प्राथनां रा जबाब देणा कने तुहांले फेरी भीं औणे खातर इजाज़त देंगा।

इब्रानियों 13:18

अहांरे खातर प्राथना करदे रौआ, काँह्भई अहांजो भरोसा भई अहांरी अन्तरात्मा शुद्ध इ, कने अहें अपणिया जिन्दगिया री हरेक गल्लां च परमेशरा जो आदर देणा चाँये।