1 तिमुथियुस 6:6 - बिलासपुरी नौआं नियम

⁶ पर ये अहांरे खातर भला भई अहें सैई करिये सै जे परमेशरा जो खुश कराँ, कने परमेशर जो किछ अहांजो देआं तिस पर अहें संतोख करो।

1 तिमुथियुस 6:6 ပူးပေါင်းရင်းမြစ်များ

लूका 12:15

फेरी तिन्हें गलाया, “चत्तन होआ! तुहांले सै जे निआं, तिसरा लालच नीं करा। काँह्भई जादा धन-दौलत किसी रिया जिन्दगिया जो नीं बचाई सकदी।”

लूका 3:14

किछ सपाईयें बी पुच्छया, “अहांजो क्या करना चाहिन्दा?” यूहन्ने तिन्हाजो जवाब दित्या, “किसी ते तिसरे पैसयां जो नीं खोयां, कने जाणदे हुए बी किसी पर झूट्ठा इल्जाम नीं लगायों, कने तुहांजो जितणी मजदूरी मिलांई तिसच इ सन्तोख रखयों।”

रोमियो 8:28

अहें जाणाँ ये भई परमेशर तिन्हां सारयां लोकां रे खातर अच्छी चीजां ल्यौआं सै जे तिस्सो प्यार कराँ ये; यनिके तिन्हांरे खातर सै जे तिसरिया मर्जिया रे मुतावक तिस्सो जे तिने चुणीरा।

2 कुरिन्थियों 4:17

अहांरा ये छोट्टा कने पल भरा रा दुख, अहांरे खातर अनन्त कने बौहत इ जादा महिमा त्यार करी रां, तिसरी तुलना जे करी नीं सकदे।

फिलिप्पियां 1:21

काँह्भई जे हऊँ जीऊँ तां मसीह रे खातर जीऊँ, कने जे हऊँ मरूँ तां बी मेरे खातर ये फायदे री गल्ल हूणी।

1 तिमुथियुस 4:8

काँह्भई शरीरा रिया वर्जिशा रा किछ इ फायदा मिलां, पर आत्मिक वर्जिश सारियां गल्लां खातर फायदेमन्द इ, काँह्भई ये इक्की माहणुये रे जिऊंदा रैहन्दे हुये बी कने मरने ते बाद बी तिसरी मदद कराँ इ।

1 तिमुथियुस 6:8

जे अहांले खाणे जो रोटी कने पैहनणे जो कपड़ा हो, तां अहांजो इन्हां पर इ सन्तोख करना चाहिन्दा।

इब्रानियों 13:5

अपणे जीवना जो धन-दौलता रे लालचा ते दूर रखा, कने जो किछ तुहांले आ तिस पर सन्तुष्ट रौ; काँह्भई परमेशरे खुद बोलीरा, “मांह तिज्जो कदीं मनीं छडणा, नां कदीं तिज्जो त्यागणा।”