1 तिमुथियुस 6:20 - बिलासपुरी नौआं नियम

²⁰ अरे तिमुथियुस, तू ये निश्चा कर भई सै जे परमेशरे तिज्जो सौंपीरा तू सैई कराँ। कने तिन्हां लोकां री मत सुणयां सै जे लगातार मूर्ख गल्लां कराँ ये तिन्हांते जे परमेशरा रे खातर आदर नींआ कने बेकार च बैहस कराँ ये कने सै बोलां ये भई ये ज्ञान आ, पर सच्चीजो ये नींआ।

1 तिमुथियुस 6:20 ပူးပေါင်းရင်းမြစ်များ

प्रेरितां 16:1

फेरी सै दिरबे कने लुस्त्रा नगरा च बी गया, तित्थी तिमुथियुस नौआं रा इक चेला था। सै जे यहूदी विश्वासी जनाना रा पुत्र था, पर तिसरा पिता यूनानी था।

प्रेरितां 17:18

फेरी इपिकूरी कने स्तोईकी दार्शनिकां चते किछ तिसने तर्क करने लगे, कने कईयें गलाया, “ये बकवादी क्या बोलणा चाँह?” पर दुज्जेयां गलाया, “ये होरसी रा प्रचारक लगया राँ” काँह्भई सै यीशुये रा कने भीं ते जिऊंदा हुणे री खुशखबरी सुणावां था।

प्रेरितां 17:21

(इस खातर भई कई एथेंस वासी कने सै जे प्रदेशी तित्थी रैयां थे, नौंईयां-नौंईयां गल्लां बोलणे कने सुणने ते इलावा होर किसी कम्मां च बगत नीं बितांदे थे।)

रोमियो 1:22

हलाँकि तिन्हें अप्पूँजो समझदार हुणे रा दावा कित्या, पर सै मूर्ख बणिगे,

रोमियो 3:2

हाँ, इसरी बौहत बड्डी कीमत इ। काँह्भई पैहले हत्थे परमेशरा रा बचन यहूदी लोकां जोई सौंपीरा।

1 कुरिन्थियों 2:6

फेरी भीं परिपक्व विश्वासियां च अहें ज्ञाना रा सन्देश सणवांयें, पर इस संसारा रे हाक्मां रा ज्ञान नीं; सै जे नाश हुणे औल़े;

1 कुरिन्थियों 3:19

काँह्भई इस संसारा रा ज्ञान परमेशरा रिया नज़राँ च मूर्खता इ, तियां जे पवित्रशास्त्रा च लिखिरा, “सै ज्ञानियां जो तिन्हांरी चतुराईया च फसाई देआं,”

कुलुस्सियां 2:18

सै जिस्मा रा सिर आ। तिसते जिस्मा रा सारा हिस्सा पालन-पोषण पाईने इक साथ रैयां ये। तां ये तियां इ बधां तियां जे परमेशर इसजो बधाणा चाँह। कोई माहणु तुहौं खुद अप्पूँजो बेईज्जत करने कने स्वर्गदूतां री पूजा करने जो जोर देईने तुहांजो तुहांरा ईनाम पाणे ते दूर नीं करो। येढ़ा माहणु अपणे देखीरे दर्शणां रा बर्णन करने च लगीरा रैयां कने अपणिया संसारिक सोच्चा रिया वजह ने झूट्ठे घमण्डा च भरीरा रैयां, कने सै मसीह ने जुड़ीरे नींये।

कुलुस्सियां 2:8

ध्यान रखा, भई कोई तुहांजो अपणे तिस संसारिक ज्ञाना च कने बेमतलब गल्लां च नीं फसाओ सै जे माहणुआं रियां बणाईरी रीतियाँ ते कने संसारा रिया आदी शिक्षा रे मुतावक त हाया, पर मसीह रे मुतावक निआं।

2 थिस्सलुनीकियां 1:4

इस खातर अहें खुद परमेशरा रिया कलीसियां रे विश्वासियां रे बिच तुहांरे बारे च घमण्ड कराँ ये, हलाँकि तुहें सताव कने दुखां रा अनुभव कराँ ये, फेरी बी तुहें लगातार धीरजा ने सैंये कने हुण तुहें यीशु मसीह पर बी विश्वास कराँ ये।

2 थिस्सलुनीकियां 2:15

इस खातर अरे साथी विश्वासियो, मजबूत रौआ; कने सै शिक्षां जे तुहें वचना ते या चिट्ठियां रे जरिये अहांते सिखियां तिन्हां पर लगातार विश्वास करदे रौआ।

1 तिमुथियुस 1:11

ये सही शिक्षा अहांरे अदभुत परमेशरा री महिमा रिया तिस खुशखबरिया रे मुतावक आ सै जे मिन्जो सौंपी गईरी।

1 तिमुथियुस 1:2

तिमुथियुस हऊँ ये चिट्ठी तिज्जो लिखिराँ कने तू मेरे खातर इक पुत्रा साई आ, काँह्भई तू यीशु मसीह पर विश्वास कराँ। हऊँ प्राथना कराँ भई पिता परमेशर, कने मसीह यीशु अहांरे प्रभु तिज्जो अनुग्रह, दया कने शान्ति देओ।

1 तिमुथियुस 1:4

कने तिन्हांने बोल भई येढ़ि मन घड़न्त कहाणियां कने पूर्वजां रियां खत्म नीं हुणे औल़ियां कहाणियां पर मन नीं लगाओ, तिन्हांते जे सिर्फ विवाद इ पैदा हुआं ये। कने सै विवाद परमेशरा रिया योजना जो रोकां ये, सै जे तिन्हां लोकां रे जरिये इ हुई सक्कां सै जे परमेशरा पर विश्वास कराँ ये।

1 तिमुथियुस 1:6

इन्हांजो छड्डिने कितणे लोक फिरीने बेकारा रियां गल्लां च भटकीगे,

1 तिमुथियुस 1:9

अहें ये बी जाणाँ ये भई व्यवस्था धर्मी माहणुये खातर नीं पर तिन्हांरे खातर इ सै जे परमेशरा रिया व्यवस्था जो नीं मनदे, भगती हिनां, पापियां, अपवित्र कने अशुद्ध माहणुआं, माता-पिता रा खून करने औल़यां, हत्यारयां,

1 तिमुथियुस 4:7

पर मन घड़न्त कने बेकार कहाणियां ते दूर रैयां तिन्हांते जे परमेशरा जो आदर नीं मिलदा, बल्कि भगतिया रा जीवन जीणे खातर खुद लगातार मेहणत कर।

1 तिमुथियुस 6:11

पर अरे परमेशरा रे माहणु तिमुथियुस, तू इन्हां गल्लां ते दूर हुई जा, कने सै जे सही आ तिसजो करने री हरेक कोशिश कर, कने परमेशर तेढ़ा जे चांह तू तियां बर्ताव कर, मसीह पर विश्वास कर, दुज्यां लोकां ने प्यार कर, मुशीवतां जो सैई लै कने लोकां सौगी गुस्सा नीं कर।

1 तिमुथियुस 6:14

भई तू अहांरे प्रभु यीशु मसीह रे दोबारा औणे तक सै सब कर तिस्सो जे पूरी तरह करने खातर परमेशरे तिज्जो हुक्म दित्तिरा, ताकि कोई बी तेरी निंध्या नीं करी सक्को भई तू गल़त करया राँ।

2 तिमुथियुस 2:1

इस खातर अरे मेरे पुत्र तिमुथियुस, मसीह यीशुये च मिलणे औल़े अनुग्रह ते मजबूत हुई जा।

2 तिमुथियुस 2:16

पर बेकार कने मूर्ख गल्लां ते दूर रै, काँह्भई ये गल्लां सिर्फ लोकां जो परमेशरा ते दूर लेई जांईयां।

तीतुस 1:14

कने सै यहूदियां री मन-घड़न्त कहाणियाँ कने तिन्हां माहणुआं रे हुक्मां पर ध्यान नीं देणा, सै जे सच्चाईया रा इन्कार कराँ ये।

तीतुस 1:4

तीतुस हऊँ ये चिट्ठी तिज्जो लिखिराँ कने तू मेरे खातर इक पुत्रा साई आ, काँह्भई अहें दोन्नो यीशु मसीह पर विश्वास कराँ ये। हऊँ प्राथना कराँ भई पिता परमेशर, कने मसीह यीशु अहांरा छुटकारा करने औल़े तिज्जो अनुग्रह कने शान्ति देओ।

तीतुस 1:9

कने तिसा सखाई रिया खुशखबरिया पर तिस्सो मजबूतिया ने विश्वास करना चाहिन्दा, सै सन्देश जे सच्चा कने कदीं बदलदा नींआ ताकि सै दुज्जे लोकां जो सही शिक्षा कने हौंसला देई सकगा कने बैहस करने औल़यां जो गल़त साबित करगा।

तीतुस 3:9

पर मूर्ख बैहस, पूर्वजां रियां वंशावलियां री बैहस, व्यवस्था रे बारे च झगड़े कने वाद-विवादा ते दूर रै; काँह्भई ये सब बेकार कने फायदे रे नींये।

प्रकाशितवाक्य 3:3

इस खातर याद कर भई तैं किस तरिके री शिक्षा पाई कने सुणी थी, तिस्सो मनदा रै कने मन फिरा। पर जे तू नीं जाग्या, तां मांह चोरा साई औणा, कने तू जाणी बी नीं पाणा भई मांह किस वगत तेरे लौ आई जाणा।