1 तिमुथियुस 6:10 - बिलासपुरी नौआं नियम

¹⁰ काँह्भई पैसे रा लालच सारियां बुराँईयां री जड़ इ, किछ लोक तिस्सो पाणे रे खातर कोशिश करदे हुये विश्वासा ते भटकी चुक्कीरे कने तिन्हें अप्पूँजो कई तरीकयां ने दुखां च पाईलरा।

1 तिमुथियुस 6:10 ပူးပေါင်းရင်းမြစ်များ

मत्ती 13:22

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, ये सै लोक ये तिन्हें जे परमेशरा रा सन्देश सुणया, सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

मत्ती 23:13

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें लोकां जो परमेशरा रे अधीन हुणे ते रोकां ये, तुहें तिन्हां माह्णुआं साई ये सै जे स्वर्गा रे राज्जा रा दरवाजा बन्द करी दें इस खातर भई दुज्जे परमेशरा रे नगरा च प्रवेश नीं करी सक्को; तुहें खुद त तिसच दाखल नीं हूणा चाहन्दे कने होरीं जो बी तिसच जाणे ते रोकां ये।

मत्ती 6:19

“अपणे खातर धरतिया पर भण्डार मत भरा, काँह्भई तिस कीड़ा कने जंग लगीने खराब हुई जाणा, चोर सेन्ध मारीने तिस्सो चुराई सक्कां ये।

मरकुस 4:19

सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

कुलुस्सियां 3:5

इस खातर सै किछ जे तुहां च संसारिक आ, तिसजो खत्म करी देआ, यनिके व्यभिचार, अपवित्रता, वासनां, बुरी इच्छां कने लालच सै जे मूर्तियां री पूजा करने रे बराबर आ,

1 तिमुथियुस 3:3

सै पियक्कड़ कने मार-पीट करने औल़ा नीं हो पर दयालु हो, कने नां झगड़ने औल़ा, कने नां पैसे रा लालची हो।

1 तिमुथियुस 6:21

काँह्भई किछ लोक इसजो ग्रहण करीने विश्वासा ते भटकी गरे। तुहां सब्बीं पर परमेशरा रा अनुग्रह हुन्दा रौ।

1 तिमुथियुस 6:9

पर सै जे अमीर हूणा चांह ये, सै येढ़िया परीक्षा कने फन्दे कने बौहत सारियां बेकार कने नुक्शान करने औल़ियां लालसां च जानबरा साई फसां ये, सै जे माहणुआं जो बगाड़ी देआं इयां, कने पूरे तरिके ने नाश करी देईयां।

2 तिमुथियुस 3:2

काँह्भई लोकां सिर्फ अप्पूँजो प्यार करना, पैसे ने प्यार करना, डींग मारना, घमण्डी हुणे, निंध्या करने औल़े हुणे, अपणे माता-पिता रा हुक्म नीं मनणे औल़े, नमकहराम, अपवित्र हुणे,

2 तिमुथियुस 4:10

काँह्भई देमास मिन्जो छड्डिने थिस्सलुनीके नगरा जो जाई चुक्कीरा, काँह्भई सै इस संसारा रिया चीजां जो प्रेम कराँ। क्रेसकेंस बी गलातिया प्रदेशा जो कने तीतुस दलमतिया प्रदेशा जो चलीगरे।

तीतुस 1:11

इन्हां लोकां जो शिक्षा देणे खातर इजाज़त मत देआं, काँह्भई ये लोक नीच कमाईया खातर गल़त गल्लां सखाई ने पूरे परिवारा रे विश्वासा जो बगाड़ी देआंये।

याकूब 5:19

हे मेरे साथी विश्वासियो, तुहां चते जे कोई सच्चाईया ते भटकी जाओ कने तिस्सो कोई भीं मोड़ी ने रस्ते पर ली औआं,

यहूदा 1:11

तिन्हां लोकां रे खातर ये कितना भयानक हूणा! काँह्भई तिन्हें कैना साई बुरा बर्ताव कित्या, कने सै बिलामा साई ये तिने जे पैसा पाणे खातर परमेशरा रे लोकां जो पाप करने खातर भड़काणे री कोशिश कित्ती थी। सै कोरह साई परमेशरा रे बिरोधा च बिद्रोह कराँ ये इस खातर तिन्हांरा नाश हूणा तैह आ।

प्रकाशितवाक्य 18:13

कने दाल-चीनी, मसाले, धूप, इत्र, लोबान, मदिरा, तेल, मैदा, कणक, गाय, बल़द, भेड़, बकरियां, घोड़े, रथ, कने दास, कने माहणुआं रे प्राण।