1 तिमुथियुस 4:5 - बिलासपुरी नौआं नियम

⁵ काँह्भई ये सब किछ परमेशरा रे वचन कने प्राथना रे जरिये शुद्ध हुई जां।

1 तिमुथियुस 4:5 ပူးပေါင်းရင်းမြစ်များ

लूका 11:41

अपणिया अन्तरात्मा जो परमेशरा ने जोड़ा, बजाये इसरे भई तुहें बाहरा री सफाई करो।

लूका 4:4

पर यीशुये तिसजो जवाब दित्या, “पवित्रशास्त्रा च येढ़ा लिखिरा भई माहणु सिर्फ रोटिया तेई नीं जिऊंदा रैहणा।”

1 कुरिन्थियों 7:14

काँह्भई येढ़ा पति सै जे विश्वासी नींआ सै अपणी विश्वासी जनाना रिया वजह ते पवित्र ठैहराँ; कने येढ़ि जनाना सै जे विश्वासी नीं, अपणे विश्वासी पतिये रिया वजह ते पवित्र ठैहराँ इ। नैत तुहांरे बाल-बच्चे अपवित्र हुन्दे, पर हुण सै पवित्र ये।

1 तिमुथियुस 4:3

येढ़े लोक ये सखायें भई ब्याह करना कने किछ किस्मा रा भोजन खाणा गल़त आ। पर परमेशरे ये खाणा विश्वासी लोकां खातर बणाईरा सै जे सच्चिया शिक्षा जो जाणाँ ये भई परमेशरा रा धन्यवाद करीने खाया जाओ।

तीतुस 1:15

तिन्हां लोकां खातर सब चिज़ां शुद्ध इयां तिन्हांरे मन जे शुद्ध ये, पर अशुद्ध कने अविश्वासी लोकां खातर किछ बी शुद्ध निआं, काँह्भई तिन्हांरे मन कने अन्तरात्मा दोन्नों अशुद्ध ये।

इब्रानियों 11:3

विश्वासा तेई अहें जाणाँ यें भई संसारा री सृष्टि परमेशरा रे वचनां रे जरिये हुई थी। इस खातर अहें जो बी देक्खां ये सै तिन्हां चीजां ते बणीरा तिस्सो जे अहें देक्खी नीं सकदे।