1 तिमुथियुस 3:15 - बिलासपुरी नौआं नियम

¹⁵ भई जे मेरे औणे च देरी हुईजो, तां तू जाणी लेंगा भई परमेशरा रे परिवारा च लोकां रा वर्ताव केढ़ा हूणा चाहिन्दा सै जे जिऊंदा परमेशरा री कलीसिया, खम्भा कने सच्चाईया री निऊँ इ।

1 तिमुथियुस 3:15 ပူးပေါင်းရင်းမြစ်များ

मत्ती 16:16

शमौन पतरसे जबाब दित्या, “तू मसीह आ, साक्षात परमेशरा रा पुत्र।”

मत्ती 18:18

“हऊँ तुहांजो सच्च बोलां, जो किछ तुहें धरतिया पर लोकां जो करने री अनुमति नीं देंगे तिस्सो करने री परमेशरा बी अनुमति नीं देणी, कने जो किछ तुहें धरतिया पर लोकां जो करने री अनुमति देंगे तिस्सो परमेशरा बी करने री अनुमति देणी।

यूहन्ना 1:17

अहांजो व्यवस्था देणे औल़ा मूसा था, पर अनुग्रह कने सच्चाई परमेशरे अहांजो यीशु मसीह रे जरिये दस्से।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 18:37

पिलातुसे तिस्सो गलाया, तां क्या तू राजा? यीशुये जबाब दित्या, “तू बोलां भई हऊँ राजा। हऊँ इस खातर पैदा हुईने संसारा च आया भई सच्चाईया रे बारे च सखाई सक्कूँ। सै माहणु जे सच्चाईया ने प्यार रक्खां ये सै मेरा बचन सुणां ये।”

यूहन्ना 6:69

कने अहें तूह पर विश्वास कित्या कने ये जाणीगे भई परमेशरा रा पवित्र पुत्र तूई हाया।”

प्रेरितां 1:2

तिस दिना तक तदुआं तका जे यीशुये जो परमेशर स्वर्गा च लेईने नीं गया। पर स्वर्ग जाणे ते पैहले तिने अपणे प्रेरितां जो तिन्हांजो जे तिने चुणया था पवित्र आत्मा रिया अगुवाईया ते हुक्म दित्या था।

प्रेरितां 14:15

“हे लोको, तुहें क्या करया रायें? अहें बी तां तुहां साई दुख-सुख भोगणे औल़े माहणु ये कने तुहांजो खुशखबरी सुणाया रायें भई तुहें इन्हां बेकार चिज़ां ते लग्ग हुईने जिऊंदा परमेशरा ले औआ, तिने अकाश कने धरती कने समुद्र कने जो किछ तिसच आ बणाया।

रोमियो 3:2

हाँ, इसरी बौहत बड्डी कीमत इ। काँह्भई पैहले हत्थे परमेशरा रा बचन यहूदी लोकां जोई सौंपीरा।

रोमियो 9:26

कने येढ़ा हूणा भई तिसा जगह च परमेशरे तिन्हाने ये गलाया था भई तुहें मेरे लोक नींये, तिसा जगह पर सै जिऊंदा परमेशरा रे बच्चे कहलाणे।”

1 कुरिन्थियों 10:32

तुहें नां तां यहूदियां, नां यूनानियां, नां परमेशरा री कलीसिया रे खातर परेशानिया री वजह बणो।

1 कुरिन्थियों 3:16

क्या तुहें नीं जाणदे भई तुहें परमेशरा रा मन्दर ये, कने परमेशरा रा आत्मा तुहां च वास कराँ।

2 कुरिन्थियों 3:3

ये साफ आ भई तुहें मसीह रिया तरफा ते आईरे इक्की चिट्ठिया साई ये कने अहां रिया सेवकाईया रा नतीजा ये। ये स्याईया ने नीं कने पत्थरा रियां सिल्लां पर बी नीं बल्कि जिऊंदा परमेशरा रिया आत्मा ने माहणुआ रे दिलां पर लिखिरी।

2 कुरिन्थियों 6:16

परमेशरा रे मन्दरा रा मूर्तियां ने क्या नाता? काँह्भई अहें खुद तिस जीवित परमेशरा रे मन्दर ये; तियां जे परमेशरे पवित्रशास्त्रा च बोल्या, “माह तिन्हां लोकां च बसणा कने तिन्हां सौगी हमेशा रैहणा; कने हऊँ तिन्हांरा परमेशर हूणा कने सै मेरे लोक हुणे।”

2 कुरिन्थियों 6:7

सच्चे बचना ने, कने परमेशरा रिया सामर्था ने, धार्मिकता रे हत्थियार सै जे अपणे सज्जे कने खब्बे हत्थां चे,

गलातियां 2:9

इस तरिके ने तिन्हें माह पर परमेशरा रे तिस अनुग्रह जो समझील्या कने कलीसिया रे अगुवे समझे जाणे औल़े याकूब, कैफा, कने यूहन्ने, मिन्जो कने बरनबासा जो सहयोगी बणाईने भेज्या। कने सै सहमत हुईगे भई अहें अन्यजातियां रे बिच उपदेश देन्दे रौ कने सै खतना कित्ती रयां लोकां रे बिच।

गलातियां 3:1

अरे गलातिया रे विश्वासियो तुहें निरे मूर्ख ये! तुहांजो किने धोखा दित्या? तुहांजो त इसा गल्ला रा पूरा ब्योरा देईतरा था भई किसा वजह ने यीशु मसीह जो सब्बीं रे सामणे क्रूसा पर चढ़ाया था।

इफिसियां 4:21

सै जे तुहें मसीह रे बारे च सुणीरा कने सिक्खीरा हकीकत च सै खुशखबरिया रा सच्चा सन्देश आ सै जे मसीह यीशुये रे बारे चा।

कुलुस्सियां 1:5

तुहें ये कराँ ये काँह्भई तुहें भरोसे सौगी तिस ईनामा जो पाणे री आशा कराँ ये, सै जे परमेशरे स्वर्गा च तुहांरे खातर त्यार कित्तिरा, इस बारे च तुहें पैहले तेई सुणी चुक्कीरे, ताहली जे लोक पैहले तुहांले आये कने तुहांजो सच्चा सन्देश दित्या सै जे मसीह यीशुये री खुशखबरी।

1 थिस्सलुनीकियां 1:9

काँह्भई सै खुद अहांरे बारे च दस्सां ये भई तुहें अहांरा केढ़ा स्वागत कित्या था कने तुहें कियां मूर्तियां ते दूर हुईने परमेशरा खौ फिरे ताकि तुहें जीवित कने सच्चे परमेशरा री सेवा करो।

1 तिमुथियुस 3:14

हलाँकि हऊँ आशा कराँ भई मांह जल्दी तेरले औणा, पर ये गल्लां तिज्जो इस खातर लिखया राँ,

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

1 तिमुथियुस 3:2

इस खातर ये जरूरी आ भई अगुवा निर्दोष कने इक्की पत्निया रा पति, हरेक हालता च अपणे बर्ताव कने भावनां जो काबू करने औल़ा, ईज्जतदार, आदर-खातर करने औल़ा, कने परमेशरा रे वचना जो ठीक ढंगा ने सखाणे रे काविल हो।

1 तिमुथियुस 3:5

जे कोई अपणे घरा जोई ठीक ढंगा ने चलाणा नीं जाणदा, तां परमेशरा री कलीसिया री रखवाली कियां करगा?

1 तिमुथियुस 4:10

अहें मेहणत कने कोशिश इस इ खातर कराँ ये भई अहांरी आशा तिस जीवते परमेशरा पर इ सै जे सब माहणुआं रा कने खास कर विश्वासियां रा छुटकारा करने औल़ा।

1 तिमुथियुस 6:16

कने सिर्फ सैई हाया सै जे हमेशा जिऊंदा रैयां, कने सै बौहत तेज ज्योतिया च रैयां भई कोई तिसरे नेड़े जाई नीं सकदा, कने नां तिस्सो किसी माहणुये देख्या कने नां कदीं देखी सक्कां। तिसरा आदर कने सामर्थ हमेशा रे खातर रैहणा। आमीन।

2 तिमुथियुस 2:19

फेरी बी परमेशरे सै जे पक्की निऊं बणाईरी, सै मजबूत खढ़ीरी कने तिस पर ये लिखिरा : “प्रभु अपणे लोकां जो जाणाँ,” कने “सै जे कोई बोलां भई सै प्रभुये रा सै बुराईयां ते दूर रौ।”

2 तिमुथियुस 2:20

इक्की बड्डे घरा च सिर्फ सोने-चाँदिया रेई बरतण नीं हुंदे, पर तिसच लकड़िया कने मिट्टिया रे भान्डे बी हुआं ये; किछ खास मौके पर इस्तेमाल कित्ते जांये कने किछ रोज के कम्मां खातर इस्तेमाल कित्ते जांये।

इब्रानियों 10:21

कने काँह्भई हुण अहांले इक येढ़ा महान याजक आ, सै जे स्वर्गा च परमेशरा रे घराने रा अधिकारी आ।

इब्रानियों 12:22

पर तुहें सिय्योन रे पहाड़ा पर आईगे सै जे जिऊंदा परमेशरा रा स्वर्गीय यरूशलेम नगर आ कने तित्थी अनगिणत स्वर्गदूत खुशिया रा त्योहार मनायें।

इब्रानियों 3:12

साथी विश्वासियो, चौकन्ने रौआ भई तुहां च येढ़ा बुरा कने अविश्वासी मन नीं हो, सै जे तुहांजो जिऊंदा परमेशरा ते दूर करी दो।

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।

1 पतरस 2:5

तुहें बी जीवित पत्थराँ साई आओ कने आत्मिक घर बनाणे च अप्पूँजो इस्तेमाल करा, तित्थी जे तुहां आत्मिक बलिदान चढ़ाणे खातर पवित्र याजकां साई सेवा करनी, सै जे यीशु मसीह रे जरिये परमेशरा रिया नज़राँ च ग्रहण करने लायक हो।

1 पतरस 4:17

काँह्भई सै बगत आई चुक्कीरा भई पैहले परमेशरा रे लोकां रा न्याय कित्या जाओ; कने जे न्याय री शुरुआत अहां तेई हुआं इ, तां तिन्हां लोकां रा अन्त क्या हूणा सै जे परमेशरा रिया खुशखबरिया पर विश्वास नीं करदे?

प्रकाशितवाक्य 7:2

फेरी मैं इक होर स्वर्गदूता जो जिऊंदा परमेशरा री सील लेईने पूरब ते ऊपर औन्दे देख्या। तिने तिन्हां चऊँ स्वर्गदूतां ने ऊच्चिया अवाज़ा च गलाया, तिन्हौं जे धरती कने समुद्रा रा नुक्शान करने रा अधिकार दित्या गया था,