1 थिस्सलुनीकियां 5:21 - बिलासपुरी नौआं नियम

²¹ सब्बीं गल्लां जो परखो; सै जे खरियां इया तिन्हौं ग्रहण करीने तिन्हांरा पालन करा।

1 थिस्सलुनीकियां 5:21 ပူးပေါင်းရင်းမြစ်များ

लूका 12:57

“तुहें अप्पूँ इ इसा गल्ला रा फैसला काँह नीं करी लेंदे भई क्या करना ठीक आ?

यूहन्ना 15:4

मेरे सौगी जुड़ीरे रौआ कने मांह तुहां सौगी रैहणा। जिस तरीके ने इक डाल़ी फल़ नीं देई सकदी, तदुआं तक जे सै बेली ने जुड़ी नीं जान्दी, इयां इ जे तुहें मांह च नींये, तां किछ अच्छा नीं करी सकदे।

यूहन्ना 8:31

फेरी यीशु तिन्हां यहूदी अगुवेयां ने गलाणे लगया सै जे तिस पर विश्वास कराँ थे, “जे तुहें लोक मेरी सखाई रियां सारियां गल्लां जो सुणीने अपणयां सारयां कम्मां जो तिसरे मुतावक कराँ ये, तां सच्चीजो तुहें मेरे चेले हुणे।

प्रेरितां 11:23

सै तित्थी पुज्जी ने कने परमेशरा रा अनुग्रह देखीने खुश हुआ, कने सबनीं जो ये उपदेश दित्या भई तन-मन लाईने प्रभुये ने चिपकी रे रौआ।

प्रेरितां 14:22

कने हरेक नगरा रे चेलयां रे मना जो मजबूत करदे रहे कने ये उपदेश देआं थे भई विश्वासा च बणीरे रौआ; कने ये बोलां थे, “अहांजो मते दुख सहीने परमेशरा रे राज्जा च जाणे मिलणा।”

प्रेरितां 17:11

ये लोक त थिस्सलुनीके नगरा रे यहूदियां ते खरे थे, कने तिन्हें दिल लाईने वचन ग्रहण कित्या, कने हर रोज पवित्रशास्त्रा च टोलदे रै भई ये गल्लां येढ़ियां इ हईयां की नीं।

रोमियो 12:2

हुण होर अग्गे इस संसारा रिया रीता पर मता चलदे; पर परमेशर तुहांरे मना जो बदलने रे जरिये तुहांजो नया दिल देओ। ताकि तुहें परमेशरा रियां इच्छां जो जाणी सकगे, यानि सै जे भली, सै जे तिस्सो खुश कराँ इ कने सै जे उत्तम इ।

रोमियो 12:9

तुहांरा प्यार सच्चा ओ; बुराईया ते नफरत करा; भलाई करदे रौआ।

1 कुरिन्थियों 15:58

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

1 कुरिन्थियों 2:11

माहणुआं चते कुण किसी माहणुये रियां गल्लां जाणाँ, सिर्फ माहणुये रा अपणा आत्मा सै जे तिस चा? तियां इ परमेशरा रियां गल्लां बी कोई नीं जाणदा, सिर्फ परमेशरा रा आत्मा।

गलातियां 6:10

इस खातर तियां जे कोई मौका मिलो, अहांजो सारयां ने भलाई करनी चाहिन्दी, खास कर अपणे विश्वासी भाईयां सौगी।

इफिसियां 5:10

ये गल्ल जाणने री कोशिश करा सै जे प्रभुये जो खुश कराँ इ।

फिलिप्पियां 1:10

ताकि तुहें उत्तम ते उत्तम गल्लां जो प्रिय जाणो, कने तुहें मसीह रे औणे रे दिना तक पवित्र, कने निर्दोष बणीने रौआ।

फिलिप्पियां 3:16

इस खातर अहांजो सच्चाईया रे मुतावक जीणा चाहिन्दा तिस्सो जे परमेशरे अहां पर पैहले तेई परगट करी तरा।

फिलिप्पियां 4:8

इस खातर साथी विश्वासियो, तिन्हां गल्लां रा ध्यान करा सै जे सच्चियां इ, कने सै गल्लां जे आदर रे लायक इ, कने सै जे किछ ठीक आ, कने सै जे किछ पवित्र आ, सै जे किछ सुन्दर आ, सै जे किछ सराहना रे लायक आ, यनिके कोई बी होर उत्तम गुण या प्रशंसा री गल्लां ओ तिन्हां पर ध्यान लगाया करा।

1 थिस्सलुनीकियां 5:15

ये ध्यान रखा भई कोई किसी ने बुराईयां रे बदले बुराई नीं करो; पर सदा अप्पूँ चियें कने सब्बीं ने भलाई करने री कोशिश करा।

1 थिस्सलुनीकियां 5:22

हरेक बुराईया ते बचीने रौआ।

2 थिस्सलुनीकियां 2:15

इस खातर अरे साथी विश्वासियो, मजबूत रौआ; कने सै शिक्षां जे तुहें वचना ते या चिट्ठियां रे जरिये अहांते सिखियां तिन्हां पर लगातार विश्वास करदे रौआ।

2 तिमुथियुस 1:15

तू जाणाँ भई आसिया प्रदेशा च रैहणे औल़े कई विश्वासी मिन्जो छड्डी चुक्कीरे, फुगिलुस कने हिरमुगिनेस बी मिन्जो छड्डी चुक्कीरे।

2 तिमुथियुस 3:6

इन्हां चते किछ येढ़े लोक ये सै जे घराँ च घुसां ये कने मूर्ख औरतां जो अपणे बशा च करी लैं, ये औरतां अपणे पापां रे बोझे च दबोईने हर तरिके रियां बुरी इच्छां रे बशा चियां।

2 तिमुथियुस 4:14

सिकन्दर सै जे ठठेरा तिने कई तरीकयां ने मेरा बड़ा नुक्शान कित्तिरा। प्रभुये तिस्सो तिसरे बुरे कम्मा रे मुतावक सजा देणी।

इब्रानियों 10:23

औआ, अहें लगातार अपणिया आशा जो मजबूतिया ने थम्मी रखिये सै जे अहें अंगीकार कित्तिरा, काँह्भई अहें जाणाँ ये भई सै काम्म जे परमेशरे करने रे खातर वायदा कित्तिरा तिस्सो सै करगा।

1 यूहन्ना 4:1

मेरे प्यारे मित्रो, हर किसी आत्मा रा विश्वास मता करदे, पर हमेशा तिन्हारी परख करीने देक्खा भई क्या सै परमेशरा रिया तरफा ते आ कि नीं? ये हऊँ तुहांजो इस खातर गलाईराँ काँह्भई मते सारे झूट्ठे भविष्यवक्ता इस संसारा च फैलीरे।

प्रकाशितवाक्य 2:2

हऊँ तेरे काम्म, कने तेरी मेहणत, कने तेरे धीरजा जो जाणाँ। कने ये बी भई तू बुरयां लोकां जो सैहण नीं करी सकदा, कने सै जे अप्पूँजो प्रेरित बोलां ये, पर हये नींये तिन्हांजो तैं परखीने झूट्ठा पाया।

प्रकाशितवाक्य 2:25

पर हाँ, सै जे तुहांले आ, तिस्सो मेरे औणे तक मजबूतिया ने थम्मी रखा।

प्रकाशितवाक्य 3:11

हऊँ जल्दी आया रां; जो किछ तेरले आ तिस्सो थम्मी रख, भई कोई तेरा मुकट तेरते खोई नीं लओ।

प्रकाशितवाक्य 3:3

इस खातर याद कर भई तैं किस तरिके री शिक्षा पाई कने सुणी थी, तिस्सो मनदा रै कने मन फिरा। पर जे तू नीं जाग्या, तां मांह चोरा साई औणा, कने तू जाणी बी नीं पाणा भई मांह किस वगत तेरे लौ आई जाणा।