1 थिस्सलुनीकियां 4:5 - बिलासपुरी नौआं नियम

⁵ कने तुहांजो ये काम्म अन्यजातियां साई बासना रिया इच्छा ते नीं करना चाहिन्दा, सै जे परमेशरा जो नीं जाणदे,

1 थिस्सलुनीकियां 4:5 ပူးပေါင်းရင်းမြစ်များ

मत्ती 6:32

इस खातर चिन्ता नीं करा काँह्भई होरीं जातियां रे लोक इन्हां सारियां चिज़ां रिया खोज्जा च रैं, कने तुहांरा स्वर्गीय पिता जाणाँ, भई तुहांजो ये सारियां चिज़ां चाहिन्दियां।

लूका 12:30

काँह्भई ये संसारा रे लोक इन्हां सारियां चिज़ां री लालसा च रैं, कने तुहांरा पिता जाणाँ, भई तुहांजो इन्हां चिज़ां री जरूरत इ।

प्रेरितां 17:23

काँह्भई हऊँ फिरदे-फिरदे तांजे तुहांरियां पुजणे रियां चिज़ां जो देख्यारा था, तां इक येढ़ि वेदी मिली, तिस पर लिखिरा था, ‘अनजाणे ईश्वरा खातर।’ इस खातर तिस्सो जे तुहें बिणा जाणे पुज्जां ये हऊँ तुहांजो तिसरी खबर सुणावां।

रोमियो 1:24

इस खातर परमेशरे सै मनां रियां लालसां रे मुतावक बुरी इच्छां रे बशा च करी ते; तिसरिया वजह ते जे सै बुरयां कम्मां च पैईने इक्की-दूये रे जिस्मां रा अनादर करने लगे।

रोमियो 1:26

इस खातर परमेशरे तिन्हांजो बुरी इच्छां रे बशा च करित्या; येत्थी तक भई तिन्हां रियें जनानें बी अपणा सिधा-साधा स्वाभाव छड्डिने बासना रा बुरा स्वाभाव अपणाईल्या।

रोमियो 1:28

कने काँह्भई तिन्हे परमेशरा जो पछयाणने ते मना करित्या, इस खातर परमेशरे तिन्हौं तिन्हांरे मूर्ख बचाराँ पर छड्डीत्या, कने सै येढ़े बुरे काम्म करने लगे सै जे तिन्हौं नीं करने चाहिन्दे थे।

1 कुरिन्थियों 1:21

काँह्भई तंजे परमेशरा रे ज्ञाना रे मुतावक संसारे ज्ञाना ते परमेशरा जो नीं जाणया, तां परमेशरा जो ये खरा लगया भई इस प्रचारा रिया मूर्खता रे जरिये विश्वास करने औल़यां जो छुटकारा देओ।

1 कुरिन्थियों 15:34

तुहें अपणे होशा च आई जावा कने पाप करना बन्द करा; काँह्भई कितणे येढ़े लोक ये सै जे परमेशरा जो नीं जाणदे, हऊँ तुहांजो शर्मिन्दा करने खातर ये बोलां।

गलातियां 4:8

पैहले तुहें लोक तां जे परमेशरा जो नीं जाणदे थे, तां तिस वगत तुहें येढ़े देबतयां रे दास थे सै जे हकीकत च परमेशर नीं थे।

इफिसियां 2:12

याद करा तिस बगत तुहें लोक मसीह ते लग थे, तुहें इस्राएल रिया बरादरिया ते बाहर थे, कने तिसरे वायदे रिया वाचां रे हिस्सेदार नीं थे कने इस संसार च बगैर आशा ते कने बगैर परमेशरा ते थे।

कुलुस्सियां 3:5

इस खातर सै किछ जे तुहां च संसारिक आ, तिसजो खत्म करी देआ, यनिके व्यभिचार, अपवित्रता, वासनां, बुरी इच्छां कने लालच सै जे मूर्तियां री पूजा करने रे बराबर आ,

2 थिस्सलुनीकियां 1:8

कने सै जे परमेशरा जो नीं पछयाणदे कने अहांरे प्रभु यीशुये रे खुशखबरिया जो ग्रहण नीं करदे तिन्हाजो तिस सजा देणी।

1 पतरस 4:3

काँह्भई तुहें पैहले अन्यजातियां रे लोकां साई इन्हां बुरियां इच्छां जो पूरा करने च काफी वगत गवाई चुक्कीरे। तियां जे ऐस-प्रस्ती करना, काम्म-वासना च डुव्वीरे रैहणा, पियक्कड़पन, रंगरलियां मनाणा, शराब पीने मौज करनी कने तुहें मूर्तियां री पूजा बी कित्ती तिसते जे परमेशर नफरत कराँ।