1 थिस्सलुनीकियां 4:4 - बिलासपुरी नौआं नियम

⁴ काँह्भई तुहां चते हरेक जो पवित्रता कने आदरा सौगी अपणे शरीरा जो बशा च करना सिखणे री जरूरत इ।

1 थिस्सलुनीकियां 4:4 ပူးပေါင်းရင်းမြစ်များ

प्रेरितां 9:15

पर प्रभु यीशुये हनन्याह ने गलाया, “तू चली जा; काँह्भई सै त अन्यजातियां कने राजयां कने इस्राएलियां रे सामणे मेरे बारे च प्रचार करने रे खातर मैं तिसजो चुणीरा।

रोमियो 1:24

इस खातर परमेशरे सै मनां रियां लालसां रे मुतावक बुरी इच्छां रे बशा च करी ते; तिसरिया वजह ते जे सै बुरयां कम्मां च पैईने इक्की-दूये रे जिस्मां रा अनादर करने लगे।

रोमियो 12:1

इस खातर मेरे साथी विश्वासियो, परमेशरा री महान दया रिया वजह ने हऊँ तुहांजो विनती कराँ, भई अप्पूँजो पवित्र, इक जिऊंदा बलिदान्ना रे रुपा च परमेशरा जो खुश करदे हुये अर्पण करा। परमेशरा री अराधना करने रा येई सही तरीका।

रोमियो 6:19

हऊँ ये उदाहरण इस खातर इस्तेमाल करी रां काँह्भई तुहांरे खातर ये समझणा मुश्किल आ। तियां जे तुहें खुद अप्पूँजो दास्सा साई बुरयां कम्मां रे खातर अपवित्रता कने बुराईया रे खातर सौंपया था, तियां इ हुण तुहें अप्पूँजो परमेशरा रिया सेवा रे खातर सौंपी देआ, ताकि तुहें पूरी तरह तिसरे हुणे।

1 कुरिन्थियों 6:15

क्या तुहें नीं जाणदे भई तुहांरा शरीर मसीह रे अंग ये? तां क्या हऊँ मसीह रे अंग लेईने तिन्हांजो वेश्यां रे अंग बणाऊं? कदी मनी।

1 कुरिन्थियों 7:2

पर व्यभिचारा रे डरा ते हरेक मर्दा री जनाना, कने हरेक जनाना रा पति ओ।

1 कुरिन्थियों 7:9

पर जे सै संयम नीं करी सक्को, तां सै ब्याह करो; काँह्भई बासना च जल़णे ते बेहतर ब्याह करना ठीक आ।

2 कुरिन्थियों 4:7

पर अहें चिक्का रे भाँडयां साई ये तिसच ये दौलत रखीरी। ये असली सामर्थ अहां रिया तरफा ते नीं, बल्कि परमेशरा रिया इ तरफा ते औआं इ।

फिलिप्पियां 4:8

इस खातर साथी विश्वासियो, तिन्हां गल्लां रा ध्यान करा सै जे सच्चियां इ, कने सै गल्लां जे आदर रे लायक इ, कने सै जे किछ ठीक आ, कने सै जे किछ पवित्र आ, सै जे किछ सुन्दर आ, सै जे किछ सराहना रे लायक आ, यनिके कोई बी होर उत्तम गुण या प्रशंसा री गल्लां ओ तिन्हां पर ध्यान लगाया करा।

इब्रानियों 13:4

ब्याह रा सब्बीं रे जरिये आदर हूणा चाहिन्दा, कने इक पति-पत्निया जो इक्की दूये रे इलावा किसी दुज्जे ने सम्बन्ध रखणा ठीक नींआ, काँह्भई परमेशर व्यभिचारियां, कने परस्त्रीगामियां रा न्याय करगा।

1 पतरस 3:7

तियां इ पतियो, तुहें बी अपणी पत्नियां रा आदर करा कने तिन्हांने समझदारिया ने बर्ताव करा तियां जे तुहें कट्ठा जीआ राँये, काँह्भई सै तुहां साई मजबूत निआं, पर तुहें कने सै परमेशरा रे जीवना रे बरदाना च बराबरिया रे वारस ये। येढ़ा करने ते तुहांरियां प्राथनां रे जबाबां च अड़चन नीं औणी।