1 थिस्सलुनीकियां 4:11 - बिलासपुरी नौआं नियम

¹¹ कने तेढ़ा जे अहें तुहांजो हुक्म दित्तिरा, तियां इ शान्ति पूर्वक जीवन जीआ कने अपणा-अपणा काम्म-काज करीने अपणे-अपणे हत्था ते कमाणे रा जतन करा;

1 थिस्सलुनीकियां 4:11 ပူးပေါင်းရင်းမြစ်များ

मरकुस 13:34

ये तिस माहणुये साई आ, सै जे अपणे घरा ते दूर किति यात्रा पर जाया रा था, जाणे ते पैहले सै अपणे दास्सां ने बोलां भई घरा रा सारा प्रवन्ध तुहांजो करना चाहिन्दा। सै हर इक्की जो दस्सां भई तिस्सो क्या करना चाहिन्दा। फेरी सै द्वारपाला जो अपणिया वापसिया रे खातर त्यार रैहणे जो बोलां।”

प्रेरितां 18:3

पौलुस कने अक्विला रा इक जेआ काम्म था, इस खातर सै तिन्हां सौगी रैया कने सै काम्म करने लगे; कने तिन्हांरा तम्बू बनाणे रा काम्म था।

प्रेरितां 20:35

मैं तुहांजो सब किछ करीने दस्या भई इयां-इयां मेहणत करीने कमजोराँ जो संभाल़णा कने प्रभु यीशुये रे वचन याद रखणे जरूरी ये, सै जे तिने अप्पूँ इ बोलीरा : ‘परमेशर अहांजो बौहत आशीष देआं ताहली जे अहें अपणे खातर लेणे रे बजाय दुज्जेयां जो दें।’ ”

रोमियो 12:11

खूब मेहणत करा कने आलसी मत बणाँ; अप्पूँजो प्रभुये री सेवा करने च पूरी तरह समर्पित करा।

रोमियो 15:20

पर मेरे मना च सदा ये इच्छा रैई भई हऊँ यीशु मसीह रिया खुशखबरिया रा प्रचार तिसा जगह करूँ, तित्थी जे कोई मसीह रा नौं तक नीं जाणदा हो; हऊँ तिस माहणुये साई नीं बणना चाहन्दा सै जे किसी दुज्जे माहणुये रिया नीऊआं पर घर बणाँ।

1 कुरिन्थियों 4:12

कने अहें अपणे हात्थां ने अप्पूँ मेहणत कराँ ये। ताहली जे लोक अहांजो गाल़ी दें, तां अहें तिन्हांजो आशीष देआंये; ताहली जे लोक अहांजो सतायें, तां अहें सही लैं।

2 कुरिन्थियों 5:9

इस वजह ने अहांरा मकसद येआ भई अहें प्रभुये जो खुश करदे रौ, चाये अहें प्रभुये सौगी स्वर्गा च रौ या इसा धरतिया पर रौ।

इफिसियां 4:28

सै जे चोरी करदा आया, सै इसते बाद चोरी नीं करो, बल्कि तिस्सो काम्म करना चाहिन्दा, खुद अपणे हत्थां ने मेहणत करा, ताकि तिसले तिस्सो जे जरूरत इ, तिस सौगी बंडणे जो किछ हुई सक्को।

1 तिमुथियुस 2:2

राजयां कने सब्बीं अधिकारियां रे खातर प्राथना कर ताकि अहें आराम कने चैना सौगी परमेशरा रे प्रति सारी भगतिया कने ठीक बर्तावा ने जिन्दगी जी सक्को।

1 तिमुथियुस 5:13

कने इसते इलावा तिन्हांजो घरें-घरें फिरीने आलसी हुणे री आदत पैई जाईं, कने सिर्फ आलसी ही नीं पर बक-बक करदी रैईयां कने दुज्यां रे कम्मां च विघन बी पाईयां कने गल़त गल्लां बोलां इयां सै जे तिन्हांजो नीं बोलणियां चाहिन्दियां।

तीतुस 3:14

अहांरे लोक बी जरूरतां जो पूरा करने खातर भलयां कम्मां च लगी रैहणा सिखो, ताकि सै बेकार जिन्दगी नीं जींगे।

1 पतरस 3:4

बल्कि तुहांरी सुन्दरता तुहांरिया अन्तरात्मा पर निर्भर हूणी चाहिन्दी यनि नम्रता कने शाँत स्वभाव सै जे कदीं नाश नीं हूणा, परमेशरा रिया नज़राँ च बौहत कीमती आ।

1 पतरस 4:15

किसी बी तरिके ने तुहां च कोई खूनी, चोर, दुष्टता रा काम्म करने औल़ा, कने दुज्जे रे कम्मां च दखल देणे औल़ा होणे रिया वजह ते दुख नीं पाओ।