1 थिस्सलुनीकियां 3:12 - बिलासपुरी नौआं नियम

¹² कने प्रभु येढ़ा करो भई तियां जे अहें तुहांजो प्यार रक्खां ये, तियां इ तुहांरा प्यार बी इक्की दूये ने कने सारे माहणुआं सौगी बधो, कने उमड़दा रौओ,

1 थिस्सलुनीकियां 3:12 ပူးပေါင်းရင်းမြစ်များ

मत्ती 22:39

फेरी येढ़ि इ दुज्जी आज्ञा येई भई अपणे पड़ेसिये ने तियां इ प्यार कर जिआं जे तू अप्पूँ ने प्यार कराँ।

मत्ती 7:12

इस खातर हरेक माहौल्ला च लोकां ने तुहांरा बर्ताव ठीक तियां इ हो जिस तरिके रे बर्तावा री आशा जे तुहें अपणे खातर करां ये, काँह्भई व्यवस्था कने भविष्यवक्तयां री शिक्षा बी येई हाई।

लूका 17:5

प्रेरितें प्रभु यीशुये ने गलाया, “परमेशरा पर अहांरा विश्वास मजबूत करने जो अहांरी मदद कर”

रोमियो 13:8

इक्की दुज्जे रे प्यारा ते इलावा किसी गल्ला च किसी रे कर्जदार नीं हुआ; काँह्भई सै जे अपणे साथियां ने प्यार कराँ, सै येढ़ा करीने व्यवस्था जोई पूरा कराँ।

2 कुरिन्थियों 9:10

काँह्भई परमेशर इ करसाणां जो ब्यू देआं कने खाणे जो रोटी देआं। तियां इ तुहांले सै किछ जे हाया परमेशर तिसजो बधान्गा, ताकि सै जे जरूरत मन्द लोक ये तिन्हांजो तुहें होर बी जादा देई सक्को।

गलातियां 5:22

पर पवित्र आत्मा रा फल़ प्यार, खुशी, शान्ति, धीरज, दया, भलाई, विश्वास,

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

फिलिप्पियां 1:9

कने हऊँ येई प्राथना करदा रैयां भई तुहांरा प्यार, कने सुध-बुध हर तरह रे ज्ञाना सौगी हमेशा बधदी रौ।

1 थिस्सलुनीकियां 2:8

अहें तुहांरे बारे च तेढ़िया इ नम्रता जो महसूस कित्या, इस खातर परमेशरा ते मिली रिया खुशखबरिया जोई नीं, बल्कि अहें खुद अप्पूँजो बी तुहां सौगी बंड्डी लेणा चाँये, काँह्भई तुहें अहांरे प्यारे बणीगरे।

1 थिस्सलुनीकियां 4:1

भाईयो, अहें तुहांते विनती कराँ ये कने तुहांजो प्रभु यीशुये च समझावांये भई तेढ़ा जे तुहें अहांते ठीक चाल चलना कने परमेशरा जो खुश करना सिखी रा, कने तेढ़े जे चलां बी ये, तेढ़े इ होर बी तरक्की करदे जाओ।

1 थिस्सलुनीकियां 5:15

ये ध्यान रखा भई कोई किसी ने बुराईयां रे बदले बुराई नीं करो; पर सदा अप्पूँ चियें कने सब्बीं ने भलाई करने री कोशिश करा।

2 थिस्सलुनीकियां 1:3

अहांरे साथी विश्वासियो, तुहांरे खातर अहांजो लगातार परमेशरा रा धन्यवाद करना चाहिन्दा, कने ये ठीक बी आ, काँह्भई मसीह च तुहांरा विश्वास बौहत बधदा जाया राँ, कने तुहांरा प्यार इक्की दूये रे प्रति बधदा जाया राँ।

याकूब 1:17

काँह्भई हर इक खरा कने हर इक उत्तम बरदान समाणा रियां जोतियां रे बनाणे औल़े परमेशर अहांरे पिता रिया तरफा तेई मिलां। परमेशर सदा इक्को जेआ रेआं कने सै छौंवा साई कदीं नीं बदलदा।

2 पतरस 1:7

नांई तुहांजो इस तरिके ने जीणा चाहिन्दा सै जे परमेशरा जो खुश कराँ, बल्कि अपणे परिवारा रे सदस्या साई बी साथी विश्वासियां ने प्रेम करना चाहिन्दा, नांई तुहांजो अपणे परिवारा रे सदस्या साई इक्की दूये जो प्रेम करना चाहिन्दा, बल्कि तुहांजो सारयां लोकां जो प्रेम करना चाहिन्दा।

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।