1 थिस्सलुनीकियां 3:11 - बिलासपुरी नौआं नियम

¹¹ हुण परमेशर अहांरा पिता कने अहांरे प्रभु यीशु मसीह ने प्राथना कराँ ये भई सै तुहांले औणे जो अहांरे खातर रस्ता त्यार करो;

1 थिस्सलुनीकियां 3:11 ပူးပေါင်းရင်းမြစ်များ

मत्ती 6:14

“इस खातर जे तुहें लोकां रे पाप माफ करगे, तां तुहांरा पिता सै जे स्वर्गा चा तुहांरयां पापां जो बी माफ करगा।

मत्ती 6:18

ताकि लोक ये नीं जाणे भई तू उपवास करीराँ, पर तेरा पिता तिस्सो जे तू देखी नीं सकदा, सै देक्खो भई तैं उपवास कित्तिरा। फेरी तेरा पिता सै जे तेरे छिपिने कित्तिरे सारयां कम्मां जो देक्खां, तिज्जो तिसरा ईनाम देंगा।”

मत्ती 6:26

अम्बरा रे पंछियां जो देक्खा! सै न बिजाई कराँ ये, न कटाई कराँ ये, न भण्डार भराँ ये; तां बी तुहांरा स्वर्गीय पिता तिन्हांरा तिन्हांजो ख्वां। क्या तुहें तिन्हांते जादा मुल नीं रखदे?

मत्ती 6:32

इस खातर चिन्ता नीं करा काँह्भई होरीं जातियां रे लोक इन्हां सारियां चिज़ां रिया खोज्जा च रैं, कने तुहांरा स्वर्गीय पिता जाणाँ, भई तुहांजो ये सारियां चिज़ां चाहिन्दियां।

मत्ती 6:4

ताकि तेरा दान छुपीरा रौ, इसरा ये नतीजा हुया भई जो किछ तू छुपीने कराँ तिस्सो प्रभु अहांरा पिता बी देक्खां, तिस तिज्जो इसरा ईनाम देणा।”

मत्ती 6:6

पर ताहली जे तू प्राथना करो, तां अपणे कमरे च जा; कने दरवाजा बन्द करीने अपणे पिता ने सै जे गुप्त जगह चा प्राथना कर; फेरी तेरा पिता सै जे सब किछ यनि गुप्त च कित्तिरी प्राथना जो बी देक्खां, तिज्जो तिसरा ईनाम देंगा।

मरकुस 1:3

सुनसान जगह च इक माहणु हाक पांदा हुआ सुणया राँ भई प्रभुये रा स्वागत करने खातर अप्पूँजो त्यार करा।”

लूका 12:30

काँह्भई ये संसारा रे लोक इन्हां सारियां चिज़ां री लालसा च रैं, कने तुहांरा पिता जाणाँ, भई तुहांजो इन्हां चिज़ां री जरूरत इ।

लूका 12:32

“इस खातर भेडां साई भोल़े-भाल़े, मेरे छोट्टे झुण्डा! मता घबरान्दे, काँह्भई तुहांजो स्वार्गा रा राज देणे च पिता परमेशरा जो बड़ा नन्द औआं।

यूहन्ना 20:17

यीशुये तिसाजो गलाया, मेरयां पैराँ ने लिपटी ने मिन्जो मत रोक, काँह्भई हऊँ अजें तक पिता ले नीं गईरा, तू मेरे भाईयां लौ जा, कने तिन्हांजो दस हऊँ अपणे परम पिता कने तुहांरे परम पिता, अपणे परमेशर कने तुहांरे परमेशरा ले जाया रां।

रोमियो 1:3

अपणे पुत्र अहांरे प्रभु यीशु मसीह रिया खुशखबरिया रे बारे च प्रतिज्ञा कित्तिरी थी; सै जे माहणुये रे रुपा च राजा दाऊद रे बंशा ते पैदा हुया,

2 कुरिन्थियों 6:18

कने हऊँ तुहांरा पिता हूणा, कने तुहें मेरे बेटे कने बेटियां हुणे। ये सर्वशक्तिमान परमेशरा रा वचन आ।”

गलातियां 1:4

अहांरे परमेशर कने पिता रिया इच्छा रे मुतावक मसीह यीशुये खुद अप्पूँजो अहांरे पापां रे खातर बलिदान करित्या ताकि सै अहांजो अजकला रे इस बुरे संसारा ते छडवाये।

कुलुस्सियां 1:2

हऊँ कुलुस्से नगरा च रैहणे औल़े पवित्र लोकां जो कने मसीह रे सच्चे विश्वासी भाईयां जो ये लिखिराँ। अहांरे पिता परमेशरा तुहांजो अनुग्रह कने शान्ति देन्दे रौ।

1 थिस्सलुनीकियां 3:13

ताकि सै तुहांरयां मनां जो मजबूत करो भई ताहली जे अहांरे प्रभु यीशु मसीह फेरी अपणे पवित्र लोकां सौगी आओ तां तुहें अहांरे परमेशर कने पिता रे सामणे पवित्र कने निर्दोष हुणे।

1 थिस्सलुनीकियां 4:16

काँह्भई प्रभु यीशुये अप्पूँ इ स्वर्गा ते उतरना; तिस बगत ललकार, कने प्रधान दूतां री अवाज़ सुणाई देणी, कने परमेशरा रिया तुरहियां बजणियां; कने सै जे मसीह च मरीरे, तिन्हां पैहले जिऊंदेयां हूणा।

1 थिस्सलुनीकियां 5:23

हऊँ परमेशरा ने प्राथना कराँ सै जे शान्ति देआं भई सै तुहांजो पूरे तरिके ने पवित्र करो; कने तुहांरी आत्मा, प्राण कने देह अहांरे प्रभु यीशु मसीह रे वापस औणे तक पूरे तौर पर निर्दोष कने सुरक्षित रौआ।

2 थिस्सलुनीकियां 2:16

खुद अहांरे प्रभु यीशु मसीह, कने अहांरे पिता परमेशर तिने जे अहांने प्यार कित्या, कने अपणे अनुग्रह ते अनन्त प्रोत्साहन कने उत्तम आशा दित्तिरी,

2 थिस्सलुनीकियां 3:16

हुण शान्ति देणे औल़ा प्रभु खुद तुहांजो हमेशा हर तरिके ने शान्ति देओ, प्रभु तुहां सब्बीं सौगी रौ।

2 थिस्सलुनीकियां 3:5

परमेशरा रा प्यार कने मसीह रे धीरजा जो समझणे खातर प्रभु तुहांरी अगुवाई करो।

1 यूहन्ना 3:1

बचार करीने देक्खा, भई परमेशर पिता अहांने केढ़ा प्यार कित्या, भई अहें परमेशरा रे बच्चे बणी सक्को, कने सै सच्चमुच अहें हाये बी ये, इसा वजह ने संसारा रे लोक अहांजो नीं जाणदे, काँह्भई तिन्हें परमेशर पिता जो बी नीं जाणया।

प्रकाशितवाक्य 21:3

फेरी मैं किसी जो संघासणा चते ऊच्चिया अवाज़ा च ये बोलदे सुणया, “देख, परमेशरा रा वास लोकां रे बिच आ कने तिस तिन्हां सौगी वास करना, कने सै तिसरे लोक होणे; कने परमेशरा खुद तिन्हां सौगी रैहणा; कने तिस तिन्हांरे परमेशर हूणा।