1 थिस्सलुनीकियां 3:10 - बिलासपुरी नौआं नियम

¹⁰ अहें रात-दिन बौहत प्राथना करदे रैये ताकि तुहांजो फेरी भीं ते देक्खी सक्को कने तुहांरे विश्वासा च सै जे किछ कमी रैईगरी तिसजो पूरा करिये।

1 थिस्सलुनीकियां 3:10 ပူးပေါင်းရင်းမြစ်များ

लूका 2:37

हुण सै चौरासियां साल्लां री थी। सै मन्दरा रे अंगणा जो छड्डिने किति जो नीं जान्दी थी, कने रात दिन ऊथी रैयां थी। सै भुक्खी प्यासी रैईने प्राथना सौगी परमेशरा री अराधना कराँ थी।

प्रेरितां 26:7

तिसा प्रतिज्ञा रे पूरे हुणे री आशा लाईने, अहांरे बारा गोत्र अपणे सारे मना ते रात दिन परमेशरा री अराधना करदे आया रायें। हे राजा, इसा इ आशा रे बारे च यहूदी अगुवे मांह पर दोष लांये।

2 कुरिन्थियों 1:15

मिन्जो निश्चा था भई तुहें अहांजो थोड़ा बौहत समझी चुक्कीरे, इस खातर मैं पैहले तुहांले औणा चाँह था ताकि मेरे दो बार औणे रा आशीर्वाद तुहांजो मिली सक्को।

2 कुरिन्थियों 1:24

इसरा मतलब ये नींआ भई अहें तुहांरे विश्वासा पर अपणा हक जताये, काँह्भई तुहें अपणे विश्वासा पर अटल ये, लेकिन अहें त तुहांरिया इ मौज्जा खातर तुहां सौगी काम्म कराँ ये।

2 कुरिन्थियों 13:11

हुण आखिर च मेरे साथी विश्वासियो, हऊँ तुहांते बिदा लेआं। अपणा व्यवहार ठीक रखा; तियां इ करदे रौआ तियां जे मैं करने जो गलाया; इक्को जेआ सोच्चा; शान्तिया ने रौआ; कने परमेशर सै जे शान्ति कने प्यार देआं तुहांजो सौगी रैहणा।

2 कुरिन्थियों 13:9

ताहली जे अहें कमजोर ये कने तुहें बलबन्त ये, तां अहें खुश ये, कने अहें इसरे खातर इ प्राथना कराँ ये, ताकि तुहांरा स्वाभाव बदलदा जाओ।

फिलिप्पियां 1:25

इस खातर भई मिन्जो इसरा भरोसा हाया भई मांह इत्थी जिऊंदा रैहणा कने तुहांजो मजबूतिया ने विश्वास करने च कने तुहांरे विश्वासा रिया वजह ने तुहांजो खुश हुणे च मदद करगा;

कुलुस्सियां 1:28

तिसरा प्रचार करीने अहें हर इक माहणुये जो मसीह जो ग्रहण करने रे बारे सावधान कराँ ये कने सारे ज्ञाना ते हरेक माहणुये जो सखां ये, भई अहें हरेक माहणुये जो मसीह च सिद्ध करीने परमेशरा रे सामणे हाजर करिये।

कुलुस्सियां 4:12

इपफ्रास रा बी तुहांजो नमस्कार हो, सै जे तुहांरे नगरा चते इक आ कने यीशु मसीह रा दास आ, कने सदा तुहांरे खातर लगना ने प्राथनां च कोशिश करदा रैयां, ताकि तुहें सिद्ध हुईने पूरे विश्वासा सौगी परमेशरा रिया इच्छा च टिक्कीरे रौओ।

1 थिस्सलुनीकियां 3:11

हुण परमेशर अहांरा पिता कने अहांरे प्रभु यीशु मसीह ने प्राथना कराँ ये भई सै तुहांले औणे जो अहांरे खातर रस्ता त्यार करो;

2 थिस्सलुनीकियां 1:11

इस खातर अहें सदा तुहां खातर प्राथना कराँ ये भई अहांरा परमेशरा तुहांजो अपणिया बुलाहटा रे लायक बणाई दो, कने सै तुहांरे भले काम्म करने री हरेक इच्छा कने तुहांरे विश्वासा रे जरिये कित्तिरे हरेक कम्मां जो अपणिया सामर्था सौगी पूरा करो,

2 तिमुथियुस 1:3

हऊँ तिस परमेशरा रा धन्यवाद कराँ, तिसरी सेवा जे हऊँ कराँ, तियां जे मेरे पूर्वजें शुद्ध अन्तरात्मा ने कित्तिरी। ताहली जे कदीं हऊँ प्राथना कराँ हऊँ हमेशा तिज्जो अपणियां प्राथनां च लगातार याद कराँ।

फिलेमोन 1:22

होर इक गल्ल येई: मेरे रैहणे खातर अपणे घरें जगह त्यार कर, काँह्भई मिन्जो आशा इ भई परमेशरा तुहांरियां प्राथनां रा जबाब देणा कने तुहांले फेरी भीं औणे खातर इजाज़त देंगा।

प्रकाशितवाक्य 4:8

इन्हां चऊँ जिऊंदा प्राणियां रे छे-छे फंग थे, कने चऊँ पासयां अन्दर बाहर आक्खीं इ आक्खीं थिआं। कने सै रात-दिन बिणा रुके ये बोलदे रैं, “पवित्र, पवित्र, पवित्र प्रभु परमेशर, सर्वशक्तिमान, सै जे था, सै जे हया कने सै जे औणे औल़ा।”

प्रकाशितवाक्य 7:15

इस वजह ते “ये परमेशरा रे संघासणा रे सामणे, कने तिसरे मन्दरा च दिन-रात तिसरी सेवा कराँ ये; कने सै जे संघासणा पर बैठिरा, तिस तिन्हां परा अपणे तम्बू ताणने।