1 थिस्सलुनीकियां 2:17 - बिलासपुरी नौआं नियम

¹⁷ हे भाईयो, तित्थी तक जे अहांरी गल्ल इ, अहें थोड़े बगता खातर तुहांते बिछड़ी गरे थे, विचाराँ ते नीं, सिर्फ शरीरा ते, इस खातर अहें तुहांजो मिलणे जो बड़े काहल़े हुईगरे अहांरी लालसा बधी गरी।

1 थिस्सलुनीकियां 2:17 ပူးပေါင်းရင်းမြစ်များ

लूका 12:58

ताहली जे तू अपणे दुशमणा ने सौगी हाकिमा ले जायादा ओ तां रस्ते ची तिसने समझौता करने रा जतन करी लै येढ़ा नीं ओ, भई सै तिज्जो जज्जा रे सामणे खिंजी ने लेई जाओ कने जज तिज्जो जेलरा रे हत्था च सौंपी दो। कने जेलर तिज्जो जेल्ला च बंद करी दो।

लूका 22:15

यीशुये तिन्हाने गलाया, “हऊँ बड़िया बेसवरिया ने इसा घड़िया रे इन्तजारा च था भई मेरा दुख भोगणे रा बगत औणे कने मरने ते पहले तुहांजो सौगी बैठीने फसह रा खाणा खाऊं।

प्रेरितां 17:10

विश्वासियें रातो-रात पौलुस कने सीलास जो थिस्सलोनिया नगरा ते बिरिया नगरा च भेजित्या; कने सै तित्थी पुज्जी ने यहूदियां रे यहूदी सभा घर च गये।

रोमियो 1:13

मेरे साथी विश्वासियो, हऊँ नीं चांहन्दा भई तुहें इसते अंजाण रौ भई मैं तुहांले बार-बार औणा चाहया ताकि हऊँ तुहांरी आत्मिक तरक्किया च मदद करी सक्कूँ, तियां जे अन्यजातियां रे लोकां रे बिच कित्तिरा, पर हुण तक किसी वजह ने रुकिरा रैया।

रोमियो 15:23

पर हुण इन्हां इलाकयां च कोई जगह नीं बचीरी, कने कईयां बरसां ते हऊँ तुहांजो मिलणे री इच्छा करदा रैया।

1 कुरिन्थियों 5:3

हलाँकि हऊँ तुहां सौगी नींआ, पर हऊँ अपणिया आत्मा च तुहां सौगी आ। कने हऊँ येढ़े काम्म करने औल़यां रे बारे च न्याय करी चुक्कीरा मन्नो भई हकीकत च हऊँ तित्थी मौजूद आ।

कुलुस्सियां 2:5

हलाँकि हऊँ तुहांते दूर आ, पर तियां जे भई हऊँ तुहांरे सौगी इ हया, काँह्भई हऊँ तुहांरे बारे च सोचदा रैयां, कने हऊँ खुश आ भई तुहांजो तियां जे जीणा चाहिन्दा था तुहें तियां इ जीया कराँ ये कने मसीह च तुहांरा विश्वास मजबूत आ।

1 थिस्सलुनीकियां 3:6

तिमुथियुस तुहां लते वापस आईने हुण इ अहांले पुज्जया कने तिने अहांजो तुहांरे विश्वास कने प्यारा री अच्छी खबर सुणाई। तिने अहांजो दस्या भई तुहांजो अहांरी बौहत याद औवांई, कने तुहें अहांने मिलणे जो बड़े बेचैन ये, तियां इ तियां जे अहें तुहांजो मिलणे जो।