1 थिस्सलुनीकियां 2:16 - बिलासपुरी नौआं नियम

¹⁶ कने सै अन्यजातियां जो खुशखबरिया रा उपदेश देणे च मुश्कल खढ़ी कराँ ये भई किति तिन्हां लोकां रा छुटकारा नीं हुईजो। इन्हां गल्लां ते सै हर वगत अपणे पापां रा घड़ा भरदे रैयें; पर हुण तिन्हां पर परमेशरा रा कोप पौणे औल़ा।

1 थिस्सलुनीकियां 2:16 ပူးပေါင်းရင်းမြစ်များ

मत्ती 12:45

फेरी बुरीआत्मा जाईने अप्पूँ ते होर सात्त बुरीआत्मां जो अप्पूँ सौगी ली औईं सै जे तिसाते बी बुरियां हुआं इयां, फेरी सै सब आईने तिस माहणुये च रैहणे लगां इयां, कने तिस माहणुये री हालत पैहले ते बी जादा खस्ती हुई जाईं। इस जुगा रे लोकां री हालत बी येढ़ि हूणी।”

मत्ती 23:32

तुहें बी अपणे पूर्वजां साई लोकां री हत्या करने खातर त्यार ये।

मत्ती 24:14

स्वर्गा रे राज्जा री ये खुशखबरी सारी जातियां रे लोकां जो प्रचार कित्ती जाणी ताकि सारे लोकां जो विश्वास करने रा मौका मिलो, फेरी तांई अन्त औणा।

मत्ती 24:6

तुहां नेड़े री लड़ाईयां री गल्लां या दूरा री अफवांह सुणनियां, पर देक्खा तुहें घबराई नीं जायों काँह्भई येढ़ा त हूणा इ हाया, पर हल्तियें अंत नीं आईरा।

मत्ती 3:12

यीशु तिस माहणुये साई आ तिसरे हत्था च जे छज आ, तिसने सै दाणयां जो भूआ ते लग करीने, अपणे ख्वाड़े ते साफ कित्तिरे सारे नाजा जो कट्ठा करीने पेड़ुये च भरी देआं, कने भूआ जो अग्गी च फुकी देआं, तियां इ परमेशरा धर्मी लोकां जो अधर्मियां ते लग करीने स्वर्गा जो लैई जाणा कने सै आग्ग जे कदीं नीं बुझदी अधर्मियां जो भूआ साई तिसा अग्गी च पाई देणा।”

मरकुस 16:16

सै जे विश्वास करो कने बपतिस्मा लओ तिसरा इ छुटकारा हूणा, पर सै जे विश्वास नीं करगा सै दोषी समझया जाणा;

प्रेरितां 13:45

पर यहूदी अगुवे भीड़ा जो देखीने डाह ने भरीगे, कने निंध्या करदे पौलुसा रियां गल्लां रे बरोधा च बोलणे लगे।

प्रेरितां 13:50

पर यहूदी अगुवेयां भगत कने कुलीन जनानां जो कने नगरा रे ताकतवर लोकां जो भड़काया, कने पौलुसा कने बरनबासा रे बरोधा च उपद्रव कराई ने तिन्हांजो अपणिया सीमा ते कड्डित्या।

प्रेरितां 14:19

पर किछ यहूदियें अन्ताकिया कने इकुनियुम नगरा ते आईने लोकां जो अप्पूँ खा करील्या, कने पौलुसा पर पत्थर मारे, कने तिस्सो मरीरा समझीने नगरा ते बाहर घसीटी ने लईगे।

प्रेरितां 14:2

पर विश्वास नीं करने औल़यां यहूदियें अन्यजातियां रे मन विश्वासी भाईयां रे बरोधा च भड़काये कने वरोध पैदा करित्या।

प्रेरितां 14:5

ताहली जे अन्यजाति कने यहूदी लोक तिन्हांरी बेज्जति कने तिन्हां पर पत्थर मारने खातर अपणे सरदाराँ समेत तिन्हांरे पिच्छे दौड़े,

प्रेरितां 17:13

पर तां जे थिस्सलुनीके नगरा रे यहूदी जाणीगे भई पौलुस बिरिया नगरा च बी परमेशरा रा वचन सुणाये राँ, तां तित्थी आईने बी लोकां जो भड़काणे कने हलचल मचाणे लगे।

प्रेरितां 19:9

पर ताहली जे किछ लोकें कठोर हुईने तिस पर विश्वास करने जो मना किया पर लोकां रे सामणे मसीह पर विश्वास करने औल़यां जो बुरा बोलणे लगे, तां तिने तिन्हांजो छड्डीत्या कने चेलयां जो लग करित्या, कने हर रोज तुरन्नुसा रिया पाठशाला च वाद-विवाद करदा रैया।

प्रेरितां 21:21

तिन्हांजो तेरे बारे च बोल्ली तरा भई तू अन्यजातियां च रैहणे औल़े यहूदियां जो मूसा री व्यवस्था छडणे जो सखां ये, कने बोलां ये भई नां अपणे बच्चयां रा खतना करावा कने नां यहूदी रीति-रिवाजां परा चला।

प्रेरितां 23:12

ताहली जे दिन हुआ तां यहूदियां रे किछ लोकें चाल खेल्ही कने कसम खाद्दि भई तदुआं तका जे पौलुसा जो मारी नीं देंगे, जे अहें खांगे या पींगे तां अहां पर लाणत इ।

प्रेरितां 24:9

यहूदियें बी तिसरा साथ देईने बोल्या, “ये गल्लां इस इ तरिके रियां हईयां।

प्रेरितां 25:2

तां मुखियायाजकें कने यहूदी अगुवेयां, तिसरे सामणे पौलुसा पर इल्जाम लगाये भई तैं जो किछ कित्या सै गल़त आ;

प्रेरितां 25:7

ताहली जे सै आया, तां सै जे यहूदी अगुवे यरूशलेम ते आईरे थे, तिन्हें तिसरे चऊँ पासयां खड़ीने तिस पर गम्भीर इल्जाम लगाये, तिन्हांरा जे सै सबूत नीं देई सकदे थे।

प्रेरितां 4:12

कने किसी दुज्जे ते छुटकारा निआं; काँह्भई सारे संसारा च यीशुये ते इलावा होर कोई दुज्जा नौं नीं दित्तिरा, भई तिसते जे अहांजो छुटकारा मिली सक्को।”

प्रेरितां 9:23

ताहली जे शाऊला जो दमिश्क नगरा च रैहन्दे हुये बौहत दिन बितिगे, तां यहूदियें मिलीने तिस्सो मारने री शाजिश रची।

1 कुरिन्थियों 10:33

तियां जे हऊँ बी सब्बीं गल्लां च सब्बीं जो खुश रखां, कने अपणा नीं पर बौहतां रे फायदे खातर कोशिश कराँ ताकि सै छुटकारा पाई सक्को।

गलातियां 5:11

पर मेरे साथी विश्वासियो, जे हऊँ हुण तक खतने रा प्रचार करदा, तां मिन्जो हुण तक सताया नीं जान्दा, जे हुण तक हऊँ मसीह रे क्रूसा ते इलावा खतने रिया जरूरता रा प्रचार करदा हुन्दा, तां हऊँ यहूदियां जो नराज नीं करदा।

इफिसियां 3:13

इस खातर हऊँ तुहांजो विनती कराँ भई तुहांरे खातर हऊँ सै जे दुख सही राँ तिसरिया वजह ने तुहें निराश नीं हुईजो, काँह्भई इसी दुखा च तुहांरी महिमा इ।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

1 थिस्सलुनीकियां 1:10

कने स्वर्गा ते तिसरे पुत्रा रे औणे रा इन्तजार करने रे खातर तिसजो जे परमेशरे मूईरयां चते जिऊंदा कित्या था, यनि यीशु सै जे अहांजो औणे औल़े कोपा ते बचां।

2 थिस्सलुनीकियां 2:10

कने तिस सब तरिके रा बुरा काम्म करना कने तिन्हांजो धोखा देणा सै जे परमेशरा रे जरिये नाश हुणे; तिन्हां नाश हूणा काँह्भई तिन्हें सच्चाईया जो ग्रहण कने प्यार नीं कित्या तिसते जे तिन्हारा छुटकारा हुआं।

1 तिमुथियुस 2:4

सै जे ये चांह भई सब्बीं माहणुआं रा छुटकारा हो, कने सै सच्चाईया जो ठीक-ढंगा ने पछयाणी लो।

इब्रानियों 6:8

पर लोक सै जे अपणे विश्वासा जो छडी दें सै तिसा धरतिया साई ये जिस पर झाड़ियां कने कण्डे उगां ये कने सै जे निकम्मी जमीन इ। परमेशर तिसा धरतिया जो शरापित करने औल़ा कने अन्त बिच अग्गी तिसारा नाश करना।

प्रकाशितवाक्य 22:11

सै जे अन्याय कराँ, सै अन्याय इ करदा रौ; कने सै जे गन्दा, सै गन्दा इ बणीरा रौ; सै जे धर्मी आ, सै धर्मी बणीरा रौ; कने सै जे पवित्र आ, सै पवित्र बणीरा रौ।”