1 थिस्सलुनीकियां 2:14 - बिलासपुरी नौआं नियम

¹⁴ इस खातर तुहें, हे भाईयो, परमेशरा रे तिन्हां विश्वासियां री चाल चलने लगे सै जे यहूदिया प्रदेशा च मसीह यीशुये चे, काँह्भई तुहें बी अपणे लोकां ते तेढ़ा इ दुख पाया तेढ़ा जे तिन्हें यहूदियां ते पाया था,

1 थिस्सलुनीकियां 2:14 ပူးပေါင်းရင်းမြစ်များ

प्रेरितां 11:19

स्तिफनुस रे मारे जाणे ते बाद बौहत सारे विश्वासी लोक यरूशलेम छड्डिने बिखरी गरे थे कने फिरदे-फिरदे फीनीके प्रदेश कने साइप्रस टापुये कने अन्ताकिया नगरा च पुज्जे; पर यहूदियां जो छड्डिने किसी होरी जो परमेशरा रा वचन नीं सुणांदे थे।

प्रेरितां 13:50

पर यहूदी अगुवेयां भगत कने कुलीन जनानां जो कने नगरा रे ताकतवर लोकां जो भड़काया, कने पौलुसा कने बरनबासा रे बरोधा च उपद्रव कराई ने तिन्हांजो अपणिया सीमा ते कड्डित्या।

प्रेरितां 14:19

पर किछ यहूदियें अन्ताकिया कने इकुनियुम नगरा ते आईने लोकां जो अप्पूँ खा करील्या, कने पौलुसा पर पत्थर मारे, कने तिस्सो मरीरा समझीने नगरा ते बाहर घसीटी ने लईगे।

प्रेरितां 14:2

पर विश्वास नीं करने औल़यां यहूदियें अन्यजातियां रे मन विश्वासी भाईयां रे बरोधा च भड़काये कने वरोध पैदा करित्या।

प्रेरितां 14:4

पर नगरा रे लोकां च फूट पईगी, तिसते कितणे त यहूदियां खौ कने कितणे इ प्रेरितां खौ हुईगे।

प्रेरितां 14:5

ताहली जे अन्यजाति कने यहूदी लोक तिन्हांरी बेज्जति कने तिन्हां पर पत्थर मारने खातर अपणे सरदाराँ समेत तिन्हांरे पिच्छे दौड़े,

प्रेरितां 17:13

पर तां जे थिस्सलुनीके नगरा रे यहूदी जाणीगे भई पौलुस बिरिया नगरा च बी परमेशरा रा वचन सुणाये राँ, तां तित्थी आईने बी लोकां जो भड़काणे कने हलचल मचाणे लगे।

प्रेरितां 18:12

तां जे गल्लियो अखाया प्रदेशा रा राजपाल था, तां यहूदी लोक येक्का करीने पौलुसा परा लड़ने आईगे। कने तिस्सो न्याय आसणा रे सामणे ल्याईने बोलणे लगे;

प्रेरितां 8:1

शाऊल स्तिफनुस रिया हत्या च सहमत था। तिस दिन यरूशलेम नगरा री कलीसिया पर बड़ा सताव शुरु हुआ कने प्रेरितां जो छड्डिने बौहत सारे लोक यहूदिया कने सामरिया प्रदेशां च नट्ठीने बिखरी गे।

प्रेरितां 8:3

शाऊल कलीसिया जो सताया राँ था; कने घरें-घरें बड़ीने विश्वासी जनाना कने मर्दां जो घसीटी-घसीटी ने जेलखान्ने च पां था।

प्रेरितां 9:1

शाऊल सै जे हुण तक प्रभु यीशुये रे चेलयां जो धमकाणे कने मारने रे जोशा च था, सै महायाजका ले गया

प्रेरितां 9:13

हनन्याह ये जवाब दित्या, “हे प्रभु, मैं इस माहणुये रे बारे च बौहतीं ते सुणीरा भई इने यरूशलेम च तेरे पवित्र लोकां ने सौगी बौहत-बौहत बुराईयां किति रियां;

प्रेरितां 9:31

इयां सारे यहूदिया, गलील, कने सामरिया प्रदेशा री कलीसिया जो चैन मिलीग्या कने तिन्हांरी तरक्की हुईगी; कने सै प्रभु यीशुये रे डरा कने पवित्र आत्मा रे शान्तिया च चलदी कने बधदी गई।

1 कुरिन्थियों 10:32

तुहें नां तां यहूदियां, नां यूनानियां, नां परमेशरा री कलीसिया रे खातर परेशानिया री वजह बणो।

1 कुरिन्थियों 7:17

फेरी बी हर इक माहणु तिसा दशा च जे सद्दया गईरा तिसच बणीरा रौ कने तिस्सो प्रभुये ते जो बरदान मिलीरा तिसरे मुतावक जीवन जीओ। हऊँ सारी कलीसियां रे खातर ये नियम तैह कराँ।

गलातियां 1:22

पर यहूदा प्रदेशा रियां कलीसियां रे विश्वासी मेरने कदीं नीं मिले थे।

1 थिस्सलुनीकियां 1:1

पौलुस, सिलवानुस कने तिमुथियुस रिया तरफा ते थिस्सलुनीकियां रे विश्वासियां जो ये चिट्ठी; सै जे पिता परमेशर कने प्रभु यीशु मसीह चे, अनुग्रह कने शान्ति तुहांजो मिलदी रौ।

1 थिस्सलुनीकियां 1:6

तुहें बड़यां दुखां च पवित्र आत्मा ते मिलणे औल़ियां खुशिया ने खुशखबरिया जो ग्रहण कित्या कने अहांरी कने प्रभुरी चाल चलने लगे।

1 थिस्सलुनीकियां 3:4

काँह्भई शुरु च, ताहली जे अहें तुहांले थे, तुहांजो बोलां थे भई अहां पर कल़ेश औणे औल़े, कने ये ठीक तियां इ हुया बी आ, तुहें त ये जाणदे इ हाये।

2 थिस्सलुनीकियां 1:1

हऊँ पौलुस, ये चिट्ठी सिलवानुस कने तिमुथियुस रिया मददा ने थिस्सलुनीकी नगरा रे विश्वासियां जो लिखिराँ, सै जे अहांरे पिता परमेशर कने प्रभु यीशु मसीह रे।

2 थिस्सलुनीकियां 1:4

इस खातर अहें खुद परमेशरा रिया कलीसियां रे विश्वासियां रे बिच तुहांरे बारे च घमण्ड कराँ ये, हलाँकि तुहें सताव कने दुखां रा अनुभव कराँ ये, फेरी बी तुहें लगातार धीरजा ने सैंये कने हुण तुहें यीशु मसीह पर बी विश्वास कराँ ये।