1 थिस्सलुनीकियां 2:10 - बिलासपुरी नौआं नियम

¹⁰ तुहें खुद इ गवाह ये, कने परमेशर बी गवाह भई तुहां सारयां विश्वासियां ने अहांरा स्वाभाव कितना सच्चा, धर्मी कने निर्दोष था।

1 थिस्सलुनीकियां 2:10 ပူးပေါင်းရင်းမြစ်များ

लूका 23:41

मिन्जो कने तिज्जो त अहांरे कित्तिरे जुरमां री सजा मिली राईं, पर इने माहणुये त कोई बी जुरम नीं कित्तिरा।”

प्रेरितां 20:18

ताहली जे सै तिसला आये, तां तिन्हांने गलाया, “तुहें जाणाँ ये भई पैहले इ दिना ते तां जे हऊँ आसिया प्रदेशा च पुज्जया, हऊँ हर बगत तुहां सौगी कियां-कियां रैया,

प्रेरितां 20:26

इस खातर हऊँ अजके दिन तुहांजो बोलां, भई जे तुहां चते कोई यीशुये पर बिणा विश्वास करीने मराँ ये, तां ये मेरा दोष नींआ।

प्रेरितां 24:16

इसते हऊँ अप्पूँ बी कोशिश कराँ भई परमेशरा खौ, कने माहणुआं खौ हऊँ सदा निर्दोष रौ।

2 कुरिन्थियों 1:12

अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।

2 कुरिन्थियों 11:11

काँह, मैं तुहांते पैसा नीं लैया? क्या इस खातर भई हऊँ तुहांजो प्यार नीं करदा? परमेशर जाणाँ, भई हऊँ तुहांजो प्यार कराँ।

2 कुरिन्थियों 11:31

अहें सदा परमेशर कने अहांरे प्रभु यीशुये रे पिता री प्रशंसा कराँ ये! काँह्भई परमेशर जाणाँ भई हऊँ सच्च बोलीराँ।

2 कुरिन्थियों 4:2

पर अहें त शर्मनाक काम्म करने छड्डी तरे, अहें छल-कपट नीं करदे कने नांई परमेशरा रे बचनां च मिलावट कराँ ये। परमेशर अहांरा गवाह भई अहें सच्चाई बोलां ये, कने सै जे कोई ईमानदार आ तिन्हांजो ये पता।

2 कुरिन्थियों 5:11

इस खातर प्रभु ते डरदे हुये अहें सच्चाईया पर विश्वास करने रे खातर लोकां ने विनती करदे रै; परमेशर खुद अहौं पूरे तरिके ने जाणा भई अहें केढ़े; कने मेरी आशा येई भई तुहें बी अहांजो ठीक ढंगा ने जाणाँ ये।

2 कुरिन्थियों 7:2

अहांजो अपणे दिला ने प्यार करा, अहें किसी रा किछ बी नीं बगाड़ीरा; अहें किसी ने बी कोई अन्याय नीं कित्या, कने नांई अहें किसी ने कोई छल-कपट कित्या।

1 थिस्सलुनीकियां 1:5

काँह्भई ताहली जे अहें यीशु मसीह री खुशखबरी तुहांजो दस्सी तां तुहांले सिर्फ शब्दां ची नीं पुज्जी, बल्कि पवित्र आत्मे बी सामर्था ने काम्म कित्या; कने तुहें बौहत गैहराईया ने विश्वास कित्या। ये तुहें जाणाँ ये भई ताहली जे अहें तुहां सौगी थे, तां तुहांरी मदद करने खातर अहें किस तरिके रा व्यवहार कित्या।

1 थिस्सलुनीकियां 2:5

तुहें जाणाँ ये भई अहें नांत कदीं चापलुसिया री गल्लां करदे थे, कने नांई लालचा रे खातर कोई बहान्ना बणां थे, इसरा परमेशर गवाह।

2 थिस्सलुनीकियां 3:7

तुहें खुद इ बौहत अच्छे तरीके ने जाणाँ यें भई तुहांजो तियां इ जीणा चाहिन्दा तियां जे अहें जीआं थे, काँह्भई ताहली जे अहें तुहांरे बिच थे तां अहें आलसी नीं थे पर काम्म करां थे,

1 तिमुथियुस 4:12

कोई तेरिया ज्वानिया जो बेकार नीं समझणे पाओ; पर वचन, कने चाल-चल़ण कने प्यार कने विश्वास, कने पवित्रता च विश्वासियां खातर आदर्श बणी जा।

2 तिमुथियुस 3:10

किछ बी हो, तू मेरिया शिक्षा जो जाणाँ, मेरा जीणे रा ढंग, जीणे रा मकसद, मेरा विश्वास, मेरी सैहणे री ताकत, मेरा प्यार, मेरा धीरज

1 पतरस 5:3

देख-रेख करने रे खातर सै लोक जे तुहांजो सौंपे गईरे, तिन्हां पर अधिकार नीं जतावा, बल्कि समूहा रे खातर इक आदर्श बणा।