1 पतरस 4:9 - बिलासपुरी नौआं नियम

⁹ बिणा शिकायत कित्ते इक्की दूये रा आदर-सत्कार करा।

1 पतरस 4:9 ပူးပေါင်းရင်းမြစ်များ

रोमियो 12:13

परमेशरा रे लोकां री जरूरतां च मदद करा; मैहमान्नां रे आदर सत्कारा खातर हर वगत त्यार रौआ।

रोमियो 16:23

मेरा कने सारी कलीसियां रा आदर सत्कार करने औल़े गयुस रा तुहांजो नमस्कार। इरास्तुस सै जे नगरा रा खजान्ची आ कने अहांरे साथी विश्वासी क्वारतुस रा बी तुहांजो नमस्कार।

2 कुरिन्थियों 9:7

हर कोई बिणा किसी दुखा ते, या बिणा किसी जबरदस्तिया ते, उतणा इ देओ जितना तिसरे मने सोचया; काँह्भई परमेशर खुशिया ने देणे औल़यां ने जादा प्यार रखां।

फिलिप्पियां 2:14

सारे काम्म बिणा कोई शकैत या लड़ाई झगड़ा कित्ते बगैर करदे रौआ,

1 तिमुथियुस 3:2

इस खातर ये जरूरी आ भई अगुवा निर्दोष कने इक्की पत्निया रा पति, हरेक हालता च अपणे बर्ताव कने भावनां जो काबू करने औल़ा, ईज्जतदार, आदर-खातर करने औल़ा, कने परमेशरा रे वचना जो ठीक ढंगा ने सखाणे रे काविल हो।

तीतुस 1:8

पर तिस्सो मेहमान्नां रा आदर खातर करने औल़ा, भले काम्म करने औल़ा, अपणियां भावनां पर काबू रखणे औल़ा, न्यायी, पवित्र कने अनुशासित हूणा चाहिन्दा।

फिलेमोन 1:14

पर हऊँ बगैर तेरी सैहमतिया ते किछ बी करना नीं चाहन्दा, ताकि तेरी ये मदद मजबूरिया ने नीं पर खुशिया ते हो।

इब्रानियों 13:16

भलाई करना कने इक्की दूये री मदद करना नीं भूल्लो, काँह्भई परमेशर येढ़े बलिदान्नां ते खुश हुआं।

इब्रानियों 13:2

अंजाण लोकां रा आदर करना नीं भूल्ला, काँह्भई येढ़ा करने रे जरिये किछ लोकें अनजाणे च स्वर्गदूतां रा आदर कित्तिरा।

याकूब 5:9

साथी विश्वासियो, अप्पूँ चियें इक्की दूये री शकैतां मता करदे, नैत परमेशरा बी तुहांजो सजा देणी; देक्खा, न्याय करने औल़ा त अन्दर औणे रे खातर दरवाजे पर खढ़िरा।