1 पतरस 4:14 - बिलासपुरी नौआं नियम

¹⁴ जे मसीह रे विश्वासी हुणे रिया वजह ने तुहांरा अपमान कित्या जाओ, तां तुहें आशीषित ये, काँह्भई महिमा रा आत्मा यनि परमेशरा रा आत्मा, तुहां च बास कराँ।

1 पतरस 4:14 ပူးပေါင်းရင်းမြစ်များ

मत्ती 5:11

“परमेशर तुहांजो आशीष देआं, काँह्भई ताहली जे माहणु तुहांजो मेरा चेला हुणे रिया वजह ने तुहांरी निंध्या करो, कने सताओ, कने झूट्ठ बोल्ली-बोल्लीने तुहांरे बरोधा च हरेक किस्मा री बुरी गल्ल बोल्ले।

मत्ती 5:16

तियां इ तुहांरी जिन्दगी उजाले साई माहणुआं रे सामणे चमको भई सै तुहांरे खरयां कम्मां जो देखीने तुहांरे पिता री बडयाई करो, सै जे स्वर्गा चा।”

लूका 6:22

परमेशरा तुहांजो आशीष देणी, ताहली जे माहणुये रे पुत्रा रिया वजह ने लोकां तुहांजो बैर करना, कने तिस पर विश्वास करने औल़यां जो बुरा समझीने नकाल़ी देणा, कने तुहांरी निंध्या करनी, कने तुहांरा नौं बुरा जाणीने कटी देणा।”

यूहन्ना 15:21

मेरा चेला हुणे रिया वजह ते लोकां तुहांजो ये सब किछ करना, काँह्भई सै नीं जाणदे भई मिन्जो किने भेज्जिरा।

यूहन्ना 8:48

ये सुणीने यहूदियें तिसने गलाया, “क्या अहांरा ये बोलणा ठीक नीं था भई तू सामरी आ, कने तूह च इक बुरीआत्मा इ?”

यूहन्ना 9:28

फेरी तिन्हे तिसरा अपमान कित्या कने गलाया, “तू तिसरा चेला हूणा, अहें त मूसा रे चेले।

यूहन्ना 9:34

तिन्हें तिसजो जबाब दित्या, “तू त तदका जे जम्मीरा तदका इ पापी आ, कने हुण तू अहांजो क्या सखाणे लगीरा?” कने तिन्हे तिसजो धक्के देईने यहूदी सभा घरा ते बाहर कड्डित्या।

प्रेरितां 13:45

पर यहूदी अगुवे भीड़ा जो देखीने डाह ने भरीगे, कने निंध्या करदे पौलुसा रियां गल्लां रे बरोधा च बोलणे लगे।

प्रेरितां 18:6

पर ताहली जे यहूदी पौलुस रे बरोधा च निंध्या करने लगे, तां तिने अपणे कपड़े झाड़ी ने तिन्हांने गलाया, “जे परमेशर तुहांजो सजा देंगा, तां ये तुहांरी अपणी गल़ती हूणी! हऊँ निर्दोष आ। हूणा ते मांह परमेशरा रा वचन सुनाणे जो अन्यजातियां ले जाणा।”

प्रेरितां 28:22

पर तेरा विचार क्या? तिस्सो इ अहें तेरते सुणना चांये, काँह्भई अहें जाणाँ यें भई हर जगह इस मता रे बरोधा च लोक गल्लां कराँ ये।”

प्रेरितां 5:41

सै इस गल्ला ते खुश हुईने महासभा रे सामणे ते चलीगे, भई अहें यीशुये रे खातर बदनाम हुणे लायक त बणे।

2 कुरिन्थियों 12:10

इसा वजह ने हऊँ मसीह रे खातर कमजोरियां, बेज्जतियां, गरीबिया, सताव कने कष्टां च खुश रैयां। काँह्भई ताहली जे हऊँ कमजोर हुआं तांई मसीह रिया सामर्था च मजबूत हुआं।

2 कुरिन्थियों 4:10

अहें हमेशा यीशुये साई मौती रे डरा ने जीआं ये ताकि लोक यीशुये रे जीवना जो अहांरे कम्मां ते देखी सक्को।

2 कुरिन्थियों 4:16

इस खातर अहें निराश नीं हुन्दे: अहांरे बाहरी शरीर कमजोर हुन्दे जाई कराँ ये, तां बी अहांरी अंतरात्मा हर रोज नौंईं त नौंईं हुन्दी जाई कराँ इ।

गलातियां 1:24

कने सै मेरे बारे च परमेशरा री महिमा कराँ थे।

इब्रानियों 11:26

मूसे सोच्चया भई मिस्र रे भण्डारा ते बड्डा धन पाणे ते मसीह रे खातर दुख सैहणा जादा कीमती आ, काँह्भई सै भविष्या च ईनाम पाणे री उम्मीद करी रां था।

याकूब 1:12

परमेशर तिसजो आशीष देआं सै जे मुशिबतां च अटल रैयां काँह्भई परीक्षां च खरा उतरने ते बाद तिस अनन्त जीवना रा मुकट पैहनणा, तिस्सो जे परमेशरे अपणे प्यार करने औल़यां जो देणे रा वायदा कित्तिरा।

याकूब 5:11

तिन्हां लोकां जो अहें काफी आदर दें, सै जे धीरजा ने दुख सैहन्दे रैं। तसल्लिया ने सैहणे औल़यां च अय्यूब इक आदर्श आ; तिसरे अनुभवा ने अहें सिक्खां ये भई परमेशरा रिया योजना रा अन्त कियां भलाईया च हुआं, इस खातर भई प्रभु कितना दयालु कने करुणा ने भरीरा।

1 पतरस 2:12

अविश्वासी लोकां रे बिच तुहांरा चाल-चल़ण ठीक हो, इस खातर भई तिन्हां गल्लां च जे सै तुहांजो बुरा समझीने बदनाम कराँ ये, सै तुहांरे भले कम्मां जो देखीने परमेशरा रे औणे रे दिन परमेशरा री महिमा करो।

1 पतरस 3:14

पर जे तुहें सही काम्म करने पर दुख सैयां ये, तां तुहांजो परमेशरा आशीष देणी, तियां जे यशायाह भविष्यवक्ते लिखिरा तियां करा, “तिन्हांरे डराणे ते मत डरा कने नां घबरावा।”

1 पतरस 3:16

कने अपणी अन्तरात्मा साफ रखा, ताकि यीशु मसीह च तुहांरे खरे चाल-चलना री निंध्या करने औल़े लोक तुहांरी बेज्जति करदे हुये शर्म महसूस करो।

1 पतरस 4:16

पर जे कोई मसीह रा विश्वासी हुणे रे रिया वजह ने दुख सैयां, तां शर्मिन्दा नीं ओ, बल्कि इसा गल्ला रे खातर परमेशरा री स्तुति करो।

2 पतरस 2:2

बौहत सारे परमेशरा रे लोकां तिन्हां झुट्ठयां शिक्षकां रे बुरे कम्मां री नकल करनी, कने तिन्हांरे कम्मां रिया वजह ने दुज्यां लोकां सच्चाईया रे रस्ते रे बारे च निंध्या करनी।