1 पतरस 4:12 - बिलासपुरी नौआं नियम

¹² मेरे प्यारे मित्रो, सै जे दुख रुपी आग्ग तुहांजो परखणे खातर तुहां च भड़कीरी, इसते ये समझीने चम्भा नीं करयों भई कोई अजीब गल्ल तुहांजो घटी राईं।

1 पतरस 4:12 ပူးပေါင်းရင်းမြစ်များ

1 कुरिन्थियों 10:13

तुहें अज्जा तक किसी येढ़िया परीक्षा च नीं पै, तिसा परीक्षा जो जे लोकें अनुभव नीं कित्या; कने परमेशर बफादार आ। तिस तुहांजो किसी येढ़िया परीक्षा च पौणे देणा सै जे तुहांरे सैहणे ते परे इ, पर परीक्षा ते बाहर निकल़णे खातर तिस तुहांजो ठीक रस्ता दसणा ताकि तिस्सो तुहें सही सक्को।

1 कुरिन्थियों 3:13

तां परमेशरा रे न्याय रे दिन अग्गी हर किसी रे कम्मा रा गुण परगट करना, जे माहणुये रे कम्मा रा कोई गुण आ तां आग्ग तिसजो दिखांगी।

2 तिमुथियुस 3:12

असल च, जो बी मसीह यीशुये च भगतिया रा जीवन जीणा चांये सै सारे सताये जाणे।

1 पतरस 2:11

मेरे प्यारे मित्रो, हऊँ तुहांजो विनती कराँ भई तुहें अप्पूँजो परदेशी कने मुसाफर समझीने तिन्हां शरीरा री बुरियां इच्छां ते दूर रौआ सै जे हमेशा तुहांरिया आत्मा रे बरोधा च लड़ाई कराँ इयां।

1 पतरस 4:4

इस खातर तुहांरे मित्राँ जो इन्हां सारियां गल्लां च हैरानी हुआं इ ताहली जे तुहें येढ़यां बुरयां कम्मां च तिन्हांरा साथ नीं देन्दे, इस खातर हुण सै तुहांरी निन्दा कराँ ये।

1 पतरस 5:9

अपणे विश्वासा पर मजबूत रैईने तिसरा मुकाबला करा कने ये जाणी लो भई तुहांरे साथी विश्वासी सै जे इस संसारा चे, इस इ तरिके री पीड़ा सैई रायें।