1 पतरस 4:10 - बिलासपुरी नौआं नियम

¹⁰ जिस किसी जो परमेशरा रिया तरफा ते जो बी बरदान मिलीरा, तिस्सो तिस बरदान्ना रा इस्तेमाल दुज्यां री सेवा रे खातर करना चाहिन्दा। तिस्सो अपणे बरदान्ना जो परमेशरा रे अच्छे सेवका साई ठीक ढंगा ने इस्तेमाल करना चाहिन्दा।

1 पतरस 4:10 ပူးပေါင်းရင်းမြစ်များ

मत्ती 20:28

तियां जे भई माहणुये रा पुत्र, यनि हऊँ इस खातर नीं आया भई अपणी सेवा करवाऊँ, पर हऊँ इस खातर आया भई अप्पूँ सेवा करूँ कने बौहत सारे लोकां जो पापां ते छुड़ाणे खातर अपणा प्राण देऊँ।”

मत्ती 24:14

स्वर्गा रे राज्जा री ये खुशखबरी सारी जातियां रे लोकां जो प्रचार कित्ती जाणी ताकि सारे लोकां जो विश्वास करने रा मौका मिलो, फेरी तांई अन्त औणा।

मत्ती 24:21

तिन्हें दिनें येढ़ि बिपत्ति औणी, तऊँआं ते जे परमेशरे ये संसार रचया तेढ़ी आज्ज तक कदीं नीं आई कने न कदीं औणी।

मत्ती 24:45

“फेरी सोच्चा सै भरोसे रे लायक सेबक कुण आ तिस्सो जे स्वामिये अपणे घरा रे नोकराँ-चाकराँ रे ऊपर सरदार बणाया भई सही बगता पर तिन्हांजो रोटी देयो?

मत्ती 25:17

इयां इ तिस्सो जे दो थैलियां मिली थी, तिने बी तिस पैसे ने दो होर कमाई लियां।

मत्ती 25:44

“फेरी तिन्हां जबाब देणा, प्रभु, अहें तुहांजो भुक्खा या प्यासा या अंजाण या बिणा कपड़यां ते या बमार या बन्दी कदीं देख्या कने तेरा ध्यान नीं रखया।

मरकुस 10:45

काँह्भई माहणुये रा पुत्र यनि हऊँ इस खातर नीं आया भई तिसरी सेवा कित्ती जाओ, पर इस खातर आया, भई अप्पूँ सेवा करो, कने बौहत सारे लोकां जो पापां ते छुड़ाणे खातर अपणा प्राण देओ।”

लूका 12:42

प्रभुये गलाया; “सै विश्वास लायक कने समझदार भण्डारी कुण हूणा, तिसरा मालक जे तिस्सो नोकराँ-चाकराँ पर मुखिया बणाईने घरा री रखवाल़ी करने कने ठीक बगता पर तिन्हांजो रोटी देणे री जिम्मेवारी सम्भाल़े।

लूका 19:13

कने ऊत्थी जाणे ते पैहले, तिने अपणे दस सेबकां जो अप्पूँ ले सद्दीने गलाया, ताहलुआं तक जे हऊँ तुहांजो सौगी निआं, तदुआं तक तिने सेवकां जो लेण-देण करने खातर दस सोने रे सिक्के दित्ते सै जे तिन्न साल्ला री मजदूरिया रे बराबर थे।

लूका 8:3

योअन्ना राजा हेरोदेस रे भण्डारीये खुज़ा री जनाना थी कने सुसन्ना कने होर बौहत जनानां बी इन्हां सौगी थिआं। ये सब जनानां अपणी कमाईया रे पैसयां ने यीशु कने तिसरे चेलयां री सेवा कराँ थिआं।

रोमियो 15:25

पर हुण त हऊँ परमेशरा रे पवित्र लोकां री सेवा करने खातर यरूशलेम जाई कराँ।

रोमियो 15:27

हाँ, तिन्हें ये खुशिया ने कित्या, कने सै यरूशलेम च रैहणे औल़यां रे कर्जदार ये। काँह्भई जे अन्यजातियां रे लोक यहूदियां री आत्मिक आशीषां च हिस्सेदार हुये, तां तिन्हाजो बी जरूरी आ भई तिन्हारे खातर बी संसारिक सुख जुटाणे चाहिन्दे।

1 कुरिन्थियों 15:10

पर हऊँ जो किछ बी आ, परमेशरा रे अनुग्रह तेआ। कने तिसरा अनुग्रह सै जे माह पर हुआ, सै बेकार नीं हुया पर मैं तिन्हां सब्बीं प्रेरितां ते बधीने मेहणत बी कित्तिरी; तां बी ये मेरिया तरफा ते नीं हुआ; पर परमेशरा रे अनुग्रह ते सै जे मांह पर था।

1 कुरिन्थियों 3:10

तिसा योग्यता रे मुतावक सै जे परमेशरे मिन्जो अनुग्रह ने दित्ति, तिसरा इस्तेमाल करदे हुये मैं इक कुशल करीगरा साई निऊँ बणाई, कने दुज्जा कोई तिसा निऊँआ पर मकान बणाईराँ। पर हरेक माहणुये जो इसा गल्ला रा ध्यान रखणा चाहिन्दा भई सै तिस्सो कियां बणाईराँ।

1 कुरिन्थियों 4:7

काँह्भई किसी माहणुये तुहौं दुज्यां ते जादा खास नीं बणाया कने सै किछ जे तेरले आ सै तिज्जो परमेशरे दित्तिरा। कने तंजे तिज्जो मिलीरा, तां अपणे बारे च घमण्ड करना तेरे खातर ठीक नींआ।

2 कुरिन्थियों 6:1

परमेशरा सौगी काम्म करने रे नाते अहें तुहां लोकां ने बिनती कराँ ये भई परमेशरा रा सै अनुग्रह जे तुहांजो मिलीरा, तिस्सो बेकार नीं जाणे देआ।

2 कुरिन्थियों 9:1

हुण यरूशलेम च विश्वासियां जो मदद करने री सेवा रे बारे च मिन्जो तुहांजो लिखणे री जरूत नीं।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

इफिसियां 4:11

तिने खुद इ किसी जो प्रेरित हुणे रा बरदान दित्या, तां किसी जो भविष्यवक्ता हुणे रा, किसी जो खुशखबरिया रे प्रचारक हुणे रा, किसी जो परमेशरा रे लोकां री हिफाज़त करने कने सखाणे रा।

2 तिमुथियुस 1:18

प्रभु न्याय रे दिन तिस पर अपणी दया करो, तू ठीक-ढंगा ने जाणाँ भई तिने इफिसुस नगरा च मेरी लग-लग तरिके ने सेवा कित्तिरी।

तीतुस 1:7

काँह्भई कलीसिया रे अगुवे जो परमेशरा रा भण्डारी हुणे रिया वजह ते निर्दोष हूणा चहिन्दा; नां हठी, नां गुस्सेबाज नां पियक्कड़, नां मारपीट करने औल़ा, नां नीच कमाईया रा लालची हो,

इब्रानियों 6:10

काँह्भई परमेशर अन्याई निआं भई तुहांरे काम्म, कने तिस प्यारा जो भुल्ली जाओ, सै जे तुहें तिसरे लोकां री मदद करने रे जरिये तिसरे खातर दस्या। कने परमेशर याद करगा भई तुहें हुण बी लोकां री मदद करया राँये।

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

1 पतरस 5:12

मैं तुहांजो ये छोट्टी जेई चिट्ठी सिलवानुस रिया मददा ने लिखिरा, तिस्सो जे हऊँ बफादार विश्वासी समझां। हऊँ तुहांजो हौंसला देणा चांह कने विश्वास दिलां भई परमेशरा रा सच्चा अनुग्रह येई हाया। इस अनुग्रह च बणीरे रौआ।