1 पतरस 3:9 - बिलासपुरी नौआं नियम

⁹ बुराईया रे बदले बुराई कने बेईज्जतिया रे बदले बेईज्जति मत करा बल्कि तुहौं आशीष देणी चाहिन्दी; काँह्भई आशीष देणे खातर तुहें परमेशरा रे जरिये चुणे गईरे, ताकि तुहें परमेशरा ते आशीष पाओ।

1 पतरस 3:9 ပူးပေါင်းရင်းမြစ်များ

मत्ती 19:29

कने तिन्हे जे मेरे खातर अपणा घर-बार, या भाईयां, या बैहणां, या माता-पिता, या बच्चे, या खेतां जो छड्डीतरा, तिसजो सौ गुणा मिलणा, कने परमेशरा तिसजो अनन्त जीवना रा बारस बनाणा।

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

मत्ती 5:39

पर हऊँ तुहांजो बोलां भई किसी बुरे माहणुये रे कम्मां रा बदला देखां लेन्दा; पर जे कोई तेरिया सज्जिया खाखा पर चपैड़ मारीने तेरी बेज्जति करो, तां तिस खौ दुज्जी खाख बी फेरी दे।

मत्ती 5:44

पर हऊँ तुहांजो ये बोलां, भई अपणे दुश्मणां ने प्यार रखा कने अपणे सताणे औल़यां रे खातर प्राथना करा।

मरकुस 10:17

कने तंजे सै तित्थी ते निकल़ीने रस्ते च जाये रां था, तां इक माहणु तिसलौ दौड़दा-दौड़दा आया, कने तिसरे सामणे गोडे टेक्कीने तिस्सो पुच्छया, “हे अव्वल गुरू, अनन्त जीवन पाणे रे खातर हऊँ क्या करूँ?”

लूका 10:25

इक दिन ताहली जे यीशु लोकां जो सखाया राँ था, तां इक व्यवस्थापक उट्ठया; कने ये बोल्लीने तिसजो परखणे लगया, “गुरू जी, अनन्त जीवना रा बारस होणे रे खातर हऊँ क्या करूँ?”

लूका 18:18

किसी सरदारे तिसते पुच्छया, “हे अव्वल गुरू, अनन्त जीवना रा बारस हुणे रे खातर हऊँ क्या करूँ?”

रोमियो 12:14

अपणे सताणे औल़यां जो आशीष देआ; तिन्हांजो श्राप नीं देआ।

रोमियो 12:17

बुराईया रा बदला किसी जो बुराईया ने मता देन्दे; सारयां लोकां रिया नज़राँ च सै जे ठीक आ तिसजो इ करने री सोच्चा।

रोमियो 8:28

अहें जाणाँ ये भई परमेशर तिन्हां सारयां लोकां रे खातर अच्छी चीजां ल्यौआं सै जे तिस्सो प्यार कराँ ये; यनिके तिन्हांरे खातर सै जे तिसरिया मर्जिया रे मुतावक तिस्सो जे तिने चुणीरा।

रोमियो 8:30

फेरी तिन्हांजो जे तिने पैहले ते तैह कित्या, तिन्हाजो बी तिने चुणया, कने सै जे तिने चुणे, सै तिने धर्मी घोषित कित्ते, कने तिन्हाजो जे तिने धर्मी घोषित कित्या, तिन्हां सौगी तिने अपणी महिमा बी बन्डी।

गलातियां 3:14

मसीहे अहांजो इस खातर छडवाया भई अब्राहमा जो दित्तिरी आशीष मसीह यीशुये रे जरिये अन्यजातियां जो मिली सक्को, ताकि विश्वास करने रे जरिये अहें तिस पवित्र आत्मा जो पाई सक्को, तिसरा जे तिने अहांजो देणे रा वायदा कित्तिरा था।

इफिसियां 4:32

अप्पूँ चियें इक्की दुज्जे रे प्रति दयालु कने करुणावान बणा कने अप्पूँ चियें इक्की दूये रे अपराधां जो तियां इ माफ करा तियां जे मसीह रे जरिये तुहांजो परमेशरे बी माफ कित्या।

1 थिस्सलुनीकियां 5:15

ये ध्यान रखा भई कोई किसी ने बुराईयां रे बदले बुराई नीं करो; पर सदा अप्पूँ चियें कने सब्बीं ने भलाई करने री कोशिश करा।

इब्रानियों 12:17

तुहें त जाणाँ ये भई बाद बिच ताहली जे तिने पिता री आशीष पाणी चाई, तां तिस्सो नीं मिली, हलाँकि सै रोया तियां जे अपणियां गल़तियां जो सुधारने रे खातर इक मौका पाणे री कोशिश करया राँ था फेरी बी तिस्सो सै आशीष नीं मिली।

इब्रानियों 6:14

“हऊँ सचमुच तिज्जो बौहत आशीष देंगा, कने तेरे बंशां जो अनगिणत बधांगा।”

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।