1 पतरस 3:8 - बिलासपुरी नौआं नियम

⁸ आखिर च हऊँ तुहांजो ये बोलणा चांह, तुहां सारयां जो इक मन हूणा चाहिन्दा, इक दूये रे प्रति सहानुभूति रखा कने इक दूये जो इक परिवारा रे सदस्या साई प्यार करा, कने इक दूये रे प्रति दयालु कने नम्र बणा।

1 पतरस 3:8 ပူးပေါင်းရင်းမြစ်များ

मत्ती 18:33

क्या तिज्जो बी अपणे साथी दास्सा पर दया नीं दसणी चाहिन्दी थी तियां जे मैं तू पर दया किति कने कर्जा माफ कित्या?’

लूका 10:33

पर इक माहणु बी सै जे सामरिया प्रदेशा ते था तिसा वाटे गया कने जिस बगत तिने तिस जख्मी माहणुये जो देख्या, कने तिस्सो तिस पर दया आईगी।

प्रेरितां 2:1

तां जे पिन्तेकुस्त त्योहारा रा दिन आया तां सै सब यरूशलेम च इक्की जगह कट्ठे थे।

प्रेरितां 27:3

दुज्जे रोज अहें सैदा नगरा च पुज्जीगे, कने यूलियुस पौलुसा पर दया करीने तिस्सो दोस्तां ला जाणे दित्या भई सै तिसरा सत्कार कित्या जाणा।

प्रेरितां 28:7

तिसा जगह रे नेड़े तेड़े तिस टापुये रे प्रधान पुबलियुस री जमीन थी। तिने अहौं अपणे घरा नेईने तिन्हां दिनां तका दोस्तां साई आओ-बैठ किति।

प्रेरितां 4:32

विश्वास करने औल़यां री मण्डली इक चित कने इक्की मना री थी, येत्थी तका भई कोई बी अपणी धन सम्पतिया जो अपणा नीं बोलदा था, पर सब किछ सांझा था।

रोमियो 12:10

भाईचारे रे प्यारा ने इक्की दुज्जे रे प्रति समर्पित रौआ, कने दुज्यां जो अप्पूँ ते बधीने आदर देआ।

रोमियो 15:5

धीरज कने हौंसला देणे औल़ा परमेशर तुहांजो ये बरदान देओ, ताकि तुहें अप्पूँ चियें इक मन हुईने रौ, तियां जे मसीह यीशुये रा तुहें अनुशरण करी राँये।

1 कुरिन्थियों 1:10

अरे साथी विश्वासियो, हऊँ अहांरे प्रभु यीशु मसीह रे अधिकारा ने तुहांजो विनती कराँ, भई तुहें सब इक दूये ने सैहमत रौआ, कने लग-लग टोलियां नीं बणावा, बल्कि सारे इक मन कने इक सोच रक्खीने इक जुट रौआ।

1 कुरिन्थियों 12:26

इस खातर जे इक्की अंगा जो दुख मिलां, तां सब अंग तिसने सौगी दुख पांये; कने जे इक्की अंगा री बडयाई हुआं इ, तां सब अंग तिसने सौगी नन्द मनायें।

इफिसियां 4:2

हमेशा नम्रता कने कोमलता सौगी, धैर्यपूर्वक व्यवहार करा, इक्की दूये जो प्यारा ने सैहन्दे रौआ।

इफिसियां 4:31

हर तरिके री कड़वाहट, झुँझलाहट, गुस्सा, चिखणा-चिल्लाणा, निंध्या कने हरेक बुराईया जो तुहें अपणे अन्दरा ते दूर करा।

इफिसियां 4:32

अप्पूँ चियें इक्की दुज्जे रे प्रति दयालु कने करुणावान बणा कने अप्पूँ चियें इक्की दूये रे अपराधां जो तियां इ माफ करा तियां जे मसीह रे जरिये तुहांजो परमेशरे बी माफ कित्या।

फिलिप्पियां 2:3

हिरख कने घमण्डा ने किछ बी मता करदे, बल्कि नम्र बणा कने दुज्जेयां जो अप्पूँ ते खरा समझा।

फिलिप्पियां 3:16

इस खातर अहांजो सच्चाईया रे मुतावक जीणा चाहिन्दा तिस्सो जे परमेशरे अहां पर पैहले तेई परगट करी तरा।

कुलुस्सियां 3:12

काँह्भई तुहें परमेशरा रे चुणीरे पवित्र कने प्यारे लोक ये इस खातर सहानुभूति रखणे औल़े, दया करने औल़े, नरम दिल, तसल्ली रखणे औल़े कने नम्र बणा।

इब्रानियों 13:1

इक दूये जो भाई-भैणा साई प्यार करदे रौआ।

याकूब 2:13

इस खातर जे तुहें दुज्यां पर दया नीं करदे, तुहां पर बी दया नीं किति जाणी; जे तुहें दुज्यां रे प्रति दयालु रै, तां परमेशरा तुहांरे खातर बी दयालु रैहणा ताहली जे तिस न्याय करना।

याकूब 3:17

पर सै ज्ञान जे परमेशरा रिया तरफा ते औंआं सै पवित्र, मिलणसार, कोमल, दुज्जेयां रे अधीन रैहणे औल़ा। ये दया कने खरयां कम्मां ने भरीरा, इसच कदीं पक्षपात नींआ, कने हमेशा ईमानदार होता है।

याकूब 5:11

तिन्हां लोकां जो अहें काफी आदर दें, सै जे धीरजा ने दुख सैहन्दे रैं। तसल्लिया ने सैहणे औल़यां च अय्यूब इक आदर्श आ; तिसरे अनुभवा ने अहें सिक्खां ये भई परमेशरा रिया योजना रा अन्त कियां भलाईया च हुआं, इस खातर भई प्रभु कितना दयालु कने करुणा ने भरीरा।

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

1 पतरस 2:17

सब्बीं लोकां रा आदर करा, अपणे साथी विश्वासियां ने प्यार रखा, परमेशरा ते डरा कने राजे रा आदर करा।

1 पतरस 5:5

इस तरिके ने नौजबानो, तुहें बी अपणे बजुर्गां रे अधीन रौआ कने तुहें सारे नम्रता ने इक्की दुज्जे रिया सेवा खातर कमर बन्हीने रा त्यार रौआ, काँह्भई, “परमेशर घमण्डियां रा बरोध कराँ, पर नम्र लोकां पर अनुग्रह कराँ।”

2 पतरस 1:7

नांई तुहांजो इस तरिके ने जीणा चाहिन्दा सै जे परमेशरा जो खुश कराँ, बल्कि अपणे परिवारा रे सदस्या साई बी साथी विश्वासियां ने प्रेम करना चाहिन्दा, नांई तुहांजो अपणे परिवारा रे सदस्या साई इक्की दूये जो प्रेम करना चाहिन्दा, बल्कि तुहांजो सारयां लोकां जो प्रेम करना चाहिन्दा।

1 यूहन्ना 3:14

अहांजो पता भई अहें मौती ते अजाद हुईने हुण अहांजो अनन्त जीवना मिलीरा; काँह्भई अहें अपणे साथी विश्वासियां ने प्यार रखां ये: सै जे प्यार नीं रखदा, सै आत्मिक रितिया ने मरी चुक्कीरा।