1 पतरस 3:15 - बिलासपुरी नौआं नियम

¹⁵ बल्कि मसीह जो अपणी जिन्दगिया रा प्रभु जाणीने आदर करा। जे कोई तुहांते तुहांरिया आशा रे बारे च पुछो, तां तिस्सो जबाब देणे रे खातर हमेशा त्यार रौआ, पर बिनम्र कने आदरा ने ये करा;

1 पतरस 3:15 ပူးပေါင်းရင်းမြစ်များ

प्रेरितां 21:39

पौलुसे गलाया, “हऊँ तां तरसुस नगरा रा यहूदी माहणु आ! किलिकिया प्रदेशा रे मन्ने-तन्ने नगरा रा रैहणे औल़ा। हऊँ तेरने विनती कराँ भई मिन्जो लोकां ने गल्लां करने दे।”

प्रेरितां 24:25

ताहली जे सै धर्मिकता, कने संयम, कने औणे औल़े न्याय रे बारे च चर्चा करया राँ था, तां फेलिक्स डरा रे मारे जवाब दित्या, “हुण तू जा; मौका देखीने हऊँ तिज्जो फेरी सदगा।”

कुलुस्सियां 1:23

ये तांई हुई सक्कां तां जे तुहें अपणे विश्वासा च मजबूतिया ने टिक्कीरे रैहन्गे, कने खुशखबरिया रे जरिये दित्ति रिया तिसा आशा रा त्याग नीं करी दो, तिसौ जे तुहें सुणया। ये खुशखबरी इसा धरतिया पर रैहणे औल़े सारयां लोकां जो प्रचार कित्या गईरा, कने हऊँ पौलुस तिसरा इ सेवक बणीरा।

कुलुस्सियां 1:27

परमेशरे अपणयां लोकां जो ये परगट करने रा फैसला कित्या भई तिसरी योजना होरीं जातियां रे लोकां खातर सही माईने च कितणी अदभुत इ, कने मसीह तुहां च वास कराँ ताकि तुहें भरोसे सौगी स्वर्गा च परमेशरा री महिमा च भागीदार हुई सक्को।

कुलुस्सियां 1:5

तुहें ये कराँ ये काँह्भई तुहें भरोसे सौगी तिस ईनामा जो पाणे री आशा कराँ ये, सै जे परमेशरे स्वर्गा च तुहांरे खातर त्यार कित्तिरा, इस बारे च तुहें पैहले तेई सुणी चुक्कीरे, ताहली जे लोक पैहले तुहांले आये कने तुहांजो सच्चा सन्देश दित्या सै जे मसीह यीशुये री खुशखबरी।

कुलुस्सियां 4:6

तुहांरी बोल्ली सदा मिठी रौ कने तिसते जे समझदारिया री पछयाण लगो कने तुहें जाणी सक्को भई किसी माहणुये जो कियां जबाब देणा चाहिन्दा।

तीतुस 1:2

सच्चे सन्देशा रा ये ज्ञान तिन्हांजो ये आशा देआं भई तिन्हां अनन्त जीवन पाणा तिसजो जे परमेशरे सै जे कदीं झूट्ठ नीं बोलदा संसारा रिया सृष्टिया ते पैहले देणे रा वायदा कित्तिरा।

इब्रानियों 3:6

पर मसीह पुत्रा साई परमेशरा रे लोकां खातर बफादार आ; कने सै अहें लोक ये। जे अहें लगातार हिम्मत रखिये कने आशा रे बारे च घमण्ड करो।

इब्रानियों 6:1

इस खातर औआ मसीह रियां शिक्षां री शुरु रियां गल्लां जो दोहराईये नीं पर विश्वासा च परिपक्व हुन्दे जाईये। अहांजो भीं ते पैहलकिया शिक्षा रे बारे च यनिके मौती रिया तरफा जो लेई जाणे औल़े कम्मां ते मन फिरावा, कने परमेशरा पर विश्वास करना,

1 पतरस 1:17

जे तुहें परमेशरा जो पिता बोल्लीने प्राथना कराँ ये सै जे बिणा तरफदारिया ते कित्तिरे हर इक्की रे कम्मां जो देखीने इन्साफ कराँ, तां इस संसारा च इक परदेसिये साई जींदे हुये तिसरा आदर करदे हुये अपणा जीवन बितावा।

1 पतरस 3:2

तुहांरे बिणा किछ बोल्ले सिर्फ तुहांरे चाल-चलना जो देखीने इ तिन्हां यीशुये पर विश्वास करना, काँह्भई तिन्हां तुहांरा पवित्र कने अच्छा स्वभाव देखणा।

1 पतरस 3:4

बल्कि तुहांरी सुन्दरता तुहांरिया अन्तरात्मा पर निर्भर हूणी चाहिन्दी यनि नम्रता कने शाँत स्वभाव सै जे कदीं नाश नीं हूणा, परमेशरा रिया नज़राँ च बौहत कीमती आ।