1 पतरस 2:7 - बिलासपुरी नौआं नियम

⁷ इस खातर तुहां विश्वास करने औल़यां रे खातर ये पत्थर बौहत कीमती आ, पर सै लोक जे विश्वास नीं करदे तिन्हांरे खातर, “तिस पत्थरा जो जे राजमिस्त्रियें बेकार समझीने त्यागी तरा था, सैई पत्थर कुणे रा पैहला पत्थर हुईग्या,”

1 पतरस 2:7 ပူးပေါင်းရင်းမြစ်များ

मत्ती 21:42

यीशुये तिन्हाने गलाया, “क्या तुहें पवित्रशास्त्रा रा ये बचन नीं पढ़या: ‘राजमिस्त्रियें इक्की पत्थरा जो बेकार समझीने सटाईत्या था, पर वगत औणे पर पता लगया भई सैई पत्थर कुणे रा सबनीं ते खास पत्थर बणीग्या? येढ़ा परमेशरा रिया तरफा ते हुया, सै जे अहां रियां नज़राँ च त नोखा।’

लूका 2:32

भई सै अन्यजातियां रे लोकां पर परमेशरा रिया सच्चाईया जो परगट करने औल़ी ज्योति आ, कने तेरे अपणयां लोकां इस्राएल रे खातर तिस आदर लेईने औणा!”

लूका 2:34

फेरी शमौने तिन्हाजो आशीष दित्ति, कने तिने तिसरी माता मरियमा ने गलाया, “ये न्याणा परमेशरा री चुणीरी नशाणी इ। इस्राएल रे बौहत लोकां तिसरा इन्कार करना, कने सैई गल्ल कईयां रे उजड़ने री वजह बणनी, पर तिस बौहत लोकां रे खातर आशीषा री वजह बणना।

लूका 20:17

यीशुये तिन्हां खा देख्या कने गलाया, “तां फेरी पवित्रशास्त्रा च ये क्या लिखिरा? तिस पत्थरा जो जे राजमिस्त्रियें बेकार समझीने कण्डे करी तरा था, सैई पत्थर हुण कुणे रा खास पत्थर हुईगरा।

यूहन्ना 4:42

तिन्हे तिसा जनाना ने गलाया, “हुण अहें सिर्फ तेरे बोलणे तेई विश्वास नीं करदे; काँह्भई अहें अप्पूँ इ तिस्सो सुणील्या कने हुण अहें ये जाणीगे भई सच्ची जो येई हाया सै जे संसारा रा छुटकारा करने औल़ा।”

प्रेरितां 26:19

“इस खातर हे राजा अग्रिप्पा, मैं तिस स्वर्गीय दर्शणा रा पालन कित्या,

रोमियो 10:21

पर परमेशरे इस्राएली लोकां रे बारे च गलाया, “हुक्म नीं मनणे औल़े अपणे सारे विरोधियां जो अप्पूँ ले वापस औणे रे खातर हऊँ सारा दिन सददा रैयाँ।”

रोमियो 15:31

प्राथना करा भई परमेशर मिन्जो यहूदिया प्रदेशा च अविश्वासियां ते बचाओ, कने यरूशलेम च रैहणे औल़े परमेशरा रे लोक तिसा सहायता जो पाणे खातर खुश हुणे सै जे हऊँ तिन्हांरे खातर लेईने जाया राँ;

2 कुरिन्थियों 2:16

पर तिन्हां खातर सै जे विनाश रे रस्ते पर ये, सै मौती री येढ़ि दुर्गन्ध ये सै जे तिन्हांजो मौती रिया तरफा लेई जाईं; पर तिन्हांरे खातर सै जे छुटकारे रे रस्ते पर बधदे रैं, ये जिन्दगिया री येढ़ि खुशबु ये, सै जे जीवना री तरफ बधान्दी रैईं। पर इन्हां कम्मां रे खातर कोई बी लायक नींआ।

कुलुस्सियां 2:10

कने तुहें तिस ची भरपूर हुईगे, सै हरेक प्रधान्नां कने अधिकारियां ते बी ऊपर आ।

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

इब्रानियों 11:31

विश्वासा रे जरिये इ राहाब वेश्या हुक्म नीं मनणे औल़यां सौगी नाश नीं हुई, काँह्भई तिसे भेदियां जो शान्तिया ने रखीरा था।

इब्रानियों 4:11

इस खातर आओ अहें तिस विस्राम रिया जगह च जाणे री कोशिश करिये, ताकि येढ़ा नीं हो भई कोई माहणु इस्राएली लोकां साई हुक्म नीं मन्नीने विस्राम च जाई नीं पाओ।

1 पतरस 1:8

हलाँकि तुहें कदी यीशु मसीह जो नीं देख्या फेरी बी तुहें तिसने प्यार कराँ ये; कने हुण तुहें तिस्सो नीं देखदे, फेरी बी तुहें तिस पर विश्वास कराँ ये कने येढ़े आनन्दित कने मगन हुआं ये सै जे बखान करने ते बाहर कने महिमा ने भरीरा,

1 पतरस 2:4

प्रभु यीशुये ले औआ सै जे जीवित पत्थर आ, तिसजो जे लोके निकम्मा समझीने त्यागी तरा, पर परमेशरे तिसजो चुणया कने सै तिसरे खातर कीमती आ।

1 पतरस 2:8

कने पवित्रशास्त्र बी बोलां, “येई पत्थर आ तिसते जे लोकां जो ठोकर लगां इ कने चट्टान तिन्हांजो थल्ले सट्टां इ।” तिन्हांजो ठोकर लगां इ, काँह्भई सै परमेशरा रे सन्देशा पर विश्वास नीं करदे, तिन्हांरे खातर ये परमेशरे तैह कित्या था।