1 पतरस 2:19 - बिलासपुरी नौआं नियम

¹⁹ जे कोई परमेशरा रा ध्यान करदे हुये अन्याय रिया वजह ते दुख सैयां, तां तिसते परमेशर बौहत खुश हुआं।

1 पतरस 2:19 ပူးပေါင်းရင်းမြစ်များ

लूका 6:32

“जे तुहें अप्पूँ ने प्यार रखणे औल़यां ने सौगी प्यार रखो, तां तुहांरी क्या बडयाई? काँह्भई पापी बी अप्पूँ ने प्यार रखणे औल़यां ने सौगी प्यार रखां ये।

यूहन्ना 15:21

मेरा चेला हुणे रिया वजह ते लोकां तुहांजो ये सब किछ करना, काँह्भई सै नीं जाणदे भई मिन्जो किने भेज्जिरा।

प्रेरितां 11:23

सै तित्थी पुज्जी ने कने परमेशरा रा अनुग्रह देखीने खुश हुआ, कने सबनीं जो ये उपदेश दित्या भई तन-मन लाईने प्रभुये ने चिपकी रे रौआ।

रोमियो 13:5

इस खातर राजे रे प्रति तुहांरा समर्पण जरूरी आ, ये समर्पण सजा ते डरीने नीं हूणा चाहिन्दा, पर तुहांरिया आत्मा रिया गहराईया ने हूणा चाहिन्दा।

1 कुरिन्थियों 15:10

पर हऊँ जो किछ बी आ, परमेशरा रे अनुग्रह तेआ। कने तिसरा अनुग्रह सै जे माह पर हुआ, सै बेकार नीं हुया पर मैं तिन्हां सब्बीं प्रेरितां ते बधीने मेहणत बी कित्तिरी; तां बी ये मेरिया तरफा ते नीं हुआ; पर परमेशरा रे अनुग्रह ते सै जे मांह पर था।

2 कुरिन्थियों 1:12

अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।

2 कुरिन्थियों 8:1

देक्खा, मेरे साथी विश्वासियो, हुण अहें ये चायें भई तुहें परमेशरा रे तिस अनुग्रह रे बारे च जाणा सै जे परमेशरे मकिदुनिया प्रदेशा री कलीसियां रे विश्वासियां जो दित्तिरा।

2 तिमुथियुस 1:12

कने इसा वजह ने हऊँ इन्हां गल्लां रा दुख सैया राँ, फेरी बी हऊँ शर्मान्दा निआं, काँह्भई तिस पर जे मैं विश्वास कित्तिरा, हऊँ तिस्सो जाणाँ कने मिन्जो ये निश्चा भई तिने मिन्जो जो किछ दित्तिरा, सै तिसरिया रक्षा करने च तिस दिना तक समर्थी आ।

इब्रानियों 10:2

जे सै लोकां जो सिद्ध करी देन्दी तां बल़ि चढ़ाणा खत्म हुई जान्दा, काँह्भई तां अराधना करने औल़े इक्की बारिया च हमेशा खातर पवित्र हुई जान्दे। कने अपणे पापां रे खातर फेरी कदी अप्पूँजो अपराधी नीं समझदे।

1 पतरस 2:20

पर जे बुरे कम्मां रिया वजह ने तुहांजो मारया-कुट्टया जां कने तुहें धीरज रक्खया, तां इसच प्रशंसा री क्या गल्ल इ, पर जे भला काम्म करीने दुख सैया कने धीरज रक्खां ये, तां इसते परमेशरा जो खुशी हुआं इ।

1 पतरस 4:15

किसी बी तरिके ने तुहां च कोई खूनी, चोर, दुष्टता रा काम्म करने औल़ा, कने दुज्जे रे कम्मां च दखल देणे औल़ा होणे रिया वजह ते दुख नीं पाओ।