1 पतरस 2:15 - बिलासपुरी नौआं नियम

¹⁵ काँह्भई परमेशरा री इच्छा येई ताकि तुहें भले काम्म करने ते बेअक्कल लोकां री अज्ञानता रियां गल्लां जो बन्द करी देआ सै जे तुहांरे खिलाफ कराँ ये।

1 पतरस 2:15 ပူးပေါင်းရင်းမြစ်များ

मत्ती 25:2

तिन्हां चा ते पांज्ज लापरवाह थिआं कने पांज्ज समझदार थिआं।

मत्ती 7:26

“पर सै जे मेरियां गल्लां सुणां पर तिन्हां पर नीं चलदा, सै तिस मूर्ख माहणुये साई हूणा तिने जे अपणा मकान रेता पर बणाया।

रोमियो 1:21

जबकि सै परमेशरा जो जाणाँ ये, पर सै तिस्सो परमेशरा रे रुपा च आदर या धन्यवाद नीं देन्दे, बल्कि सै उट-पटांग सोचणे लगे, कने तिन्हांरे दमाग फिरी गरे।

गलातियां 3:1

अरे गलातिया रे विश्वासियो तुहें निरे मूर्ख ये! तुहांजो किने धोखा दित्या? तुहांजो त इसा गल्ला रा पूरा ब्योरा देईतरा था भई किसा वजह ने यीशु मसीह जो सब्बीं रे सामणे क्रूसा पर चढ़ाया था।

1 थिस्सलुनीकियां 4:3

काँह्भई परमेशरा री इच्छा येई भई तुहें पवित्र बणा: यनिके तुहें व्यभिचार मत करा,

1 थिस्सलुनीकियां 5:18

हरेक हालता च परमेशरा रा धन्यवाद करो; काँह्भई तुहां खातर मसीह यीशु च परमेशरा री येई इच्छा इ।

1 तिमुथियुस 1:13

हलाँकि हऊँ त पैहले मसीह री निंध्या करने औल़ा, विश्वासियां जो सताणे औल़ा, कने निर्दयी माहणु था; तां बी मसीह माह पर दया कित्ती, काँह्भई मैं अनजाणे च कने अविश्वावासा रिया वजह ने ये काम्म कित्ते थे।

तीतुस 2:8

कने सै सिखा सै जे सच्च आ कने तिसरी जे कोई निंध्या नीं करी सक्को, ताकि तेरे शत्रु शर्मिन्दा हो, काँह्भई किछ बी बुरा नीं हुणा सै जे सै अहांरे बरोधा च बोल्ली सक्को।

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

1 पतरस 2:12

अविश्वासी लोकां रे बिच तुहांरा चाल-चल़ण ठीक हो, इस खातर भई तिन्हां गल्लां च जे सै तुहांजो बुरा समझीने बदनाम कराँ ये, सै तुहांरे भले कम्मां जो देखीने परमेशरा रे औणे रे दिन परमेशरा री महिमा करो।

1 पतरस 3:16

कने अपणी अन्तरात्मा साफ रखा, ताकि यीशु मसीह च तुहांरे खरे चाल-चलना री निंध्या करने औल़े लोक तुहांरी बेज्जति करदे हुये शर्म महसूस करो।

1 पतरस 3:17

जे परमेशरा री येई इच्छा इ, तां बुराई करीने सजा भुगतणे ते जादा भलाई करीने दुख सैहणा ठीक आ।

1 पतरस 4:2

इसरा नतीजा तिस माहणुये रा बाकी संसारिक जीवन माहणुये री बुरी इच्छा रे मुतावक नीं, बल्कि परमेशरा रिया इच्छा रे मुतावक हूणा।

2 पतरस 2:12

पर ये लोक त नासमझ जानबराँ साई ये सै जे पकड़े जाणे कने मारे जाणे रे खातर पैदा हुईरे; कने तिन्हां गल्लां जो जे जाणदे तक नींये तिन्हांरे बारे च बुरा-भला गल्लां ये, तिन्हां जंगली जानबराँ साई नाश हुई जाणा।

यहूदा 1:10

पर ये लोक तिन्हांरे बारे च बुरा बोलां ये तिसरे बारे च जे सै किछ नीं जाणदे। कने जो किछ सै जाणाँ ये सै आमतौर पर नासमझ जानबरा साई कराँ ये, कने ये करने रे जरिये सै खुद अप्पूँजो नाश कराँ ये।