1 पतरस 1:19 - बिलासपुरी नौआं नियम

¹⁹ पर निर्दोष कने कलंक रहित मेमने यनि मसीह रे कीमती खून्ना ते हुई।

1 पतरस 1:19 ပူးပေါင်းရင်းမြစ်များ

मत्ती 20:28

तियां जे भई माहणुये रा पुत्र, यनि हऊँ इस खातर नीं आया भई अपणी सेवा करवाऊँ, पर हऊँ इस खातर आया भई अप्पूँ सेवा करूँ कने बौहत सारे लोकां जो पापां ते छुड़ाणे खातर अपणा प्राण देऊँ।”

मत्ती 26:28

काँह्भई ये वाचा रा मेरा सै खून आ, सै जे मते लोकां खातर बगाया जाईराँ, ताकि तिन्हांरे पापां जो माफ करना सम्भब हुई सक्को।

यूहन्ना 1:29

दुज्जे दिन यूहन्ने यीशुये जो अपणी तरफ औन्दे देखीने गलाया, “देक्खा, ये परमेशरा रा मेमना सै जे संसारा रा पाप अपणे ऊपर लेई जां।

यूहन्ना 1:36

कने तिने यीशुये जो सामणे जान्दे हुये देख्या कने गलाया, “देक्खा ये परमेशरा रा मेमना।”

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

रोमियो 3:25

परमेशरे यीशु मसीह जो अहांरे पापां रे खातर बलिदान हुणे जो भेज्या कने मसीहे अपणा खून्न बहाया ताकि तिस पर विश्वास करने रे जरिये अहें परमेशरा ले आई सक्को। परमेशरे ये दसणे खातर येढ़ा कित्या भई पैहले सै सहनशील कने पापियां जो माफ करने च सही था। यह ये बी दस्सां भई परमेशर सही आ ताहली जे सै मसीह पर विश्वास करने औल़यां जो ग्रहण कराँ।

इफिसियां 1:7

अहौं तिसच परमेशरा रे बौहत अनुग्रह रे मुतावक मसीह रे खून्ना रे जरिये छुटकारा, यनिके अहांरे पापां री माफी मिलीरी, परमेशरा रा अनुग्रह बौहत इ महान आ सै जे तिने अहांजो बौहत-जादा करीने दित्या।

कुलुस्सियां 1:14

अपणे पुत्रा रे बलिदान्न रे जरिये परमेशरे अहांजो शैतान्ना रिया शक्तिया ते अजाद कित्या, कने अहांरे पापां जो माफ कित्या।

1 पतरस 1:2

परमेशर पिता बौहत पैहले अपणे लोक हुणे खातर तुहांजो चुणने खातर तैह कित्या कने तुहांजो पवित्र आत्मा रे कम्मा रे जरिये पवित्र बणाया। तिने ये इस खातर कित्या ताकि तुहें यीशु मसीह जो मन्नी सक्को कने तिसरे खून्ना रे जरिये शुद्ध हुई सक्को। हऊँ प्राथना कराँ भई परमेशर तुहांजो बौहत जादा अनुग्रह कने शान्ति देओ।

1 पतरस 3:18

हऊँ इस खातर सै बोलां भई, मसीहे बी दुख सैहण कित्या कने अहांरे पापां रे खातर इक इ बार मरया। सै धर्मी माहणु था सै जे पापी लोकां रे खातर मरया, ताकि सै तुहांजो परमेशरा रे नजदीक ल्याई सक्को। तिसरी शारीरिक मौत त हुईगी, पर सै परमेशरा रिया आत्मा रे जरिये जिऊंदा कित्या गया।

1 यूहन्ना 1:7

पर तियां जे परमेशर जोति आ, तियां इ जे अहें बी जोतिया च जीवन बिताईये, तां अहें इक्की दुज्जे ने संगती रखां ये, कने तिसरे पुत्र यीशु मसीह रा खून अहांजो सारयां पापां ते साफ कराँ।

1 यूहन्ना 2:2

कने सैई अहांरे पापां रे प्रायश्चिता खातर इक बलिदान बणया, कने न सिर्फ अहांरे पापां रा बल्कि सारे संसारा रे पापां रा बी।

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

प्रकाशितवाक्य 14:1

फेरी मैं देख्या भई सै मेमना सिय्योन पहाड़ा पर खढ़िरा, कने तिस सौगी इक लाख चौताली हज़ार लोक थे, तिन्हांरे मत्थे पर मेमने रा कने तिसरे पिता रा नौं लिखिरा था।

प्रकाशितवाक्य 14:5

कने तिन्हांरे मुँआ ते कदीं झूट्ठ नीं निकल़या था, सै निर्दोष ये।

प्रकाशितवाक्य 5:6

फेरी मैं तिस संघासणा कने चऊँ प्राणियां कने तिन्हां प्राचीनां रे बिच्च, मन्नो इक बध कित्तिरा मेमना खड़ा देख्या। तिसरे सात्त सिंग कने सात्त आक्खीं थिआं; ये परमेशरा रियां सात्त आत्मा ईं, सै जे सारिया धरतिया पर भेज्जी गईयां।

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,

प्रकाशितवाक्य 7:14

मैं तिसजो जबाब दित्या, “हे स्वामी, हऊँ नीं जाणदा, पर तूई जाणाँ।” तिने मेरने गलाया, ये सै लोक ये, सै जे तिस बड़े दुखा ते निकल़ीने आईरे; इन्हें अपणे कपड़े मेमने रे खून्ना ने धोईने चिट्टे कित्तिरे।